Шинэ клип гарлаа

ОУ-ын нислэгийн удирдагчдын өдрийг жил бүрийн 10-р сарын 20-ны өдөр тэмдэглэн өнгөрүүлдэг билээ. Энэ тэмдэглэлт өдрийг тохиолдуулан ИНЕГ-ын Сургалтын төвийн "Нислэг хөдөлгөөн удирдагч"-ийн ангийн суралцагч Ц.Рагчаасүрэн "Бид нислэгийн удирдагч" дууны клип гаргажээ.
Дууны үгийг Ц.Рагчаасүрэн өөрөө зохиож, дуулсан бол, аяыг СТА Н.Баасандорж зохиосон байна. Хүсэл мөрөөдлөө харамгүй шингээж, сэтгэлд хоногшин, урт удаан наслах бүтээлээ дуунд хайртай түмэндээ өргөн барьсан уран бүтээлчдийн нэг бол хөгжмийн зохиолч СТА Н.Баасандорж бөгөөд “Зөөлөн зөөлөн замбуулин”, “Элээх тавилан”, “Тэр л хэвээрээ”, "Хосын хорвоо" гэх зэрэг дуугаар бид сайн мэдэх билээ.

Ц.Рагчаасүрэн нь Монголын хүүхдийн ардын урлагийн төв сангаас зохион байгуулдаг
-2003 онд зохиолын дууны төрлөөр алтан медаль,
-2004 онд эстрадын дууны төрлөөр мөнгөн медаль,
-2009 онд яруу найргийн төрлөөр алтан цом,
ЕБС-иас
-2003 онд шилдэг залуу алтан медаль,
-2005 онд шилдэг сурагч алтан медаль,
оор тус тус шагнагдсан байна.

Нислэгийн удирдагчдын өдөрт зориулан уран бүтээлийн бэлэг барьсан Ц.Рагчаасүрэндээ цаашдынх нь уран бүтээл, ажилд нь өндөр амжилт хүсэн ерөөе !

Иргэний нисэхийн залуучуудын холбоо