ТХА-ны Холбооны хэсгийнхэн явган аялцгаалаа

2009-8-15-ны өдөр ИНЕГ-ын ТХА-ны Холбооны хэсгийн инженер техникийн ажилчид 30 хүний бүрэлдэхүүнтэйгээр ИНЕГ-ын В-8 постноос гараагаа эхэлж Богд уулын станц, Жаргалантын ам, Цэцээ гүн хайрханаар дайран Манзуширын хийд гэсэн маршрутаар явган аяллыг амжилттай зохион байгуулжээ. Нийт 30 км газар аялсан бөгөөд аяллын хамгийн өндөрлөг цэг нь далайн түвшнээс дээш 2600 метрийн өндөр Богд уулын ноён оргил Цэцээ гүн хайрхан байжээ. Тус хэсгийн хамт олон энэ жил аялсанаар хоёр дахь жилдээ явган аялж байгаа бөгөөд өнгөрсөн жил мөн Цэцээ гүн хайрхан луу 10 км алхсан бол энэ жил 20 км ээр илүү буюу нийт 30 км алхсан байна. Ирэх жил тус хэсгийхэн Асралт хайрхан руу авиралт хийхээр төлөвлөж байна.

Дэлгэрэнгүй “ТХА-ны Холбооны хэсгийнхэн явган аялцгаалаа”

Залуусаа ! Баг тамирчдаа дэмжицгээе !

Иргэний агаарын тээвэрчдийн өдөрт зориулсан хөлбөмбөгийн тэмцээнд жил бүр оролцох баг олон, өрсөлдөөн ихтэй байдгийг харвал тус салбарт хөлбөмбөгийн спортын хөгжөөн дэмжигчид болон сонирхогчид ихтэй байдаг.

Энэ ч үүднээс Монголын хөл бөмбөг сонирхогч, хөгжөөн дэмжигчдийн холбооноос зохион явуулж буй "Tiger league"-д нисэхийн "Буянт-Ухаа" баг Монголын нисэхийн спорт нийгэмлэг, ИНЕГ-ын дэмжлэгтэйгээр оролцож байна.

Тэмцээний талаархи мэдээллийг http://www.mongolfootball.com/ вэбээс сонирхоно уу. Тэмцээн амралтын өдрүүдэд буюу 2009 оны 8-р сарын 15, 16, 22, 23, 29, 30, 9-р сарын 5, 6-ны өдрүүдэд Үндэсний төв цэнгэлдэх хүрээлэнд болж байна.

Багийн бүрэлдэхүүнийг харвал НХҮА, ТХА, "Чингис хаан" ОУБ-ын ажилтнуудаас бүрдсэн байна.

Баг тамирчиддаа нийт залуусынхаа өмнөөс амжилт хүсье !

Дэлгэрэнгүй “Залуусаа ! Баг тамирчдаа дэмжицгээе !”