"Иргэний нисэхийн аэродром" номыг хэвлүүлсэн НААХЗА-ны аэродромын байцаагч Б.Мөнхжаргал нь 1976 онд төрсөн. Украйн улсын Киев хотын Олон улсын иргэний нисэхийн их сургуулийг аэродромын инженер мэргэжлээр төгссөн мэргэжлийн залуу боловсон хүчин юм. Ингээд та бүхэнд номын өмнөх үгийг хүргэе. Өмнөх үг
Нисэхийн аюулгүй ажиллагаа, тэр тусмаа иргэний нисэхийн салбарын улгүй ажиллагааны нэг томоохон хэсэг бол аэродромын аюулгүй ажиллагаа бөгөөд энэ нь аэродромын зөв төлөвлөлт, ашиглалттай салшгүй холбоотой юм.
Дэлхий нийтэд иргэний нисэхийн салбар эрчимтэй хөгжиж, орчин үеийн хүчирхэг агаарын хөлгүүд нислэг үйлдэх болсон бөгөөд цаг үеэ дагаад эдгээр агаарын хөлгүүдийн хурд, бүтцэд эрс өөрчлөлт орж байна. Энэ утгаараа агаарын хөлгийн хөөрөлт, буулт, газар дээрх хөдөлгөөн зэрэг нисслэгийн хамгийн хариуцлагатай, өндөр эрсдэлтэй үе шатны аюулгуй ажиллагааг хангахад аэродромын байгууламж, тоног төхөөрөмж болон аэродром орчмын нутаг дэвсгэрт онцгой өндөр шаардлагууд тавигдах болсон.
Дээрх шаардлагуудын хүрээнд Монгол улсын иргэний нисэхийн аэродромуудыг өргөтгөх, шинэчлэх, шинээр аэродромуудыг байгуулахад төр засгаас ихээхэн анхаарч, бүтээн байгуулалтын том төслүүдийг хэрэгжүүлж байгаа бөгөөд тэдгээрийг мэргэжлийн түвшинд гүйцэтгэх, ашиглаж байгаа болон ойрын ирээдүйд ашиглалтанд орох аэродромуудын ашиглалтын ажлыг удирдах инженер техникийн ажилтнууд, боловсон хүчнийг бэлтгэх, мэргэжил мэдлэгийг дээшлүүлэхэд гарын авлага болох энэхүү сурах бичиг гарч байгаа нь цагаа олсон чухал ач холбогдолтой бүтээл болжээ.
Номын цагаан буян дэлгэрэх болтугай
Аэродромын инженер, техникийн ухааны доктор Ч. Сэрд-Янжив
No comments:
Post a Comment