МЗХ-ны ерөнхийлөгчийн үүрэг гүйцэтгэгчээр А.Мөнхбат томилогдлоо

Хуучин ерөнхийлөгч Ц.Зоригтбаатар эрүүл мэндийн шалтгаанаас болж ажлаа өгөх болсон тул Монголын Залуучуудын Холбооны Ерөнхий зөвлөл, тэргүүлэгч гишүүдийн өргөтгөсөн хурлаар түүнийг томилсон байна.
Шинэ ажлаа хүлээн авч удаагүй байгаа МЗХ-ны холбооны ерөнхийлөгч А.Мөнхбат 2012.03.02-ний өдөр нийслэл дэх салбар холбооны тэргүүлэгчдийг хүлээн авч уулзан цаашдын ажиллах чиглэл, бодлогын талаар санал бодлоо солилцлоо.
МЗХ нь бүтэц зохион байгуулалтын хувьд 21 аймаг, 9 дүүрэг, сум, үйлдвэр, аж ахуйн нэгж, албан газруудад 600 гаруй анхан шатны нэгжтэй, 120 мянга гаруй идэвхтэн дэмжигчидтэйгээр үйл ажиллагаагаа явуулж байна.

Дэлгэрэнгүй “МЗХ-ны ерөнхийлөгчийн үүрэг гүйцэтгэгчээр А.Мөнхбат томилогдлоо”

4000 төрийн албан хаагчийг орон сууцаар хангах үйл ажиллагааны үзэсгэлэн зохион байгуулагдана

Иргэд, төрийн албан хаагчдыг Орон сууцны урт хугацааны зээлд хамруулах үйл ажиллагааг хэрэгжүүлэхэд бэлэн болжээ. Энэ тухай өнөөдөр холбогдох албаны хүмүүс мэдээлэл хийсэн юм.

Урт хугацааны зээлээр 4000 айлын орон сууц борлуулах энэхүү үйл ажиллагааны танилцуулга үзэсгэлэн ирэх сарын 2-12ны өдрүүдэд Баянмонгол хороолол дахь үзэсгэлэнгийн танхимд зохион байгуулагдах юм байна. Та энэ талаар сонирхож байвал тус үзэсгэлэнг зорьж дэлгэрэнгүй мэдээлэл авах боломжтой аж.

Зээлийн Ерөнхий нөхцөл:

-Зээлийн хэмжээ: 40 сая хүртэл
-Зээлийн хүү, хугацаа: Татан төвлөрүүлсэн эх үүсвэрийн хүү, хугацаанаас шалтгаалан Сангийн яам тогтооно
-Урьдчилгаа: Орон сууцны үнийн 10 хувиас доошгүй байх

Зээлийн шалгуур:

-Төрийн байгууллагад 3-аас доошгүй жил ажилласан байх
-Зээл хүсэгч нь хугацаанаас өмнө тэтгэвэрт гарах тохиолдолд урьдчилгаа төлбөрийг нэмэгдүүлэн тохируулга хийх боломжтой байх
-Зээл хүсэгч нь Зээлийн ерөнхий нөхцөлийн 1-т заасан зээлийн хэмжээг бүрэн ашиглах тохиолдолд зээлд хамрагдах өрхийн 2 гишүүний сарын дундаж цалингийн нийлбэр 650,000 төгрөгөөс дээш байх

Бүрдүүлэх материалын жагсаалт:

-Төрийн албан хаагчийн зээлийн өргөдөл, анкет
-Иргэний бичиг баримтын нотариатаар баталгаажуулсан хуулбар /хамтран зээлдэгч, өрхийн насанд хүрсэн бүх гишүүдийн/
-Гэрлэлтийн баталгааны нотариатаар баталгаажуулсан хуулбар
-Ажлын газрын тодорхойлолт /орлого олж байгаа өрхийн бусад гишүүдэд адил хамаарна. Тодорхойлолтод ажил, албан тушаал, ажиллаж буй хугацаа, цалингийн хэмжээг тусгасан байна/
-Нийгмийн даатгалын дэвтрийн нотариатаар баталгаажуулсан, НДБайгууллагаар бүрэн баталгаажсан хуулбар /өрхийн орлоготой бүх гишүүдийн/
-Өрхийн бусад орлого тодорхойлох баримтууд /гэр бүлийн бусад гишүүдийн бизнесийн, түрээсийн, ажил үйлчилгээний гэх мэт/
-Орон сууц худалдах, худалдан авах гэрээний нотариатаар баталгаажуулсан хуулиар
-Үл хөдлөх эд хөрөнгийн лавлагаа

Дэлгэрэнгүй “4000 төрийн албан хаагчийг орон сууцаар хангах үйл ажиллагааны үзэсгэлэн зохион байгуулагдана”

Үр бүтээлч байх - 6 алхам

Хэрэв та уншаад амьдралдаа хэрэгжүүлж чадвал таны ажил өмнөхөөсөө улам илүү үр бүтээлтэй болно гэдэгт итгээрэй.

1. Хийх зүйлсээ цаасан дээр бичиж тэмдэглэ (Write down everything)
2. Хийх ажлаа олон жижиг хэсэгт хуваа (Divide & Conquer)
3. Ажиллах орчноо өөрт чинь хамгийн тохьтой байхаар бэлд (Comfortable Environment)
4. Хамгийн амархан бөгөөд хурдан дуусгаж чадах ажлуудаасаа эхэл (Smallest task first)
5. Богино, дунд болон урт хугацаанд хийх зуйлсээ төлөвлө (Plan short, medium and long term)
6. Ямар нэгэн хугацаанд зөвхөн нэг ажил дээр төвлөр (Only one task at a time)

Эх сурвалж -> http://www.salaryscout.com/blog/how-to-be-ultra-productive-six-tips/

Дэлгэрэнгүй “Үр бүтээлч байх - 6 алхам”

Нисэхийн амьд түүх

"Д.Гунгаа: 1939 оны наймдугаар сарын 25-ны шөнө дайснууд ялагдлаа. Тэр үед япончуудыг дайсан гэдэг байлаа шүү дээ. Биднийг дайны талбарт очихоос өмнө агаарын тулаанд Японы нисгэгчид давамгайлж байсан гэнэ лээ. Оросын залуу нисгэгчид байсан. Үеийн залуус болохоор нэгнээ шоолохоос эхлээд инээд наргиан тасрахгүй. Нислэгээс 3-4 нисгэгч буцаж ирдэггүй байв"

Идэр залуухан бас эх орноо гэсэн халуун сэтгэлтэй аавын хөвгүүд 60 жилийн өмнө тэнд харийн дайсны шуугисан сумаас ч эмээлгүй тэмцэж явсан. Өнөөдөр тэдгээр эрэлхэг хөвгүүдийн дийлэнх нь бурхны оронд заларцгааж буй. Дайн дажин, дарийн утаа гэж юу болохын зовлонг биеэр туулсан эх оронч хөвгүүдийн нэг, амьд түүх болсон энэ эрхэм залуу насаа ийн дурсах аж. Түүх хуучирдаггүй. Тэр тусмаа эх орон газар шорооныхоо төлөө халуун амиа харамлалгүй тэмцсэн эрэлхэг хөвгүүдийн түүх хэзээ ч хуучрахгүй сэдэв хэвээр байх болно. 1945 оны чөлөөлөх дайнд Монголын арми орос ах нартайгаа мөр зэрэгцэн орох боллоо. Чөлөөлөх дайны өмнөхөн Монголын нисэх хүчин ЯК-9 маркийн байлдааны нисэх онгоцыг ах нараасаа хүлээн авчээ. Дэлхийн II дайнд агаарт ноёрхож немцүүдийн зүрхийг үхүүлж явсан энэ онгоц залуу нисгэгчдийн сэтгэлийг гижигдэж байв. Газар шороонд нь шунаж, тусгаар тогтнолд нь аюул учруулсан дайсны дайралтын хайр найргүйг мэдэрсэн залуу нисгэгчид “Байлдааны нисгэгч болсны хэрэг юу билээ. Энэ онгоцоор Японы нисгэгчидтэй байлдах юмсан. Тулалдаад үхэж ч болно, баатар ч болно” хэмээн шохоорхож байсан гэдэг. Гэвч Өндөрхаанд байрласан Монголын нисэх отрядад чөлөөлөх дайнд оролцох шаардлага тулгараагүй. Дэлхийн өнцөг буланд дүрэлзэж байсан дайны гал намжиж байлдааны зориулалтаар ашиглаж байсан нисэх онгоцыг улс орнууд иргэний зориулалтаар ашиглаж эхэлсэн юм. Манай улс ч нисэх хүчнээ иргэний зориулалтаар ашиглаж 1957 онд Агаарын харилцааны газрыг байгуулсан аж. Энэ үед Д.Гунгаа гуай Нисэх тавдугаар тусгай отрядын даргаар томилогдож, 1965-1974 онд Агаарын харилцааны газар, Иргэний агаарын тээврийн удирдах ерөнхий газрын даргаар ажилласан байдаг. АИХ-ын депутатаар сонгогдож явсан энэ буурай гурван төрийн нүүр үзсэн цөөхөн хүний нэг. Монголын нисэх хүчний 70 жилийн амьд түүхийг тээж яваа Д.Гунгаа гуайн энгэрт “Сүхбаатарын одон”, “Байлдааны гавьяаны улаан тугийн одон”, “Байлдааны гавьяаны одон” хоёр ч “Алтан гадас” гялалзах аж. Монголын нисэх хүчний 40 жилийн ойгоор буюу түүнд БНМАУ-ын баатар хэмээх эрхэм хүндтэй цолыг олгосон юм. Энэ эрхэм Монголын нисэх хүчнээс төрсөн хамгийн анхны гавъяат нисгэгч. Өвгөн бүргэд Д.Гунгаа гуай булган сүүлтэй хүн. Түүний араас Монголын нисэх хүчний салбарт хэдэн зуун залуус мөр зэрэгцэн ажиллаж олон ч залуус Монгол Улсын гавьяат нисгэгч хэмээх хүндэт цолыг хүртчихээд байгаа. Бас түүний хүү Д.Жаргалсайхан БОИНГ-737-800 хөлөг жолоодон гавьяат нисгэгч аавынхаа туулсан замаар замнаж явна.
ИНЕГ-ын ЗХНХМХ-ийн хэвлэлийн тоймч Д.Отгонжаргал

Дэлгэрэнгүй “Нисэхийн амьд түүх”

Тvvхэнд тэмдэглэгдсэн Халхын гол

Монголчууд бид удахгvй алдарт Халх голын 70 жилийн ойг тэмдэглэх гэж байна. Халхын гол гэхээр нэг л байлдаан болсон газар гэж ойлгох хvн олон.

Энэ газар нутаг ямар вэ? Юуны тєлєє энд олон хvний амь эрсдэх хэмжээний дайн болов гэдгийг нарийн ойлгуулах хэрэгтэй болж байна. Энэ дайны ялалтын ойг Орос улс асар их ач холбогдол єгч хамтран тэмдэглэх гэж байгааг бодож vзvvштэй. Эх орныхоо тєлєє газар нутгаа хамгаалан тэмцэж явсан буурал євгєдийнхєє гавьяаг эргэн дурсаж хvндэтгэхээс аргагvй билээ. Монгол орны зvvн хязгаар Халх гол гэж vзэсгэлэнт сайхан нутаг бий. Дэлхийн I дайн дуусч Оросын Алс Дорнодын нутаг дэвсгэрээс Японы бvлэглэлийг хєєн гаргасны дараа Японы гадаад, дотоод бодлого том дайнд бэлтгэхэд чиглэгдсэн гэдэг. Японы цэргийн нэрт тєлєєлєгч, генерал Танака 1932 онд бичсэн дурсамждаа "Хятадыг эзлэхийн тулд эхлээд бид Манжуур, Хятадын зvvн хойд зvгт орших гурван муж болон Монголыг буулган авах, хятадыг бvр мєсєн эзлэх ёстой" гэж бичжээ. 1931 онд япончууд тємєр зам дээр хорлон сvйтгэх vйл ажиллагаа явуулж, vvгээрээ дамжуулж Манжуурт халдан орж, манай орны хилээр vе vе єдєєн хатгах vйлдэл хийж эхэлсэн байдаг. 1935 оны нэгдvгээр сард япончууд манай орны нутаг дэвсгэрт цємрєн орж хэсэг газрыг эзэлжээ.

Москва дахь японы элчин сайд Отодод ЗХУ-ын Гадаад хэргийн ардын комиссариатын газраас мэдэгдэл гардуулж, Алс дорнод болон Монголын хилийг байнга зєрчиж байгаа нь ЗХУ-ын Засгийн газрыг ноцтой тvгшээж байна гэж 1936 онд мэдэгджээ. Тэр vед "Хэрэв БНМАУ-ын тусгаар тогтнолд халдан тvvн рvv Япон улс довтолбол бид Монголд туслах болно" гэсэн И.В.Сталины мэдэгдэл дэлхий даяар цуурайтсан тvvхтэй. Манай засгийн газар 1936 оны нэгдvгээр сард хуралдаж, єєрийн нутаг дэвсгэрт цэрэг оруулах тухай хvсэлтийг ЗХУ-ын Засгийн газарт тавихаар тогтжээ. Ингэснээр 1937 онд манай хил дээр хойд хєрш маань мотобуудлагын дивиз, танкийн болон гурван мото хуягт бригад, хэд хэдэн нэгтгэлvvдээс бvрдсэн тусгай корпусыг илгээсэн байдаг. Халхын голд нєхцєл байдал хурцадсаар 1938 оны долдугаар сард Хасан нуурын орчмын цэргийн мєргєлдєєн нь дайн болохын эх vvсвэр болсон гэдэг. Хоёр долоо хоног vргэлжилсэн энэ байлдааны явцад гурав дахин илvv хvчтэй япончууд Оросын хилээс шахан зайлуулагджээ. Vvн дээр дvн шинжилгээ хийсэн Японы армийн ерєнхий штаб Монгол руу довтлох шинэ хувилбарыг баталсан гэдэг. Япончууд 1939 оны наймдугаар сарын 24-нд довтлохоор зэхсэн байсныг нь манйхан тагнуулын мэдээгээр мэдэж авч, дєрєв хоногийн ємнє буюу 20-ны єглєє дайсны бvлэглэлийг тvрvvлж цохих тєлєвлєгєє боловсруулжээ. Наймдугаар сарын 20-ны vvрээр 144 сєнєєгч онгоцоор хамгаалуулсан 150 бємбєгдєгч онгоц тэнгэрт хєєрчээ. Єглєєний есєн цагт галын хvчийг дайсны гvн рvv чиглvvлсний дараа Орос, Монголын анги нэгтгэлvvд бvх фронтоор давшилтад оржээ.

Ингэж японы томоохон бvлэглэлийг богинохон хугацаанд бут цохисон нь Алс Дорнодод цэргийн vйл ажиллагаа єрнєх боломжийг таслан зогсоосон удаатай. Энэ дайн дэлхийн тvvхэнд бичигдэж асар их ач холбогдол єгдгєєрєє онцлогтой гэж цэргийн мэргэжилтнvvд тодорхойлсон байдаг. Тус дайн нь багахан газар, богинохон хугацаанд асар их техник, хvн хvч хоёр талаас хуримтлуулан оролцсон нь онцлогтой. Тус дайн нь эхэлсэн шигээ гэнэт vдээс хойш нь зогссон гэдэг. Vvнийг нь Москвагаас зохицуулж байжээ. Энэ дайнд Орос Монголын олон сайхан эрэлхэг хєвгvvд амиа алдсан. Халхын голд Оросын алдарт сэтгvvлч Ортенберг, зохиолч Симонов нар фронтын сонин гаргаж явсан. Зохиолч Симонов зохиол бvрдээ Халх голын тухай оруулсан нь ихээхэн онцлогтой. Мєн Халх голын дайныг Г.К.Жуков командалж цэргийн том жанжин болохоо харуулсан тvvхтэй. Тус дайнд Орос улс зэвсэг техникийнхээ хvч чадлыг туршиж харуулсан ч гэж ярьдаг. Жуков дурьдатгалдаа "Энэ дайнд япончуудтай дайтахаас илvv халх голын шумуултай байлдах нь ихээхэн хvнд байлаа" гэж бичсэн нь бий. 1939 он манай улсын дотоод нєхцєл байдал ээдрээтэй нєгєєх айхтар хэлмэгдvvлэлт буюу бариа тавианы жилvvдийн vргэлжлэл явагдаж байсан vе. Олон сайхан авьяаслаг дарга нар цэргийн хуарангаас баривчлагдаж, зарим нь цэргийн хээрийн шvvхээр цаазлуулж, нэг хэсэг нь японы тагнуул гэгдэн яасан нь тодорхойгvй сураггvй болсон удаатай. Зарим нь эх орныхоо тєлєє баатарлагаар тэмцэж, халуун амиа алдан алдаршиж чадалгvй дарагдсаар єнєєдрийг хvрсэн жишээ олон бий.

1941 онд Аугаа их орны дайн эхэлж миллитарист Япон Монгол руу довтлох занал нэмэгдсэн явдалд Орос улс анхаарлаа хандуулж Зєвлєлтийн зааварлагчид болох зєвлєхvvдийнхээ тоог нэмэгдvvлсэн удаатай. Монголын ардын армид 930 зєвлєх ажиллаж байсан гэх тоо бий. Єнєєдрийн энхийн цагт дайн, дайсан гэх ойлголт арилж зєвхєн тvvхээсээ суралцах цаг ирэв. Тэртээх 70 жилийн ємнєх vйл явдлыг эргэн санах буурлууд цєєрчээ. Их орон гэдэг ямар их vнэтэй вэ гэдгийг ирээдvй хойч vедээ ухамсарлуулах хэрэгтэй болжээ. Эх орныхоо дорнод хязгаар Халх голыг бид тєдийлєн сайн мэддэггvй. Тэнд байгалийн сайхан, vржил шимт хар шороон хєрс гээд дутуу юмгvй. Vvнд нь харийнхан шунаж явсан нь тодорхой. Харин єнєєдєр манайхан нийслэлдээ бєєгнєрєєд ажиллаж амьдарч болох сайхан нутаг усаа тоож vзэхгvй байгаа нь дэндvv харамсмаар. Єнєєдєр танкийн мєр туучаад єнгєрсєн Халх голд тракторын мєр гаргаж болохгvй гэх газар алга. Халхын голын дайны тvvхийн талбар болгоод зогсохгvй эх орны бvтээн байгуулалтын талбар болгох цаг болжээ.

Н.Лхагвасvрэн
Мэдээллийн эх сурвалж: www.olloo.mn

Дэлгэрэнгүй “Тvvхэнд тэмдэглэгдсэн Халхын гол”

Таны мэдлэгт

Монгол орны нутаг дэвсгэрийн хамгийн баруун захын цэг нь Монгол Алтайн нурууны 3243,6 тоот өндөрлөг бүхий Моолтын уул юм .

Монголын хамгийн зүүн захын цэг нь Соёлз уулын зүүн хойд зүгт 7,1 км зайд орших 1290,0 тоот өндөрлөгийн хилийн 539 дүгээр тэмдэг бүхий модтой хамар юм.

Монголын хамгийн хойд захын цэг нь Их Саяны нурууны Монгол Шарын даваа юм.

Монголын хамгийн өмнө захын цэг нь Орвог хошууны Бор толгой юм.

Монгол орны хамгийн өндөр цэг нь Монгол Алтайн нурууны Таван Богд уулын “Найрамдал” оргил” 4374 км, Мөнххайрхан уулын “Сүхбаатар” оргил 4204 м.

Хамгийн нам цэг нь Дорнод монголын талд дахь Хөх нуурын түвшин 560м .

Хамгийн уудам говь: Манай орны хамгийн их талбайтай говь бол Алтайн өвөр болон эдгээр говийн халдат бэрх уулсад орших Говийн их дархан газар гэж хэлж болно. Энэ дархан газрын “А”, “Б” хоёр хэсгийн нийт талбай нь 64474 км2 юм.

Хамгийн баруун захын цэг Мааньт уулаас, хамгийн зүүн захын цэг Модтой хамар хүртэл 2392 км.

Хамгийн хойд захын цэг Монгол Шарын даваанаас, хамгийн өмнөд захын цэг Орвог гашууны Бор толгой хүртэл 1259 км.

Хамгийн урт нэртэй газар: Монголын хамгийн урт нэртэй газар бол Хөвсгөл нуурын зүүн захад орших Саравчлага хөгшин-үүрийн сарьдаг хэмээх уул юм.

Хамгийн урт гол: Орхон гол манай орны хамгийн урт гол юм.Хангайн Суварга хайрханаас эх авч 1124 км алслан урсаж Сэлэнгэ мөрөнд цутгадаг.

Хамгийн өндөр хүрхрээ: Манай орны хамгийн өндөр хүрхэрээ бол Хөвсгөл аймгийн Хорьдол Сарьдагт орших 70 орчим метрийн өндрөөс буудаг Арсайн хүрхрээ юм.

Хамгийн богино нэртэй газар: ЭГ гол нь манай орны хамгийн богино нэр тэй газар юм. Хөвсгөл нуураас эх авч Сэлэнгэ мөрөнд цутгадаг. Эгийн гол нь 475 км урт бөгөөд голын усжих талбай нь 40454 ам дөрвөлжин км болно.

Хамгийн гүн нуур: Хөвсгөл нуурын хамгийн гүн нь 267,2 м бөгөөд Төв Азид хамгийн гүн нуур билээ. Нуурын амьдрал 50 м хүртлэх гүнд зонхилж 200 м-ээс цааших гүнд мөнхийн харанхуй байдаг.

Хамгийн ховор цас: 1968 оны аравдугаар сард Дорноговь аймгийн Өргөн сумын нутаг Хээр хэмээх газар таван хошуу хэлбэртэй цас оржээ.

Хамгийн том мөсөн гол: Манай орны хамгийн том мөсөн гол нь Таван богд ууланд байдаг 20 км урт, 5 км өргөн Потанины мөсөн гол юм.

Дэлгэрэнгүй “Таны мэдлэгт”

YouTube-ийг илүү сайн хэрэглэх сонирхолтой зөвлөмж

Даваа, 2009 Зургадугаар сар 15 16:09

Интернет ертөнцөөр аялал хийх хүн бүр YouTube-р заавал дайран гардаг билээ. Та илүү ахисан түвшинд YouTube дээр ажиллахыг хүсэж байна уу?

Зөвлөмж №1
Видеог илүү өндөр нягтралтайгаар үзэх боломж:
YouTube дээр видео үзэж байхад заримдаа видеоноос баруун доод хэсэгт “Watch in High Quality” гэсэн бичиг гарсан байхыг та ажиглаж байсан уу?

Видеог анх харуулахдаа 320*240 цэгийн хэмжээтэйгээр 320 Kb/s давтамжтайгаар гаргадаг. Энэ нь идеог тасралтгүй үзэхэд хангалттай байдаг. Гэхдээ та “Watch in High Quality” хэрэглэж видеог илүү чанартай, нягтрал сайтай үзэх боломжтой. Мэдээж интернетийн хурд нь илүү өндөр хүмүүст зориулан энэхүү сонголтыг оруулж өгчээ.

“Watch in High Quality” товчийг HQ гэж улаан фон дээр тэмдэглэсэн хэсгээс та харж болно. Жишээг доорх линкээс хараарай. http://www.youtube.com/watch?v=MBGeNeofk0A
Хэрэв та “Watch in High Quality” линк дээр дарах юм бол видео дахин ачааллах бөгөөд энэ удаа MP4 хувилбар бүхий 480*360 хэмжээтэй 512 Kb/s давтамжтай видео гарч ирнэ.

Хэрэв таны интернэт холболтын хурд хангалттай хурдан бол анхнаасаа л видеог өндөр чанартайгаар үзэх боломжтой ингэхийн тулд URL-ын ард &fmt=18 гэсэн бичиг нэмэх хэрэгтэй. Тухайлбал: http://www.youtube.com/watch?v=MBGeNeofk0A&fmt=18
Ингэснээр шууд л Өндөр чанартай видео нь гарч ирэх болно.

Зөвлөмж №2
Видеог дундаас нь үзэж эхлэх боломж :
Зарим видеонд хэт их дэмий дүрстэй байдаг нь бидний алтан цагаас хомслож байдаг. Бүр зарим тохиолдолд 3 минутын видеоноос зөвхөн дунд хэсэгт байгаа 1 минут гарах хэсгийг үзмээр санагддаг шүү дээ. Тэгвэл та туршлагатай интернет хэрэглэгчдийн нэгэн адил хэрэггүй title, редокторын үг зэргийг алгасаж видеогоо үзэж чадах болно.

Тухайлбал: Та тухайн видеоны 53 дахь секундээс эхлүүлье гэвэл #t=53 гэсэн үгийг URL-ын араас залган бичнэ. http://www.youtube.com/watch?v=MBGeNeofk0A#t=53
Тухайн гарах видеон URL-ын араас #t= таны хүссэн тоо залган бичсэний дараа дахин видеог ачааллуулаарай. Видео эхлэхдээ шууд л та 53 гэж бичсэн бол 53, 70 гэж бичсэн бол 70 дахь секундээсээ эхлэх болно.

Туршаад үзээрэй, хөгжилтэй байх болно. Танд таалагдана гэдэгт итгэлтэй байна.

Мэдээллийн эх сурвалж : http://www.tsahim.net

Дэлгэрэнгүй “YouTube-ийг илүү сайн хэрэглэх сонирхолтой зөвлөмж”