ИНЕГ-аас Техникийн бодлогын мэргэжилтэн, Нислэгийн хөдөлгөөний үйлчилгээний мэргэжилтэн, Байгаль орчны үнэлгээний мэргэжилтний ажлын байруудыг зарласан байна. 2009.9.15-ны дотор материалыг хүлээн авах юм байна. Дэлгэрэнгүй http://www.mcaa.gov.mn вэбийн "Ажлын байр" цэс рүү орж танилцана уу.
Дэлгэрэнгүй “Ажлын байрны зар”
2009/09/02
2009/08/24
ИРГЭНИЙ НИСЭХИЙН САЛБАРААС МОНГОЛ УЛСЫН БААТАР ТӨРСӨНД ЗАЛУУЧУУД БИД БАХАРХАЖ БАЙНА
Халх голын байлдааны ялалтын 70 жилийн ойг тохиолдуулан Монгол Улсын Ерөнхийлөгч Ц.Элбэгдорж зарлиг гарган БНМАУ-ын анхны гавьяат нисгэгч, хошууч генерал, Хувьсгалт тэмцлийн ахмад зүтгэлтэн Дугарын Гунгаа гуайд Монгол Улсын Баатар цол хүртээсэн билээ.
Эх орныхоо төлөө халуун амь, бүлээн цусаа харамгүй зориулж эх орны тусгаар тогтнол, нисэх хүчний хөгжлийн төлөө хийж бүтээсэн нөр их хөдөлмөрийн үр шимийг өнөөдөр төр засгаас өндрөөс үнэлж байгаад таны хойч үе, залгамж халаа болсон иргэний нисэхийн залуучууд бид чин сэтгэлээсээ бахархаж байна.
Зоригт шонхор Гунгаа гуайдаа аз жаргал, эрүүл энх, сайн сайхан бүхнийг хүсэн ерөөе.
ИРГЭНИЙ НИСЭХИЙН ЗАЛУУЧУУДЫН ХОЛБОО
2009/08/18
ТХА-ны Холбооны хэсгийнхэн явган аялцгаалаа
2009-8-15-ны өдөр ИНЕГ-ын ТХА-ны Холбооны хэсгийн инженер техникийн ажилчид 30 хүний бүрэлдэхүүнтэйгээр ИНЕГ-ын В-8 постноос гараагаа эхэлж Богд уулын станц, Жаргалантын ам, Цэцээ гүн хайрханаар дайран Манзуширын хийд гэсэн маршрутаар явган аяллыг амжилттай зохион байгуулжээ. Нийт 30 км газар аялсан бөгөөд аяллын хамгийн өндөрлөг цэг нь далайн түвшнээс дээш 2600 метрийн өндөр Богд уулын ноён оргил Цэцээ гүн хайрхан байжээ. Тус хэсгийн хамт олон энэ жил аялсанаар хоёр дахь жилдээ явган аялж байгаа бөгөөд өнгөрсөн жил мөн Цэцээ гүн хайрхан луу 10 км алхсан бол энэ жил 20 км ээр илүү буюу нийт 30 км алхсан байна. Ирэх жил тус хэсгийхэн Асралт хайрхан руу авиралт хийхээр төлөвлөж байна.
Дэлгэрэнгүй “ТХА-ны Холбооны хэсгийнхэн явган аялцгаалаа”
Subscribe to:
Posts (Atom)
