“Бүтээн байгуулагч залуус” спортоор өрсөлдөв

Монголын залуучуудын холбооноос Авто замчдын залуучуудын холбоотой хамтран зохион байгуулсан “Бүтээн байгуулагч залуус” спортын дөрвөн төрөлт тэмцээн амжилттай болж өндөрлөлөө. ИНЕГ-ын залуусаа төлөөлөн оролцсон Техник хангалт үйлчилгээний албаны инженер Т.Оюунтуул тус тэмцээний ширээний теннисний төрөлд хүрэл медаль хүртсэн бол есөн байгууллагын 135 тамирчин өрсөлдсөн сагсанбөмбөгийн тэмцээнд манай байгууллагын эрэгтэй баг тамирчид мөнгөн медаль хүртсэн байна.

Дэлгэрэнгүй ““Бүтээн байгуулагч залуус” спортоор өрсөлдөв”

НХҮА-ны баг шилжин явах цомын эзэн боллоо

Иргэний нисэхийн залуучуудын холбооноос жил бүр уламжлал болгон зохион байгуулдаг Монгол Улсын анхны олимпийн аварга Энхбатын Бадар-Ууганы нэрэмжит шилжин явах цомын төлөөх гурав дахь удаагийн тэмцээн өнгөрсөн амралтын өдөр 56 дугаар сургуулийн хөлбөмбөгийн талбайд болж өндөрлөлөө.

ИНЕГ, түүний харъяа байгууллагууд, агаарын тээвэрлэгч компаниудын баг өрсөлдөж, аваргаа шалгаруулдаг энэхүү тэмцээнд энэ жил 8 баг өрсөлдсөн бөгөөд 2 бүсэд хуваагдан тоглолоо.

Шигшээ тоглолтод НХҮА, МИАТ ХК, НМҮА, ГТҮА-ны багууд тунаж үлдээд байлаа. 2008 оны шилжин явах цомын аварга ХНБАҮА-ны баг энэ удаад бүсээс шалгарч чадсангүй. НХҮА-ны албанаас довтлогч Бямбадорж, НМҮА-ны Түвшинбаатар нар тэмцээний явцад хамгийн өндөр амжилт үзүүлсэн ба тус 2 баг аваргын төлөө тунаж үлдсэн юм. Шигшээ тэмцээнд шилжин явах цомын төлөө НХҮА, НМҮА-ны хоёр багийн тулаан маш сонирхолтой өрнөж, үзэгчдийг уйдаагаагүй сонирхолтой өрсөлдөөнийг үзүүлсэн юм. Харин 3 дугаар байрын төлөө МИАТ ХК, ГТҮА-ны багууд хүчтэй өрсөлдөж 2:3 харьцаагаар ГТҮА өрсөлдөгчөө буулгаж авлаа.

Тэмцээний дүн:
1 дүгээр байр. Нислэгийн хөдөлгөөний үйлчилгээний албаны баг



2 дугаар байр. Нислэгийн мэдээллийн үйлчилгээний албаны баг



3 дугаар байр. Газрын тусгай үйлчилгээний албаны баг



Шилдэг довтлогчоор энэ тэмцээнд 7 гоолыг оруулсан НХҮА-ны багийн довтлогч н.Бямбадорж шалгарлаа. Олон гоол оруулсан тамирчдыг жагсаавал:

Бямбадорж-7 НХҮА
Түвшинбаатар-6 НМҮА
Баяраа-6 ГТҮА
Пүрэвдорж-5 НХҮА
Бат-Ирээдүй -4 МИАТ



Тэмцээнд оролцсон нийт баг тамирчдадаа спортын өндөр амжилт, сайн сайхан бүхнийг хүсэн ерөөе.

Иргэний нисэхийн залуучуудын холбоо

Дэлгэрэнгүй “НХҮА-ны баг шилжин явах цомын эзэн боллоо”

ИНЗХ-ны тэргүүлэгч, ”Буянт-Ухаа” багийн тоглогч Д.Нямдаваа Спорт загварын машины эзэн боллоо

Сагсан бөмбөг сонирхогч аижлтан залуусыг “Эерэгээр амьдарцнаая” уриан дор нэгтгэдэг Спрайт супер лигийн тэмцээний аваргын төлөөх тоглолт өнгөрсөн амралтын өдрүүдэд спортын төв ордны А танхимд явагдаж өндөрлөлөө. Сонирхогчдын сагсан бөмбөгийн “TLG-13” ТББ, “MCS Coca-Cola” компани хамтран зохион байгуулдаг Спрайт супер лигийн 2011 оны аваргын төлөөх шийдвэрлэх тоглолтод баруун бүсээс ИНЕГ-ын С.Батмөнх эзэнтэй, Д.Одбаяр дасгалжуулагчтай “Буянт-Ухаа”баг, зүүн бүсийн аварга Хаан банкны багийн тамирчид өрсөлдөж хурд хүчээ сорилоо. Өнгөрсөн баасан аграгт хоёр багийн тоглолт тун ширүүхэн өрсөлдөөнөөр дүүрэн байж цаг дуусах мөчид тоглолтын харьцаа 72:71 болсноор тоглолт өндөрлөсөн юм. Ингээд хоёр баг өнгөрөгч ням гарагт аваргын төлөөх шийдвэрлэх тоглолт хийсэн юм. Спрайт супер лигт нийт 24 баг өрсөлдсөнөөс “Буянт-Ухаа” баг өрсөлдөгчөө цуврал тоглолтод 2:1 харьцаатай буулган авч, Спрайт супер лигийн хошой аварга боллоо.

Дэлгэрэнгүйг энд дарж үзнэ үү.

Дэлгэрэнгүй “ИНЗХ-ны тэргүүлэгч, ”Буянт-Ухаа” багийн тоглогч Д.Нямдаваа Спорт загварын машины эзэн боллоо”

Буянт-Ухаа баг хүрэл медаль хүртлээ

Монголын волейболын холбооноос 15 дахь жилээ зохион байгуулж буй үндэсний лигийн аварга шалгаруулах тэмцээн өндөрлөж аварга багууд тодорлоо.

Он дамжин үргэлжилсэн өнөө жилийн лигийн аварга шалгаруулах тэмцээнд эрэгтэйчүүдийн төрөлд "Харх", "Буянт-Ухаа", "Эрчим", "Ноён", "Уурхайчин" гэсэн таван баг өрсөлдсөн юм. Харин эмэгтэйчүүдийн төрөлд өнгөрсөн жилийн лигийн аварга "Эрчим" тэргүүтэй "ТЭЦ-4", "Уурхайчин", "Аминбүрд" гэсэн дөрвөн баг өрсөлдсөн юм. 2009 оны лигийн аварга шалгаруулах тэмцээний эрэгтэйчүүдийн шигшээ тоглолтод лигийн гурван удаагийн аварга Орхон аймгийн "Харх" ХХК-ийн "Харх", лигийн аварга "Эрчим" багууд өрсөлдөж 2:0 харьцаагаар "Хархчууд" ялалт байгуулж дөрөв дэх удаагаа лигийн аварга болов.

Хүрэл медалийн төлөө өнгөрсөн жилийн лигийн аварга Иргэний нисэхийн ерөнхий газрын баг, "Уурхайчин"-тай өрсөлдөж мөн л 2:0 харьцаагаар ИНЕГ-ынхан өрсөлдөгчөө буулган авсан юм.

Харин эмэгтэйчүүдийн тоглолт тун сонирхолтой, өрсөлдөөнтэй болж шигшээ тоглолтод лигийн аварга шалгаруулах тэмцээнд анх удаагаа оролцож байгаа "Аминбүрд", "Эрчим" багууд алтан медалийн төлөө өрсөлдсөн. Азийн оюутны аварга шалгаруулах тэмцээний хүрэл медальт "Аминбүрд" баг хашир туршлагатай мастеруудаас бүрдсэн "Эрчим"-ийг хоёр дараалан хожсоноор анх удаагаа лигийн аварга багаар шалгарлаа. Хүрэл медалийг "Уурхайчин" баг хүртсэн байна. 15 дахь удаагаа зохиогдож буй лигийн аварга шалгаруулах тэмцээний шилдэг тэгш тоглогчоор Н.Отгонбаяр /Харх/, Г.Цэцэгжаргал /Аминбүрд/ нар шалгарсан юм. Харин шилдэг холбогчоор Р.Хангай /ИНЕГ/, А.Уранцэцэг/Аминбүрд/ , шилдэг довтлогчоор Д.Базарваань /Харх/, Г.Энхсайхан / Аминбүрд/, шилдэг хамгаалагчаар Т.Отгонтөгс, А.Билгүүн / Эрчим/, шилдэг давуулагчаарХ.Ганхуяг/ИНЕГ/, П.Буянжаргал /Уурхайчин/ нар тодорсон юм.

Ц.Отгонбаатар

Дэлгэрэнгүй “Буянт-Ухаа баг хүрэл медаль хүртлээ”

Баг тамирчдаа дэмжээрэй

Спортын төв ордонд энэ сарын 4-нөөс үргэлжилсэн волейболын 2009 оны лигийн аварга шалгаруулах тэмцээн гурван өдөр завсарлаад өнөөдөр үргэлжилнэ. 14.00 цагаас эхлэх тэмцээний тоглолтын салхийг "Аминбүрд", "Уурхайчин" багийн эмэгтэй багууд хагалах юм.

Дараагийн тоглолт нь эрэгтэйчүүдийн "Ноён", "Эрчим", гурав дахь тоглолт нь өнгөрсөн жилийн аварга Иргэнийн нисэхийн ерөнхий газрын "Буянт-Ухаа", мөн өнгөрсөн жил хоёрдугаар байрт шалгарсан "Харх" багуудын хооронд болно. Энэ өдрийн тоглолт багуудын байр эзлэхэд нөлөөлөх гол тоглолтууд юм.

Эхний тойргийн тэмцээнд ганц ч ялагдал хүлээгээгүй "Аминбүрд" баг хоёрдугаар тойрогтоо тааруухан тоглосон нь волейбол сонирхогчдыг гонсойлгосон хэдий ч тэдэнд ихээхэн найдлага тавьсаар байгаа аж.

Харин маргаашаас эхлэн өдөрт дөрвөн тоглолт явагдах бөгөөд "Эрчим"-"Аминбүрд", "Уурхайчин"- ТЭЦ- IV”-ийн эмэгтэй, "Уурхайчин"-"Харх", "Буянт-Ухаа"-"Ноён"-гийн эрэгтэй баг тамирчид өрсөлдөх юм.

Дэлгэрэнгүй “Баг тамирчдаа дэмжээрэй”

Буянт-Ухаа баг өрсөлдөнө

Монголын волейболын үндэсний лигийн тэмцээн өнгөрсөн аравдугаар сарын эхээр Эрдэнэт хотод эхэлсэн.

Харамсалтай, томуугийн А хүрээний H1N1 вирусийн улмаас лигийн тэмцээн тодорхойгүй хугацаагаар хойшилсон. Тэгвэл ирэх оны хамгийн эхний тэмцээн волейболын үндэсний 14 дэх удаагийн лигийн тэмцээн байх бололтой. Спортын төв ордонд ирэх сарын 3-14-нд лигийн тэмцээн өдөр бүр явагдах юм байна.

Энэ удаагийн лигт эрэгтэйчүүдийн өнгөрсөн жилийн аварга “Буянт-Ухаа”, мөнгөн медальт “Харх” , хүрэл медальт “Эрчим”, “Уурхайчин”, “Ноён”, эмэгтэйд “Эрчим”, “ТЭЦ IV”, “Уурхайчин”, “Бөртэ чоно” 2009 наадмын шилдэг багаар тодорсон “Энагурэ” гэсэн дөрвөн баг тойргоор тоглож аваргаа тодруулна.

Мэдээллийн эх сурвалж: http://news.gogo.mn/

Дэлгэрэнгүй “Буянт-Ухаа баг өрсөлдөнө”

ИНЕГ-ын баг амжилттай тоглов

Сагсан бөмбөгийн "Sprite Cup" 2009 оны аварга шалгаруулах анхдугаар тэмцээнд ИНЕГ-ын "МОНАТСА" баг амжиллттай оролцож дэд байр, 600 мянган төгрөг, үнэ бүхий зүйлээр шагнуулсан байна.

Дэлгэрэнгүй “ИНЕГ-ын баг амжилттай тоглов”

Бадминтоны тэмцээн өндөрлөлөө

Иргэний нисэхийн салбарын Бадминтоны нээлттэй тэмцээн 2009 оны 09 сарын 25-ны өдрөөс 26-ны өдрүүдэд МИАТ ХК-ийн спорт зааланд амжилттай явагдаж өндөрлөлөө.
Тус тэмцээнд нийт эрэгтэй 19 эмэгтэй 8 тамирчид хурд, хүч, авхаалж самбаагаа сорьсноос.

- Эрэгтэй ганцаарчилсан төрөлд “ТХА”-ын Б.Цогоо
- Эмэгтэйчүүдийн ганцаарчилсан төрөлд ТХА-ын тамирчин н.Гүндэгмаа
- Эрэгтэй хосын төрөлд “Чингис Хаан” ОУБ-ын Д.Одбаяр, ИНЕГ-ын Х.Бямбацогт нар тус тус аваргалсан байна.

Дэлгэрэнгүй “Бадминтоны тэмцээн өндөрлөлөө”

Баг тамирчдаа дэмжицгээе !

"Хөдөлмөр нийгэмлэг" байгуулагдсаны 60 жилийн ойн нэрэмжит сагсан бөмбөгийн аварга шалгаруулах тэмцээн 2009 оны 6 дугаар сарын 26-28-ны өдрүүдэд ХУД-ийн спорт заланд болно.
Тэмцээнд оролцох "Буянт-Ухаа" багийн тамирчдыг танилцуулъя.

Нэрс Алба Ажил Хувийн дугаар Өндөр
1 Д.Нямдаваа ГТҮША Инженер 33 177
2 П.Жавхлан ГТҮША Жолооч 10 180
3 Б.Баярцэнгэл ГТҮША Жолооч 11 189
4 Х.Мөнхтулга "Чингис хаан" ОУБ Шалгагч 13 185
5 Н.Балжин "Чингис хаан" ОУБ Гал сөнөөгч 8 172
6 Б.Үнэнбат "Чингис хаан" ОУБ Хамгаалагч 5 173
7 Д.Давааням "Чингис хаан" ОУБ Хамгаалагч 1 170
8 Д.Алтанбат "Чингис хаан" ОУБ Хамгаалагч 14 192
9 Э.Төрбаяр ТХА Инженер 12 190
10 Ж.Отгонболд НХА Нислэгийн удирдагч 24 182
11 Ш.Бямбадорж НХА Нислэгийн удирдагч 4 178

Тамирчдадаа амжилт хүсье.

Дэлгэрэнгүй “Баг тамирчдаа дэмжицгээе !”

Шинэ аваргууд

Монгол улсад Нисэх хүчин үүсч хөгжсөний 84 жилийн ойн баярт зориулсан снукер биллъярдын тэмцээн 2009 оны 04 дүгээр сарын 10, 11 өдрүүдэд Сонгино хайрхан дүүрэг 17-р хороо 43А байранд байрлах Сладко-2 Клуб-д болж өнгөрлөө. Уг тэмцээнд ИНЕГ, түүний харъяа алба салбарууд, агаарын тээвэрлэгч компаниуд, Буянт-Ухаа дахь гаалийн газар, Буянт- Ухаа дахь хилийн шалган нэвтрүүлэх боомт болон А-Жэт авиэйшн ХХК нар нийт эрэгтэй 32, эмэгтэй 14 тамирчид оролцов. Нийт эрэгтэй тамирчдыг A, B, C, D гэсэн дөрвөн хэсэгт хувааж ур чадварыг сорисоноос шилдэг найман тамирчин шалгарч аваргын төлөөх тэмцээнд оролцож 1 дүгээр байранд ИНЕГ-ын ТХА-ны Х.Алтан-Эрдэнэ, 2 дугаар байранд “Чингис хаан” ОУБ-ын Э.Зориг, 3 дугаар байранд Буянт-Ухаа дахь гаалийн газрын Т.Чойнпилцэрэн нар шалгарч тус тус байр эзлэв Мөн эмэгтэй тамирчдыг А, В гэсэн хэсэг хувааж шилдэг дөрвөн эмэгтэй тамирчин шалгарч аваргын төлөөх тэмцээнд оролцож 1 дүгээр байранд МИАТ ХК-ийн Г.Түмэнжаргал, 2 дугаар байранд ИНЕГ-ын Аялал жуучлалын “Жаргалант” цогцолборын А.Өнөрсайхан, 3 дугаар байранд А-жэт авиэйшн ХХК-ийн А.Одбилэг нар шалгарч тус тус байр эзлэв.

Дэлгэрэнгүй “Шинэ аваргууд”