CAYU

Шинэ оны баярын мэнд хүргэе !

2011-12-31T23:55:00.000-08:00

Иргэний нисэхийн хөгжилд гар бие оролцож өнөөгийн амжилтад хүргэсэн ахмадууд болон нийт салбарын залуустаа Шинэ оны баярын мэнд хүргэе !

Иргэний нисэхийн залуучуудын холбооны тэргүүлэгчидhttp://www.blogger.com/img/blank.gif

Уриалга

2011-11-16T00:29:00.000-08:00

ИНЕГ-ын даргын зөвлөл, Үйлдвэрлэлийн шуурхай зөвлөгөөний бүрэлдэхүүнээс гаргасан уриалгыг ИНЗХ холбоо дэмжиж байгаа тул уриалгыг блогтоо нийтлэв. Иргэний нисэхийн салбарын залуус Та бүхнийг хандивын арга хэмжээнд идэвхтэй оролцохыг уриалж байна.

Уриалга

Монгол Улс Тайландын Вант улсын Засгийн газар хооронд 1990 оны эхээр эдийн засаг, боловсрол, шинжлэх ухааны салбарт хамтран ажиллах төсөлд гарын үсэг зурснаар манай хоёр улсын найрамдалт харилцаа улам гүнзгийрэн хөгжсөн түүхтэй билээ.

ИНЕГ энэ үеэс тус улсын ижил төрлийн үйл ажиллагаа явуулдаг байгууллагуудтай нягт хамтран ажиллаж эхэлсэн бөгөөд тэр дундаа “Аэротай” компанитай өнөөдрийг хүртэл Иргэний нисэхийн салбарын мэргэжлийн боловсон хүчнийг бэлтгэх, мэргэжлийн сургалт явуулах, тусгай сургагчдыг авчирч дотооддоо сургалт зохион байгуулах, мэргэжил арга зүйн зөвлөгөө авах тал дээр байнга хамтран ажиллаж ирсэн билээ.

“Аэротай” компанийн хамт олон Монгол Улсад иргэний нисэхийн салбарын мэргэжлийн боловсон хүчнийг бэлтгэх, мэргэжилтнүүдийн чадварыг нэмэгдүүлэх ажилд үнэтэй хувь нэмэр оруулахаас гадна салбарт шинэ дэвшилтэт техник технологийг нэвтрүүлэх, ашиглахад өөрсдийн зүгээс сэтгэл харамгүй туслалцаа үзүүлсэн төдийгүй Монгол Улсад олон улсын иргэний нисэхийн байгууллагын стандарт тогтолцоог нэвтрүүлэх ажилд мэргэжил арга зүйн туслалцааг биечлэн үзүүлж ирсэн юм.

Өнөөдөр Тайланд улс үер усны бэрхшээтэй тулгарч, байгалийн гамшигт үзэгдэлд олон мянган хүн орон гэргүй болж, эрдэнэт хүний алтан амь эрсдэн, эдийн засгийн хохирол нүүрлэж байгаад бид бүгд харамсан гашуудаж байна. Хэлж ирдэггүй үер усны гамшигт олон арван барилга байшин нэрвэгдсэний дунд манай байгууллагатай хамтран ажиллаж ирсэн “Аэротай” компанийн офиссын барилга, байгууламжууд үерт автсан байна.

Зовох цагт нөхрийн чанар танигддаг гэсэн эрхэм үг бий. Иймд Иргэний нисэхийн салбарын хамт оллон Та бүхнийг “Аэротай” компанийн хамт олонд сайн санааны хандив өргөхийг ИНЕГ-ын даргын зөвлөл, үйлдвэрлэлийн шуурхай зөвлөгөөнөөс уриалж байна.

ИРГЭНИЙ НИСЭХИЙН ЕРӨНХИЙ ГАЗАР

Иж бүрэн цахилгаан хөгжимтэй боллоо

2011-11-11T19:51:00.000-08:00

Иргэний нисэхийн залуучуудын холбооны “Чингис хаан” олон улсын буудлын салбараас тус буудлын ажилчин залууст иж бүрэн цахилгаан хөгжим олгуулах талаар ИНЕГ-ын удирдлагад санал тавьсны дагуу ИНЕГ-аас энэ тал дээр дэмжлэг үзүүллээ.

Бөмбөрийн иж бүрдэл /цан, сандал, цохиур/, соло, ритм, басс гитар, түүний еффект, цахилгаан төгөлдөр хуур, микрофон, чанга яригч, цахилгаан даралтат хөгжим г.м иж бүрэн хэрэгслийг 2011.11.11-ий өдөр гардуулан өглөө.

Тус нисэх буудал нь нийтдээ 665 ажилтантай. Үүнээс 65-70 хувь нь дөч хүртэлх насны залуу ажилтнууд байна. Эдгээр залуусын дотор янз бүрийн авъяаслаг залуус олон байдаг ба зохиогдож байгаа урлаг уран сайхан, спортын арга хэмжээнд идэвхтэй оролцон үүгээр дамжуулан ажлын эрч хүчээ өсгөж байдаг юм. “Чингис хаан “ ОУБ-ын хамт олон дундаас “Аэро” хамтлаг 2008 байгуулагдаж “Тэнгэрийн суудал” нисэх буудлын сүлд дууг дуулж, клип хийлгэн уран бүтээлийн гараагаа эхэлсэн. Энэ жил мөн орон даяар явагддаг “ТВ-Караоке” тэмцээний шигшээд мөн шалгараад байна. Нисэх буудлын залуус чөлөөт цагаараа өөрсдийн сонирхол авъяасаа хөгжүүлэхэд хөгжмийн зэмсэг их дутагдалтай байаг асуудлыг шийдвэрлэж өгсөнд иргэний нисэхийн нийт залуусынхаа өмнөөс ИНЕГ-т талархлаа илэрхийлье.

Иргэний нисэхийн залуучуудын холбооны тэргүүлэгчид

"Монгол бичгээ дээдэлье" уралдаанд өргөнөөр хамрагдана уу

2011-10-24T20:17:00.000-07:00

ЗАЛУУЧУУДЫН ХӨДӨЛГӨӨН ҮҮССЭНИЙ 90 ЖИЛ, ”ҮНДЭСТНЭЭ ДЭМЖИХ ” ЖИЛИЙН ХҮРЭЭНД ЗОХИОН БАЙГУУЛАХ "МОНГОЛ БИЧГЭЭ ДЭЭДЭЛЬЕ” МОНГОЛ БИЧГИЙН УЛСЫН АНХДУГААР УРАЛДААНЫ УДИРДАМЖ

Нэг. ЗОРИЛГО
Монголын Залуучуудын Холбооноос 2009-2011 оныг “Үндэстнээ дэмжих” жил болгосонтой уялдуулан хүүхэд, багачууд, оюутан, залуучуудыг үндэсний бичиг үсгээ сурахад дэмжлэг үзүүлэх, монгол хүн бүр монгол бичгээ эзэмшихийг уриалах, эрхэмлэн хамгаалах, хойч үеийнхэндээ өвлүүлэх.

Хоёр. УРИАЛГА
Монгол бичиг бол хүн төрөлхтний соёлын санд монголын ард түмний оруулсан үнэт хувь нэмэр төдийгүй дэлхийн соёлын нандин өв юм.

Гурав. ХУГАЦАА -2011 оны 11 сард

Дөрөв. ХАМРАХ ХҮРЭЭ -5-аас дээш насны хүүхэд, залуучууд, насанд хүрэгчид

Тав. УРАЛДААНЫ ТӨРӨЛ, НАСНЫ АНГИЛАЛ

1. Сургуулийн бага насны ангилал буюу 6-9 нас
Монгол бичгийн тоон зурлагаар бяцхан ном хийх
o Хүүхдийн нас, бие, сэтгэхүйн онцлогт тохирсон байх
o Чөлөөт сэтгэлгээнд тулгуурлан зураг, дүрс алинаар ч илэрхийлж болох

2. ЕБС-ийн дунд насны ангилал буюу 10-13нас
Зурагт хуудастай ном хийх
o Монгол бичгийн тоо, үсэг багтаасан байх
o Сэдвийн хувьд чөлөөтэй.
o Номын хэлбэр хэмжээ /эвхмэл, дэлгэмэл, нугалмал, сударчилсан гэх мэт/, материал /даавуу, торго, муутуу аль ч байж болох/
o Хуудсын тоо хамаарахгүй.
o Уламжлалт бичгийн төрөл /хичээнгүй, гүйлгээ, татгалган, дармал гэх мэт/ бичгийн хэрэгсэл /харандаа, бийр, үзэг гэх мэт/-зэргийг ашиглаж болно.

3. ЕБС-ийн ахлах насны ангилал буюу 14-17 нас
Судар-ном хийх
o Сэдвийн хувьд чөлөөтэй.
o Номын хэлбэр хэмжээ /эвхмэл, дэлгэмэл,нугалмал, сударчилсан гэх мэт/, материал /даавуу, муутуу, торго аль ч байж болох/
o Хуудсын тоо хамаарахгүй.
o Уламжлалт бичгийн төрөл /хичээнгүй, гүйлгээ, татгалган, дармал гэх мэт/бичгийн хэрэгсэл /харандаа, бийр, үзэг гэх мэт/-зэргийг ашиглаж болно.

4. Залуучууд, насанд хүрэгчдийн ангилал буюу 18 ба түүнээс дээш насны ангилал
A. Мэргэжлийн ангилал –Их дээд сургуулийн мэргэжлийн ангийн оюутнууд хамаарна.
Монгол бичгийн хичээлийн үзүүлэн хийх
o Монгол бичгийн аль 1 дүрэм, зурлага гэх мэт сонирхсон хэлбэрийг сонгох боломжтой.
o Сэдвийн хувьд чөлөөтэй.
o Үзүүлэнгийн хэлбэр хэмжээ /эвхмэл, дэлгэмэл,нугалмал гэх мэт/, материал /даавуу, торго, муутуу аль ч байж болох/
o Бичлэгийн цахим хэлбэрийг ашиглаж болно.
o Хуудсын тоо хамаарахгүй.
o Уламжлалт бичгийн төрөл /хичээнгүй, гүйлгээ, татгалган, дармал гэх мэт/ бичгийн хэрэгсэл /харандаа, бийр, үзэг гэх мэт/-зэргийг ашиглаж болно.

B. Мэргэжлийн бус ангилал- 18-аас дээш насны монгол бичгээ сонирхогч хэн бүхэн хамаарна.
Судар-ном хийх
o Сэдвийн хувьд чөлөөтэй.
o Номын хэлбэр хэмжээ /эвхмэл, дэлгэмэл,нугалмал, сударчилсан гэх мэт/, материал /даавуу, торго, муутуу аль ч байж болох/
o Хуудсын тоо хамаарахгүй.
o Уламжлалт бичгийн төрөл /хичээнгүй, гүйлгээ, татгалган, дармал, ураг бичлэг гэх мэт/ бичгийн хэрэгсэл /харандаа, бийр, үзэг гэх мэт/-зэргийг ашиглаж болно.

C. Мэргэжлийн багш нарын ангилал- Их дээд, дунд сургуулийн монгол хэл бичгийн багш нар хамаарна.
Монгол бичгийн гарын авлага хийх
o Монгол бичгийн бүх дүрэм,бичлэгийн журмыг багтаасан байх
o Сэдвийн хувьд чөлөөтэй.
o Номын хэлбэр хэмжээ /эвхмэл, дэлгэмэл,нугалмал, сударчилсан гэх мэт/, материал /даавуу, торго, муутуу аль ч байж болох/
o Хуудсын тоо хамаарахгүй.
o Уламжлалт бичгийн төрөл /хичээнгүй, гүйлгээ, татгалган, дармал гэх мэт/ бичгийн хэрэгсэл /харандаа, бийр, үзэг гэх мэт/-зэргийг ашиглаж болно.

5. Уран бичлэг
o Мэргэжил нас харгалзахгүй
o Сэдвийн хувьд чөлөөтэй.

Зургаа. ИРҮҮЛЭХ МАТЕРИАЛД ТАВИХ ШААРДЛАГА
o Оролцогчид нь өөрийн бүтээлийг удирдамжийн дагуу шаардлага хангасан,ойлгомжтой хэлбэрээр хийсэн байх
o Цэвэр сайхан бичих
o Алдаагүй зөв бичих
o Өнгө үзэмж сайн байх

Долоо. ОРОЛЦОГЧДЫН БҮРДҮҮЛЭХ МАТЕРИАЛ
• Оролцогчдын анкет /анкетийн маягтыг МЗХ-ны 212 тоотоос авах буюу www.mongolianyouth.mn сайтаас татна уу/
• Оролцогчид харъяа аймаг, дүүргийн МЗХ-ны салбар зөвлөлөөс дэмжсэн бичиг авчрах

Найм. ШАЛГАРУУЛАЛТ
Шалгаруулалт 2 үе шаттай явагдана.
Ангилал бүрээс:
• Тэргүүн байр -1
• Дэд байр -1
• Тусгай байр-1–ийг шалгаруулан Монголын Залуучуудын Холбооны нэрэмжит шагнал /алт, мөнгө, хүрэл медаль, өргөмжлөл / болон ивээн тэтгэгч байгууллагын шагнал олгоно.

Уралдааны эхний шат Монголын Залуучуудын Холбооны хурлын зааланд, II шат Улсын Төв номын сангийн үзэсгэлэнгийн танхимд болно.

Ес. МАТЕРИАЛ ХҮЛЭЭН АВАХ ЭЦСИЙН ХУГАЦАА
• 2011 оны 11 дүгээр сарын 01-нээс 11 дүгээр сарын 04-ны өдрийн 17.00 цаг хүртэл МЗХ-ны 212 тоотод хүлээн авна.
• Хугацаа хоцорсон материалыг хүлээж авахгүй.

МОНГОЛЫН ЗАЛУУЧУУДЫН ХОЛБОО
Бага тойруу-42, Сүхбаатар дүүрэг, Улаанбаатар хот
Утас: (976)11-322643, (976)11-321814 Факс: (976)11-326336
www.mongolianyouth.mn, zaluuchuudiin_kholboo@yahoo.com

"МОНГОЛ БИЧГЭЭ ДЭЭДЭЛЬЕ” МОНГОЛ БИЧГИЙН УЛСЫН
АНХДУГААР УРАЛДААНЫ ТАЛААР

Монголын Залуучуудын Холбооноос 2009-2011 оныг “Үндэстнээ дэмжих” жил зарласантай холбогдуулан хүүхэд, багачууд, оюутан, залуучуудыг үндэсний бичиг үсгээ сурахад дэмжлэг үзүүлэх, монгол хүн бүр монгол бичгээ эзэмшихийг уриалах, эрхэмлэн хамгаалах, хойч үеийнхэндээ өвлүүлэх зорилгоор “Монгол хэл иргэншлийн дээд сургууль”-тай хамтран “Монгол бичгээ дээдэлье” улсын уралдааныг анх удаагаа зохион байгуулж байна.
Уралдааныг
• Сургуулийн бага насны ангилал буюу 6-9 нас
• ЕБС-ийн дунд насны ангилал буюу 10-13нас
• ЕБС-ийн ахлах насны ангилал буюу 14-17 нас
• Залуучууд, насанд хүрэгчдийн ангилал буюу 18 ба түүнээс дээш насны ангилалыг Мэргэжлийн ангилал, Мэргэжлийн бус ангилал, Мэргэжлийн багш нарын ангилал гэсэн 6 ангилалаар зохион байгуулна.
Уралдаан 2 үе шаттай явагдах бөгөөд I шатанд шүүгчид оролцогчдын ирүүлсэн бүтээлийг шалгаруулна. II шатанд уралдаанд ирүүлсэн бүх бүтээлээр үзэсгэлэн гаргасан байх ба уралдааныг дүгнэж шалгарсан бүтээлийг тодруулна.
Бүртгэлийг 2011 оны 11 дүгээр сарын 01-нээс 11 дүгээр сарын 04-ны өдрийн 17.00 цаг хүртэл МЗХ-ны 212 тоотод хүлээн авна.

“Хөдөлмөрийн алдар” алтан медаль

2011-10-20T19:00:00.000-07:00

“Монгол залуу хүний эрмэлзэх 9 зүйл”-ийг мөрдлөг болгон ажиллаж, хамт олныхоо дунд нэр хүнд нөлөө бүхий, залуучуудын байгууллагын ажилд идэвхи санаачлага гарган ажилладаг, үндсэн байгууллагадаа 3-аас доошгүй жил ажиллаж, хөдөлмөр бүтээлийн амжилт гаргасан тэргүүний ажилчин, ажилтан, сэхээтэн залуучуудад олгоно.

Монгол улсын хөгжил дэвшил, залуу үеийг хүмүүжүүлэх үйл хэрэгт хүч чадал, оюун ухаан, эрдэм мэдлэг, авьяас билгээ зориулсан хүмүүсийг түүхэн ой, тэмдэглэлт үйл явдал, баяр ёслол, улсын болон олон улсын чанартай арга хэмжээ, залуучуудын төв, орон нутгийн байгууллагуудаас зохион байгуулж буй ажлуудыг тохиолдуулан Монголын Залуучуудын Үндэсний төв байгууллага болох Монголын Залуучуудын Холбооны шагналаар шагнана.
Бүрдүүлэх материалууд
1.Тухайн байгууллагын албан бичиг
2. Шагналд нэр дэвшүүлсэн хүний анкет
3.Тухайн хүний ажил байдлын тодорхойлолт /Ажил байдлын тодорхойлолтод байгууллагын дарга, захирал, эрхлэгч гарын үсэг зурж, тамга /тэмдэг/ дарж баталгаажуулна. /
4. Хамт олны хурлын тэмдэглэл
5. Тухайн дүүргийн Залуучуудын Холбооны тэргүүлэгчийн дэмжсэн шийдвэр
6. Бүрдэл болсон материалыг ИНЗХ дээр хүлээн авч, шагналыг ажлын 7-10 хоногт шийдвэрлэнэ.

Монголын Залуучуудын Холбооны дээд шагналыг хүртэгсэд нь залуучуудын байгууллагын нэр хүндийг өндөрт өргөж, олон талт ажлын эн тэргүүн эгнээнд явах хошуучлагч байх төдийгүй залуу үеийнхний бахархал, үлгэр дууриалал болж, манлайлах чадвартай байх ёстой.

"МЗХ-ны шагналын журам"-аас

“Тэргүүний залуу” алтан медаль

2011-10-20T18:58:00.000-07:00

“Монгол залуу хүний эрмэлзэх 9 зүйл”-ийг мөрдлөг болгон ажиллаж, улс нийгэм, хүн ардынхаа сайн сайхны төлөө оюуны өндөр бүтээл гаргасан, хамт олныхоо дунд нэр хүнд нөлөө бүхий, залуучуудын байгууллагын ажилд идэвхи санаачлага гарган ажилладаг, дээд боловсролтой, үндсэн байгууллагадаа 5-аас доошгүй жил ажилласан, бусдыгаа манлайлан, удирдан зохион байгуулах чадвартай тэргүүний залуучуудад олгоно.

Монгол улсын хөгжил дэвшил, залуу үеийг хүмүүжүүлэх үйл хэрэгт хүч чадал, оюун ухаан, эрдэм мэдлэг, авьяас билгээ зориулсан хүмүүсийг түүхэн ой, тэмдэглэлт үйл явдал, баяр ёслол, улсын болон олон улсын чанартай арга хэмжээ, залуучуудын төв, орон нутгийн байгууллагуудаас зохион байгуулж буй ажлуудыг тохиолдуулан Монголын Залуучуудын Үндэсний төв байгууллага болох Монголын Залуучуудын Холбооны шагналаар шагнана.

Бүрдүүлэх материалууд

1.Тухайн байгууллагын албан бичиг
2. Шагналд нэр дэвшүүлсэн хүний анкет
3.Тухайн хүний ажил байдлын тодорхойлолт /Ажил байдлын тодорхойлолтод байгууллагын дарга, захирал, эрхлэгч гарын үсэг зурж, тамга /тэмдэг/ дарж баталгаажуулна. /
4. Хамт олны хурлын тэмдэглэл
5. Тухайн дүүргийн Залуучуудын Холбооны тэргүүлэгчийн дэмжсэн шийдвэр
6. Бүрдэл болсон материалыг ИНЗХ дээр хүлээн авч, шагналыг ажлын 7-10 хоногт шийдвэрлэнэ.

Монголын Залуучуудын Холбооны дээд шагналыг хүртэгсэд нь залуучуудын байгууллагын нэр хүндийг өндөрт өргөж, олон талт ажлын эн тэргүүн эгнээнд явах хошуучлагч байх төдийгүй залуу үеийнхний бахархал, үлгэр дууриалал болж, манлайлах чадвартай байх ёстой.

"МЗХ-ны шагналын журам"-аас

“Залуу үеийг халамжлан хүмүүжүүлэгч” цол медаль

2011-10-20T18:48:00.000-07:00

Энэ цол медалийг Залуу үеийнхнийг халамжилж, сурган хүмүүжүүлэх, удирдан зохион байгуулах, манлайлах үйлсэд үр бүтээлтэй ажиллаж байгаа улс, олон нийт, соёл боловсрол, шинжлэх ухааны болон аж ахуй, хувийн хэвшлийн байгууллагад ажиллаж байгаа 45-аас дээш насны хүмүүст олгоно.

Монгол улсын хөгжил дэвшил, залуу үеийг хүмүүжүүлэх үйл хэрэгт хүч чадал, оюун ухаан, эрдэм мэдлэг, авьяас билгээ зориулсан хүмүүсийг түүхэн ой, тэмдэглэлт үйл явдал, баяр ёслол, улсын болон олон улсын чанартай арга хэмжээ, залуучуудын төв, орон нутгийн байгууллагуудаас зохион байгуулж буй ажлуудыг тохиолдуулан Монголын Залуучуудын Үндэсний төв байгууллага болох Монголын Залуучуудын Холбооны шагналаар шагнана.

Бүрдүүлэх материалууд

1.Тухайн байгууллагын албан бичиг
2. Шагналд нэр дэвшүүлсэн хүний анкет
3.Тухайн хүний ажил байдлын тодорхойлолт /Ажил байдлын тодорхойлолтод байгууллагын дарга, захирал, эрхлэгч гарын үсэг зурж, тамга /тэмдэг/ дарж баталгаажуулна. /
4. Хамт олны хурлын тэмдэглэл
5. Тухайн дүүргийн Залуучуудын Холбооны тэргүүлэгчийн дэмжсэн шийдвэр
6. Бүрдэл болсон материалыг ИНЗХ дээр хүлээн авч, шагналыг ажлын 7-10 хоногт шийдвэрлэнэ.

Монголын Залуучуудын Холбооны дээд шагналыг хүртэгсэд нь залуучуудын байгууллагын нэр хүндийг өндөрт өргөж, олон талт ажлын эн тэргүүн эгнээнд явах хошуучлагч байх төдийгүй залуу үеийнхний бахархал, үлгэр дууриалал болж, манлайлах чадвартай байх ёстой.

"МЗХ-ны шагнал"-ын журамаас

Залуусаа саналаа тусгана уу.

2011-10-20T17:34:00.000-07:00

Иргэний нисэхийн ерөнхий газар, түүний харьяа байгууллагуудад 2010-2011 онд хэрэгжүүлэх хамтын гэрээний хугацаа 2012 оны 1 сард дуусгавар болох гэж байна.

Иймээс ИНЕГ-ын Үйлдвэрчний эвлэлийн хороодын зөвлөлөөс 2011-2012 онд хэрэгжүүлэх хамтын гэрээг яаралтай байгуулах зорилгоор нийт ажилтан албан хаагчдын саналыг авч байна.
Та бүхэн санал, хүсэлтээ 11 дүгээр сарын 04-ний дотор доорх хаягуудаар ирүүлнэ үү.

Даваадоржийн Одгэрэл

ИНЕГ-ын ҮЭХорооны дарга

E-mail: odgerel@mcaa.gov.mn

Утас: 282040, 99992060

ИНЕГ-ын ҮЭХороодын зөвлөл

Ургац хураалт 2011

2011-10-11T01:21:00.000-07:00

1. О.Найдансод ИНЕГ
2. М.Болорчулуун “Чингис хаан” ОУБ
3. Х.Мөнхтулга “Чингис хаан” ОУБ
4. Д.Батхуяг “Чингис хаан” ОУБ
5. Б.Мөнхбаатар “Чингис хаан” ОУБ
6. М.Өлзийбаатар “Чингис хаан” ОУБ
7. Д.Долгоржав “Чингис хаан” ОУБ
8. Р.Болормаа НМҮА
9. Н.Хаш-Эрдэнэ НМҮА
10. Ж.Батжаргал ХНБАҮА
11. Н.Мөнхгэрэл ХНБАҮА
12. Н.Сайханбаяр. ЭХАТ. Ээлжийн зохицуулагч НХҮА
13. Д.Галсандолгор НХҮА
14. Д.Мөнхбагана ШНЗА
15. Д.Ганбаатар ГТҮА
16. С.Эрдэнэсайхан ГТҮА
17. С.Наранбаатар ГТҮА
18. О.Баярсайхан ГТҮА
19. Д.Давааням ГТҮА
20. Г.Одбаяр ОХЛ

Тойрон аялал Хатгал-2011

2011-10-11T01:18:00.000-07:00

1 Х. Бямбацогт эр ИНЕГ ЭЗБЗХ
2 Т. Алтанзул эм ИНЕГ НТЗХ
3 Э. Энхмаа эм ИНЕГ СХ
4 н. Энхбаяр эм ИНЕГ СХ
5 Д. Нямдаваа эр ГТҮА
6 Мөнгөнод эр ГТҮА
7 Б. Батсүх эр НЭСЗСЦ
8 Э. Жаргал эр ОХЛ
9 Б. Дэлгэрмаа эм "Чингис Хаан" ОУБ ЗҮА
10 Мөнхбаатар эр "Чингис Хаан" ОУБ АБХА
11 М.Чингүүнжав эр "Чингис Хаан" ОУБ АШҮА
12 Д. Мөнхбат эр "Чингис Хаан" ОУБ Цахилгаан
13 Баярмаа эм "Чингис Хаан" ОУБ ЗҮА
14 Цогтбаатар эр "Чингис Хаан" ОУБ Цагдаа
15 Х. Мөнхтулга эр "Чингис Хаан" ОУБ АБХА
16 С. Бат-Эрдэнэ эр "Чингис Хаан" ОУБ АТГУА
17 Б. Анар эр НХҮА
18 Б. Отгонболд эр НХҮА
19 Р. Очбаяр эр НХҮА
20 А. Хос-Од эм ХНБАҮА
21 Төрбаяр эр ХНБАҮА
22 Эрхэмбаяр эр ХНБАҮА
23 А. Түвшинбаяр эр НМҮА
24 Б. Бямбацэцэг эм НМҮА
25 М. Нацаг эм "Чингис Хаан" ОУБ ЗҮА

Жолооч Автомашины марк Улсын бүртгэлийн дугаар
1 Энхсайхан Коунти 6276 УБН
2 Энхбат Фургон 6581 УНЛ

“Би Монгол Залуу Хүн” цуврал лекц эхэллээ

2011-10-03T19:35:00.000-07:00

Монголын Залуучуудын Холбоо нь “Би Монгол Залуу Хүн” цуврал лекцээ 2011оны 10-р сарын 14-ны өдрийн 17.00 цагт зохион байгуулах гэж байна. Энэхүү лекцийг нээж БСШУЯамны их сургуулиудын хотхоны ашиглалтын өмнөх захиргааны албаны дарга, Эдийн засгийн ухааны доктор, проффессор Ц.Энхболд “Оюуны хөгжил ба залуусын хотхон” сэдвээр залуусын ирээдүйн хөгжлийг илэрхийлсэн алтан боломжоор дүүрэн, сонирхолтой лекцийг толилуулах гэж байна. Лекц сонирхолгч та бүхэн өргөнөөр оролцоно уу. Утас 321814, 96019186

Нисэхийн залуус ургац хураалтад оролцлоо

2011-09-29T17:15:00.001-07:00

Иргэний нисэхийн ерөнхий газрын залуус ургац хураалтад гурав дахь жилдээ сайн дураараа оролцоод ирлээ. Тэд 2-5 хүнээ нэг баг болгож, Төв аймгийн Цээл, Угтаал сумын таван компанид хуваагдан ажилласан байна. Нисэхийнхэн сайн дурын “томилолт”-ынхоо үеэр 1200 гаруй шоо метр талбай цэвэрлэж тариа буулгахад бэлэн болгон, 1600 тн улаан буудай үтрэмд буулган нуруулдаж, 660 гаруй тн улаан буудай цэвэрлэн тээвэрлүүлжээ. Үүнээс гадна 480 тн өвс нуруулдан хураасан аж.

Ийнхүү 10 хоногийн турш “Шим-Үр”, “Хан боргоцой”, “Чандмань” компанийнхны ажилд туслан, намар хөдөө нутагт л буцалдаг өрнүүн хөдөлмөрийн аагаас амсаад иржээ. 18-28 насны 20 гаруй залуусыг ахлан ажилласан ИНЕГ-ын Захиргаа аж ахуйн тасгийн эрхлэгч О.Найдансод аяны тоосоо ч гөвж амжилгүй бидэнтэй уулзсан юм. Тэрбээр “Манай байгууллага жил бүр бусдыг уриалан, нийгэм цаг үеийн ажилд оролцож байгаадаа баяртай байдаг. Улс оронд чухал ач холбогдолтой энэхүү ажлыг төрийн болон төрийн бус байгууллагын олон ажилтан дэмжээсэй.

Энэ жилийн ургац хураалтаас харахад залуусын ийм ажилд оролцох гэсэн идэвх санаачилга нь улам нэмэгдэж байна. Тэд ургац хурааж явахдаа “Газар тариалангийн техник технологийг шинэчлэх цаг болжээ. Ихэнх машин механизм нь эвдэрч муудсан байна” гэсэн нэг л зүйлийг байнга ярьж байсан. Намрын ажилд оролцох нь залууст танин мэдэхүйн асар их ач холбогдолтойгоос гадна ажлын амт шимтийг биеэр мэдэрдэг юм” гэж ярилаа.

"Залуучуудын үнэн" сонины захиалгад өргөнөөр хамрагдана уу

2011-09-20T20:38:00.000-07:00

МЗХ-ноос улирал бүр эрхлэн гаргаж буй “Залуучуудын үнэн” сонины 4-р улирлын захиалга явагдаж байна.
Улиралд 3 дугаар, захиалгын үнэ 1200 төгрөг. ИНЗХ-ны гишүүн, дэмжигч та харъяа байгууллагынхаа ИНЗХ-ны тэргүүлэгч болон захиргаанд хандаж сонин захиалгад ойрын хугацаанд өргөнөөр /заавал/ хамрагдана уу.

ИНЗХ, лавлах утас 28-2025

Залуус намрын тариа хураалтын ажилд оролцож байна

2011-09-19T00:01:00.000-07:00

Улс орон даяар ургац хураалт эхэлж байгаа цаг үед Иргэний нисэхийн залуучуудын холбооны санаачлагаар тус салбарын залуус ургац хураалтын ажилд оролцож байна.
Тэд Төв аймгийн Угтаал-Цайдам, Цээл сумын тариаланчдын баг дээр ажиллаж байгаа бөгөөд үтрэмийн 230 м.кв талбайг цэвэрлэж, бэлтгэн өнөөдөр авсан мэдээгээр нийтдээ 500 тн будаа ачиж, буулгаж, 200 тн будаа цайруулаад байна.

Иргэний нисэхийн залуус ургац хураалтын ажилд оролцоно

2011-09-16T04:59:00.000-07:00

Улс орон даяар ургац хураалт эхэлж байгаа цаг үед Иргэний нисэхийн залуучуудын холбооны санаачлагаар тус салбарын залуус ургац хураалтын ажилд оролцохоор өнөөдөр Төв аймгийн Угтаал-Цайдам, Цээл сумын тариаланчдын баг руу хөдөллөө.

Ургац хураалтад "Чингис хаан" ОУБ, Газрын тусгай үйлчилгээний алба, Нислэгийн хөдөлгөөний үйлчилгээний алба, Холбоо, навигаци, бодит ажиглалтын үйлчилгээний алба, Оношилгоо хэмжилзүйн лаборатори, Нислэгийн мэдээллийн үйлчилгээний алба, Шалгалтын нислэг, зураглалын албаны нийт 20 залуу оролцож байна.

Газар тариалангийн гол бүс нутгийн нэг Төв аймаг өнгөрсөн онд 80 мянган тонн үр тариа хураасан бөгөөд энэ онд 101 мянган тонн үр тариа хураана гэсэн тооцоотой ажиллаж буй аж. Энэ онд аймгийн хэмжээнд тариалалт өнгөрсөн онтой харьцуулахад 14-28 хувиар нэмэгдсэн бөгөөд энэ намар 101 тонн үр тариа хураавал улсын хэмжээний нийт үр тарианы 4/1-ийг бэлтгэх боломжтой болох аж.

Иргэний нисэхийн залуучуудын холбооны төлөөлөгчдийн ажиллах Угтаал цайдам сум 15294 га газарт улаан буудай тариалсан бөгөөд 27892 тонн, Цээл сум 15573 га газарт улаан буудай тариалж 31768 тонн улаан буудай хураана гэсэн тооцоотой ажиллаж байгаа юм байна.

Энэ намрын хувьд цаг агаар ихээхэн хувирамтгай байгаа тул цаг нартай уралдаж ажилладаг тариаланчдын хувьд ажиллах хүч нэн шаардлагатай байгаа. Ургац хураалтанд иргэний нисэхийн залуус санаачлагаараа мөн орон нутгийн хэмжээнд үйл ажиллагаа явуулдаг Мэргэжлийн сургалт үйлдвэрлэлийн төвийн багш оюутнууд оролцож байгаад баяртай байна хэмээн Төв аймгийн Хүнс, хөдөө, аж ахуй, жижиг дунд үйлдвэрийн газрын дарга Р.Мөнгөнхайч сэтгэгдлээ ярьж байна.

Иргэний нисэхийн Залуучуудын холбоо ургац хураалтын ажилд гурван жил дараалан санаачлагаараа оролцож байгаа бөгөөд намрын тариа хураалтын ажилд сайн дураараа, идэвхитэй оролцохыг бусад салбар байгууллагуудын залууст уриалсан байна.

НХҮА-ны баг шилжин явах цомын эзэн боллоо

2011-09-13T04:51:00.000-07:00

Иргэний нисэхийн залуучуудын холбооноос жил бүр уламжлал болгон зохион байгуулдаг Монгол Улсын анхны олимпийн аварга Энхбатын Бадар-Ууганы нэрэмжит шилжин явах цомын төлөөх гурав дахь удаагийн тэмцээн өнгөрсөн амралтын өдөр 56 дугаар сургуулийн хөлбөмбөгийн талбайд болж өндөрлөлөө.

ИНЕГ, түүний харъяа байгууллагууд, агаарын тээвэрлэгч компаниудын баг өрсөлдөж, аваргаа шалгаруулдаг энэхүү тэмцээнд энэ жил 8 баг өрсөлдсөн бөгөөд 2 бүсэд хуваагдан тоглолоо.

Шигшээ тоглолтод НХҮА, МИАТ ХК, НМҮА, ГТҮА-ны багууд тунаж үлдээд байлаа. 2008 оны шилжин явах цомын аварга ХНБАҮА-ны баг энэ удаад бүсээс шалгарч чадсангүй. НХҮА-ны албанаас довтлогч Бямбадорж, НМҮА-ны Түвшинбаатар нар тэмцээний явцад хамгийн өндөр амжилт үзүүлсэн ба тус 2 баг аваргын төлөө тунаж үлдсэн юм. Шигшээ тэмцээнд шилжин явах цомын төлөө НХҮА, НМҮА-ны хоёр багийн тулаан маш сонирхолтой өрнөж, үзэгчдийг уйдаагаагүй сонирхолтой өрсөлдөөнийг үзүүлсэн юм. Харин 3 дугаар байрын төлөө МИАТ ХК, ГТҮА-ны багууд хүчтэй өрсөлдөж 2:3 харьцаагаар ГТҮА өрсөлдөгчөө буулгаж авлаа.

Тэмцээний дүн:
1 дүгээр байр. Нислэгийн хөдөлгөөний үйлчилгээний албаны баг

2 дугаар байр. Нислэгийн мэдээллийн үйлчилгээний албаны баг

3 дугаар байр. Газрын тусгай үйлчилгээний албаны баг

Шилдэг довтлогчоор энэ тэмцээнд 7 гоолыг оруулсан НХҮА-ны багийн довтлогч н.Бямбадорж шалгарлаа. Олон гоол оруулсан тамирчдыг жагсаавал:

Бямбадорж-7 НХҮА
Түвшинбаатар-6 НМҮА
Баяраа-6 ГТҮА
Пүрэвдорж-5 НХҮА
Бат-Ирээдүй -4 МИАТ

Тэмцээнд оролцсон нийт баг тамирчдадаа спортын өндөр амжилт, сайн сайхан бүхнийг хүсэн ерөөе.

Иргэний нисэхийн залуучуудын холбоо

Олимпийн аварга Э.Бадар-Ууганы нэрэмжит хөл бөмбөгийн Шилжин явах цомын төлөө тэмцээн болно

2011-09-08T19:10:00.001-07:00

Тус газрын хамт олны дундаас Монгол Улсын анхны олимпийн аварга Энхбатын Бадар-Ууган төрөн гарсан нь манай спортын түүхэнд алтан хуудсанд тэмдэглэгдэх үйл явдал болсны дээр иргэний нисэхийн салбарын нийт ажилтан албан хаагчид, залуус бидний урам зоригийг бадраасан сайхан үйл явдал болсон билээ.
Манай залуучуудын санаачлагаар нийтийн биеийн тамир спортыг хөгжүүлэх үүднээс салбарын нийт ажилтан албан хаагчдын дунд ‘’Олимпийн аварга Энхбатын Бадар-Ууганы нэрэмжит хөлбөмбөгийн шилжин явах цом’’- ын төлөөх тэмцээнийг уламжлал болгон жил бүрийн 8 сард зохион байгуулах санаачлага гарган 2008 оноос жил бүр тэмцээнийг амжилттай зохион байгуулсан.

2008 онд:

1-р байранд Холбоо, навигаци, бодит ажиглалтын үйлчилгээний алба
2-р байранд Газрын тусгай үйлчилгээний алба
3-р байранд Иргэний нисэхийн ерөнхий газар

2010 онд:

1-р байранд Нислэгийн хөдөлгөөний үйлчилгээний алба
2-р байранд "Изинис Эйрвэйз" ХХК
3-р байранд ШУТИС-ын Механик инженерийн сургуулийн төгсөгчдийн баг

Иргэний нисэхийн залуучуудын холбооноос тус байгууллагын тамирчин, олимпийн аварга Э.Бадар-Ууганы нэрэмжит хөлбөмбөгийн тэмцээнийг иргэний нисэхийн салбарын байгууллага, аж ахуйн нэгжүүдийн дунд уламжлал болгон 3 дахь жилдээ зохион явуулах гэж байна.
Энэхүү тэмцээн нь залуусыг нийтийн биеийн тамир спортод дур сонирхолтой болгох, түүгээр хичээллэх, хамт олонч болгох, идэвхтэй дасгал хөдөлгөөнийг эрхэмлэхэд нэмэр болохуйц арга хэмжээ болдог тул дээрх тэмцээнд идэвхтэй хамрагдана уу.

Тэмцээн 2011 оны 9 дүгээр сарын 10-нд 56-р сургууль дээр болно.
Оролцогчид: ИНЕГ, түүний харъяа албадууд, Агаарын тээвэрлэгч компаниуд, Буянт-Ухаа дахь байгууллагууд

Техникийн зөвлөгөөн 2011.09.09-ний өдөр ИНЕГ-ын Сургалт, дадлагын цогцолборын байранд болно.

Лавлах утас: 28-2110

Тойрон аялал зохион байгууллаа

2011-08-07T02:25:00.000-07:00

Монголын Залуучуудын холбооны 90 жилийн ойн хүрээнд ИНЗХ-ноос Жил бүр уламжлал болон зохион байгуулдаг тойрон аяллыг нь 2011 оны 07 дүгээр сарын 29-нөөс 08 дугаар сарын 06 хооронд Улаанбаатар-Булган-Мөрөн-Хатгал-Мөрөн-Тэрхийн цагаан нуур –Хархорин-Элсэн тасархай-Улаанбаатар чиглэлээр зохион байгууллаа. Энэ жилийн тойрон аялал нь байгал цаг агаарын таатай нөхцөлд, мөн түүхт ойнууд давхцсан жил болж байгаагаараа онцлог байлаа.
Тус аялалд ИНЕГ, түүний харъяа байгууллагуудад ажиллаж байгаа залуучуудын дундаас ажил, мэргэжил, спорт, урлагийн уралдаан тэмцээнд гаргасан амжилтаараа хошуучилж байгаа 25 залуус хамрагдсан.
Аялагчдыг замд гарахын өмнө ИНЕГ-ын хурлын танхимд Захиргаа, хүний нөөцийн ерөнхий менежер Т.Батжаргал хүлээн авч уулзан зааварчилгаа, зөвлөмж өгч байгалийн сайханд алжаал ядаргаагаа тайлан, байгал дэлхийгээ хайрлан хамгаалж амжилттай аялахыг хүсэн ерөөснөөр Аяллын багийнхан Газрын тусгай үйлчилгээний албанаас аяны жолоо залав.

Багийн бүрэлдэхүүн:
Аяллын ахлагч- Х.Бямбацогт
Эмч-1
Цагдаа-1
Гишүүд-22 хүн
Нийт 25 хүний бүрэлдэхүүнтэй байв.
Аяллын тэмдэглэлээс Та бүхэнд дор товчлон хүргэе.

Тухайн өдрийнхөө үдэд зам зуурт орших “Урьхан” зоогийн газарт өдрийн хоолонд орсон. 17цаг 40мин Эрдэнэт хотод ирсэн. Мөн өдрөө багтаж Булган аймгийн “Анаг тур” амралтанд амарч байгаа ИНЕГ-ын залуучуудтай уулзсан. Мөн оройдоо багтан 20цаг 30мин Булган аймгаас хөдлөн 2011 оны 07 сарын 30-нд Хөвсгөл аймагт өглөөний 09цаг 50 мин хүрэлцэн ирэв.

Хөвсгөл аймгийн “Мөрөн” нисэх буудлын 55 жилийн ойн арга хэмээний нээлтийн үйл ажиллагаа болон ойн хөтөлбөрийн дагуу зохион байгуулсан арга хэмжээнд аяллын багийн гишүүд оролцлоо. Мөн ойн баярын хуралд ИНЕГ-ын Залуучуудын холбооны зүгээс 55 жилийнхээ ойг тэмдэглэн өнгөрүүлж байгаа Мөрөн нисэх буудлын хамт олонд мэндчилгээ дэвшүүлж бэлэг дурсгалын зүйл гардуулав. Хөвсгөл аймгийн Мөрөн Нисэх буудал 1956 онд анхны сууриа тавьснаас хойш эдүгээ 55 жилийг ардаа орхиод байгаа бөгөөд энэ өдөр үүсэн байгуулагдсаны 55 жилийн ойг тэмдэглэн өргөн дэлгэр сайхан тэмдэглэн өнгөрүүлж байв. Энэ дашрамд, Эрдэнэ-Очир даргатай Мөрөн НБ-ын хамт олонд ажлын өндөр амжилт, сайн сайхан бүхнийг хүсэн ерөөе !
Мөн өдөр Мөрөн нисэх буудлын хамт олноос аялагчдад зориулж Мөрөн хотын түүх дурсгалт газруудтай /Чингүнrавын талбай, Бөхийн өргөө, 3 аваргын хөшөө, Гандан, Хийморийн овоо г.м/ танилцуулж дурсгалын зураг татуулав.
2011 оны 07 дугаар сарын 30-ны 10цаг 30мин-нд Мөрөн хотоос Хатгал сумын зүг хөдлөв. Замдаа Хөвсгөл аймгийн Алга-Эрдэнэ сумын нутагт байрлах “Мөнх хааны отог” жуулчны баазад үдийн зоог барив.
Хатгал сумын “Харуул занги” жуулчны баазад аяллын бүрэлдэхүүн хүрэлцэн ирж буудаллав. Аялагчид өөрсдийн гараар хорхог хийж, далайн усанд сэлж цагийг үр дүнтэй зугаатай өнгөрөөв. Мөн аяллын бүрэлдэхүүнийг 4 багт хуваан тэмцээн зохион байгуулж, орой нь галын наадам хийж дурсгалын зураг татуулав. 2011 оны 08 дугаар сарын 02-ний 17 цагт аялагчид “Сүхбаатар” усан онгоцоор “Хөвсгөл” далайгаар аялав.
Хөвсгөл аймгийн Алаг-Эрдэнэ сумд байрлах “Энергийн төв” буюу 50, 100-ийн огтлолцол дээр очиж "энерги" авав.

2011 оны 08 дугаар сарын 04-ний 09 цагт Архангай аймгийн нутагт “Тэрхийн цагаан” нууранд ирж жуулчины баазад байрлав. Үдээс хойш “Хоргын тогоо”, “Ганц хүний агуй”-аар аялаж дурсгалын зураг татуулав. Мөн “Тэрхийн цагаан” нууранд сэлэв.

2011 оны 08 дугаар сарын 05-н Архангай аймгийн “Чулуутын” гол, “100 салаа” модонд ирж дургалын зураг авав. 14 цагт “Тайхар чулуу” түүхт дурсгалын газар үзэв.
2011 оны 08 дугаар сарын 06-нд аялагчид Өвөрхангай аймгийн “Эрдэнэ зуу” хийдээр зочилж, “Элсэн тасархай” байгалийн үзэсгэлэнт газруудаар аялаж 21 цагт Улаанбаатар хотод хүрэлцэн ирэв.

Аяллын хугацаанд аялагчид нь Монгол орныхоо байгалийн үзэсгэлэнгээр бахдаж, байгалаа хайрлан хамгаалахын зэрэгцээ, залуучуудын нөхөрлөл, хамтын ажиллагааг дээшлүүлсэн үр дүнтэй аялал боллоо.

ТАЙЛАН БИЧСЭН: АЯЛЛЫН БАГИЙН АХЛАГЧ Х. БЯМБАЦОГТ

Сайхан наадаарай

2011-07-08T22:28:00.000-07:00

Есөн эрдэнийн гоёлоор баярын жавхааг нэмж
Есөн хөлт цагаан тугаа хоймор юугаан залж
Есөн цагаан хүслээ цацал болгон өргөж
Есөн есөн билэгтэй Монгол түмэн минь Сайхан наадаарай!

Домгийн шувуу үргээж монгол наадам эхэллээ
Дорнын хөх тэнгэрийг донсолгож хүлэг морьд эргэлээ
Дэлхий дүүргэж дэвээд хүчит бөхчүүд гарлаа
Дээлтэй наадмын хойморт дархан нум эвшлээ
Их Монгол Улс байгуулагдсаны 805, Ардын хувьсгалын 90 жилийн ойн баярын мэнд дэвшүүлж Эрүүл энх сайн сайхан бүхнийг хүсье.

Иргэний нисэхийн залуучуудын холбооны тэргүүлэгчид

МЗХ-ны 2010 оны шинэ жилийн зураг байна

2011-06-03T22:00:00.000-07:00

Нисэхийн баярын мэнд !!!

2011-05-25T19:41:00.000-07:00

Иргэний нисэхийн салбарын залуустаа МУ-д Нисэх хүчин үүсч хөгжсөний 86 жилийн ойн баярын мэндийг хүргэж, Та бүхний ажил, амьдралд сайн сайхныг хүсэн ерөөе !

Иргэний нисэхийн залуучуудын холбоо

Залуус мод тарьлаа

2011-05-24T22:36:00.000-07:00

БНСУ-ын агаарын тээврийн “Корэйн Эйр” компани Улаанбаатар хотын Багануур дүүрэгт цөлжилтөөс хамгаалах, шар шуурганаас урьдчилан сэргийлэх зорилготойгоор 2004 оноос эхлэн мод тарьж байгаа бөгөөд Иргэний нисэхийн Залуучуудын холбоо энэ ажилд залуучуудаа оролцуулдаг билээ.

Энэ жил Нисэх хүчин үүссэний 86 жилийн ой тохиож байгаа бөгөөд Багануур дүүрэгт 5 дугаар сарын 24-ний өдөр Иргэний нисэхийн Залуучуудын холбооноос 26 хүний бүрэлдэхүүнтэй мод тарилаа. Залуучууд маань мод тарихдаа стандарт буюу зааварчилгааны дагуу тарьж суулгасан юм.

ИНЕГ-ын харьяа алба салбаруудаас энэхүү ажилд оролцсон дараахи залуучуустаа баярлалаа.

Иргэний нисэхийн ерөнхий газар
1 С.Батхуяг
2. Б.Уянга
3 Б.Болор-Эрдэнэ

Нислэгийн мэдээллийн үйлчилгээний алба
1 Ж.Баттунгалаг
2. Б.Бямбацэцэг
3 Гүенбаатар
4 А.Түвшинбаяр
Нислэгийн хөдөлгөөний үйлчилгээний алба
1 Хашцолмон
2 Хадбаяр

Холбоо, навигаци, бодит ажиглалтын үйлчилгээний алба
1 Б.Хаштогтох
2 А.Бямбабаатар

Оношлогоо, хэмжилзүйн лаборатори
1 Тэсээ

"Чингис хаан" ОУБ
1 С.Болд-эрдэнэ
2 М.Дондовдорж
3 Б.Сансар
4 М.Мөнхбаатар
5 Очбадрал
6 Ж.Болдбаатар
7 С.Дэмбэрэлсамбуу
8 Т.Барисмаа
9 Сонинбаяр
10 Ш.Сүхбаатар
11 Ж.Нарантуяа

Газрын тусгай үйлчилгээний алба
1 Молор-Эрдэнэ
2 Соронзонболд

“Нэг мод тарьвал нэг насны буян, хоёр мод тарьвал хойд насны буян”

ИНЗХ-ны тэргүүлэгч, ”Буянт-Ухаа” багийн тоглогч Д.Нямдаваа Спорт загварын машины эзэн боллоо

2011-05-17T03:17:00.000-07:00

Сагсан бөмбөг сонирхогч аижлтан залуусыг “Эерэгээр амьдарцнаая” уриан дор нэгтгэдэг Спрайт супер лигийн тэмцээний аваргын төлөөх тоглолт өнгөрсөн амралтын өдрүүдэд спортын төв ордны А танхимд явагдаж өндөрлөлөө. Сонирхогчдын сагсан бөмбөгийн “TLG-13” ТББ, “MCS Coca-Cola” компани хамтран зохион байгуулдаг Спрайт супер лигийн 2011 оны аваргын төлөөх шийдвэрлэх тоглолтод баруун бүсээс ИНЕГ-ын С.Батмөнх эзэнтэй, Д.Одбаяр дасгалжуулагчтай “Буянт-Ухаа”баг, зүүн бүсийн аварга Хаан банкны багийн тамирчид өрсөлдөж хурд хүчээ сорилоо. Өнгөрсөн баасан аграгт хоёр багийн тоглолт тун ширүүхэн өрсөлдөөнөөр дүүрэн байж цаг дуусах мөчид тоглолтын харьцаа 72:71 болсноор тоглолт өндөрлөсөн юм. Ингээд хоёр баг өнгөрөгч ням гарагт аваргын төлөөх шийдвэрлэх тоглолт хийсэн юм. Спрайт супер лигт нийт 24 баг өрсөлдсөнөөс “Буянт-Ухаа” баг өрсөлдөгчөө цуврал тоглолтод 2:1 харьцаатай буулган авч, Спрайт супер лигийн хошой аварга боллоо.

Дэлгэрэнгүйг энд дарж үзнэ үү.

Шагнал гардууллаа

2011-05-16T21:45:00.000-07:00

Монгол Улсад нисэх хүчин үүсч хөгжсөний 86 жил, ОУ-ын нислэгийн мэдээллийн ажилтны өдрийг тохиолдуулан МЗХ-ны "Тэргүүний залуу" алтан медалиар НМҮА-ны Тогтмол мэдээллийн хэсгийн дарга Даваасүрэнгийн Эрдэнэбаатарыг, "Хөдөлмөрийн алдар" медалиар мөн албаны Өгөгдлийн сангийн инженер Бямбабаатарын Азбаяр нарыг шагнав. Шагналыг ИНЕГ-ын дэд дарга Б.Алтанцом гардуулан өгч, баяр хүргэлээ.

Нислэгийн мэдээллийн үйлчилгээний залуустаа ажил, хөдөлмөрийн өндөр амжилтыг хүсэн ерөөе !

Иргэний нисэхийн залуучуудын холбоо

Иргэний нисэхийн залуучуудын холбооны тэргүүлэгчид хуралдав

2011-05-12T21:21:00.000-07:00

ИНЗХ-ны тэргүүлэгчдийн ээлжит хурал 2011 оны 5 дугаар сарын 11 өдөр хуралдлаа. Хурлаар ИНЗХ-ны тэргүүний сонгох, тэргүүлэгчдийн ажил үүргийн чиг хуваарь, санхүүжилт, цаашид хийгдэх ажлын талаар тус тус хэлэлцэв.
Тэргүүлэгчдийн хурлаар ИНЗХ-ны тэргүүнээр ИНЕГ-ын Тамгын хэлтсийн мэргэжилтэн С.Батхуягийг, нарийн бичгийн даргаар ИНЕГ-ын Нислэгийн мэдээллийн үйлчилгээний албаны Өгөгдлийн сангийн инженер Ж.Баттунгалаг нар сонгогдов.
Тэргүүлэгч гишүүдээр:
1. Б.Золбоо. ИНЕГ-ын Тамгын хэлтсийн мэргэжилтэн
2. Х.Бямбацогт. ИНЕГ-ын Эдийн засгийн бодлого, зохицуулалтын хэлтсийн стратегич
3. Б.Болор-Эрдэнэ. ИНЕГ-ын Нисэх буудлуудын үйлчилгээний газрын Мэргэжлийн хэлтсийн мэргэжилтэн
4. Н.Лувсанжамбаа. ИНЕГ-ын Хэвлэх цехийн дарга
5. Б.Мандухай. ИНЕГ-ын Нислэгийн хөдөлгөөний үйлчилгээний албаны ОНХУХ-ийн бүсийн нислэгийн удирдагч
6. А.Булган. НААХЗА-ны НТЧХ-ийн мэргэжилтэн
7. Д.Нямдаваа. ИНЕГ-ын Газрын тусгай үйлчилгээний албаны ЗХНХ-ийн компьютер, сүлжээний мэргэжилтэн
8. Р.Хангай. ИНЕГ-ын Шалгалтын нислэг, зураглалын албаны НЖЗХ-ийн операторч
9. Э.Мөнхцэцэг. ИНЕГ-ын "Чингис хаан" ОУБ-ын Зорчигч үйлчилгээний албаны дарга
10. Б.Наранмандах. ИНЕГ-ын Оношлогоо, хэмжилзүйн лабораторын Ахлах инженер
11. Б.Батсүх. ИНЕГ-ын НЭСЗС-ын цогцолборын /Жаргалант/үйдвэрлэл, үйлчилгээ хариуцсан менежер
12. Э.Төрбаяр. ИНЕГ-ын ХНБАҮА-ны Холбооны хэсгийн инженер

Сургалтын төрийн сангийн санхүүжилтээр дэлхийн топ сургуулиудад инженер-технологийн мэргэжлээр бакалаврын түвшинд суралцуулна

2011-04-25T20:11:00.000-07:00

Сургалтын төрийн сангийн санхүүжилтээр дэлхийн топ сургуулиудад
инженер-технологийн мэргэжлээр бакалаврын түвшинд суралцуулна

Монгол Улсын Их Хурал, Засгийн газрын шийдвэрийн дагуу 2011 онд анх удаа дэлхийн тэргүүлэх их сургуулиудад инженер-технологийн чиглэлээр суралцах эрх авсан бакалавр оюутнуудыг Сургалтын төрийн сангийн санхүүжилтээр суралцуулахаар боллоо.

Улсын олимдиадад 1, 2, 3 дугаар байр эзэлсэн болон олон улсын олимдиадад оролцсон Монгол Улсын магадлан итгэмжлэгдсэн их, дээд сургууль, коллежийн 1-3 дугаар дамжааны оюутнууд энэхүү тэтгэлэгт хөтөлбөрт хамрагдах эрхтэй бөгөөд инженер-технологийн дэлхийн тэргүүлэх 50 их сургуулиудад хандан суралцах урилга авсан байх шаардлагатай. Эдгээр нөхцөлийг хангасан 21 хүртэлх насны Монгол Улсын иргэд 2011 оны 5 дугаар сарын 30-ны дотор БСШУЯ-ны Мэргэжлийн боловсролын газарт хандана уу.

Тэргүүлэх 50 их сургуулийн жагсаалтыг http://www.timeshighereducation.co.uk/world-university-rankings/2010-2011/engineering-and-it.html#uni-1076 веб хуудаснаас авах боломжтой.

Холбогдох утас: 51-266428
http://www.mecs.gov.mn/article-551.mw

Лекц уншина

2011-02-22T23:04:00.000-08:00

Монголын Залуучуудын Холбооноос зохион байгуулдаг “Би Монгол залуу хүн” цуврал лекцийн хүрээнд “Гайхамшигт ертөнц” номын зохиолч Монгол бадарчин Амай буюу Ж.Золбаяр “Дотоод ертөнцөөс дэлхийг харах нь” сэдвээр оюутан, залуучуудад үнэ төлбөргүй лекц уншина. Лекц 2011 оны 02 сарын 25-ны 17 цагт Монголын Залуучуудын Холбооны зааланд болно.

“Буянт-Ухаа”, “Эрчим”-ийн ГАЙХАЛТАЙ ТҮРҮҮ

2011-01-18T18:33:00.000-08:00

Монголын волейболын холбооны үндэсний лигийн тэмцээн өчигдөр өндөрлөлөө. Энэ удаагийн лиг ойрын хэдэн жил үзэгдээгүй ширүүн өрсөлдөөн дунд явагдаж, волейболын хорхойтнуудад том бэлэг барьсан юм.

Хүрэл медаль “Ноён”, “Уурхайчин”-ых

Хүрэл медалийн төлөөх тоглолтууд тийм ч өрсөлдөөнтэй болсонгүй. Ерөнхийдөө урьдчилан таамаглаж байсан багууд ялагчаар тодорсон гэж болно. “Эрчим”-ийн залгамж халаа болон бэлтгэгдэж буй залуу охид энэ жил “Тэнүүн-Огоо” нэр дээр орж, туршлага хуримтлуулсан. Анх удаагаа томхон тэмцээнд орж буй тэд бусдаасаа аргагүй туршлага дутаж, тойргийн тоглолтоос нэг ч хожил авч чадаагүй юм. Харин “Уурхайчин”-ы эсрэг хийсэн хүрэл медалийн төлөөх цувралын гурав дахь тоглолтод учраагаа сөхрүүлж, нэр төрийн хожлоо байгууллаа.

Басч байгаад ялагдсан “Уурхайчин”- ыхан дараагийн тоглолтод алдаа гаргалгүй тоглосоор 3:0- ээр хожиж, хоёр жил дараалан хүрэл медаль дээр буусан юм. Харин эрэгтэй багуудын хүрлийн төлөөх тоглолт арай сонирхолтой болсон. Хүмүүс ерөнхийдөө “Ноён”-г хожно гэж таамаглаж байсан ч “Уурхайчин” басч болохгүй өрсөлдөгч юм. Тэд ч гурав дахь тоглолтод үүнийгээ нотлон харуулж, цувралын харьцааг ойртуулсан. Харин дөрөв дэх уулзалтад “Ноён”-гийн залуус өрсөлдөгчөөсөө илүү гэдгээ нотолж, 3:0-ээр буулган авлаа. “Ноён”-гийнхон лигийн эхний тойрогт хамгийн сүүлийн байрыг эзэлсэн бол удаахад нь гуравт орж, сүүлийн тойрогт тэргүүлсэн. Нэг ёсондоо амжилт нь өдрөөс өдөрт сайжирч, тоглолт нь орж буй. Энэ эрчээрээ хүрэл медаль дээр буулаа. “Ноён” багийн хувьд шинэ бүрэлдэхүүнтэй болсноос хойш анхны медалиа авч байгаа нь энэ. Тэд хамгийн сүүлд 2004 онд хүрэл медаль хүртэж байв.

Гал гарсан шигшээ тоглолтууд

XV лигийн аваргын төлөө тоглолтууд ёстой л гал маналзсан ширүүн өрсөл дөө- нөөр дүүрэн болж, үзэгчдийн цөсийг хөөргөв. Эрэгтэйчүүдийн аваргын төлөө ноднингийн дэд аварга “Эрчим”, 2008 оны аварга “Буянт-Ухаа” багууд тунан үлдээд байв. Багийн бүрэлдэхүүн, тойргийн тоглолтод үзүүлсэн байдал, тоглогчдынх нь туршлага гээд аль ч талаас нь харсан “Эрчим”-ийн ялах боломж илүүд тооцогдож байлаа. Энэ багийн бүрэлдэхүүнд шигшээ багт данстай 5-6 тоглогч багтаж байсан юм. Гэтэл цувралын эхний хоёр тулаанд “БуянтУхаа” хожих нь тэр.

“Эрчим”- ийнхэн шуудайд хийсэн үхрийн эвэр мэт байж, нэг баг болж чадаагүй нь тэдний ялагдлын гол шалтгаан боллоо. Тэгвэл залуухан тоглогчдоор эгнээгээ тэлсэн нисэхийн баг эсрэгээр, хоорондоо тун сайн ойлголцож, эвсэг тоглолтоор ялалтад хүрсэн юм. Харин гурав дахь тоглолтоос “Эрчим” огт өөр араншин гаргах болов. Хоорондоо ойлголцож буй байдал, сэтгэл санаа өөдрөг байгаагаас харахад багийн дотоод хурал нь үр дүнд хүрсэн бололтой. Тэд энэ өдөр өрсөлдөгчөө илүүрхэнэ гэдгийг бүрэн утгаар нь харуулж, 3:0- ээр түвэггүй хожсон юм. Бямба гаригт болсон дөрөв дэх тоглолт ордонг доргиосон гэж болно.

Эхний хоёр партад “Эрчим” илүүрхэж хожсоны дараа аварга багийн нэр ням гаригт тодрох нь гэж бүгд бодсон байх. Гэтэл гурав дахь партад “Буянт-Ухаа”-гийн залуус ширүүн өрсөлдөөний эцэст 34:32-оор хожсон нь тэднийг эрс сэргээсэн. Улмаар нисэхийнхэн дараагийн хоёр партад 28:26, 15:13-аар давамгайлан тун хүнд нөхцөлөөс амттай ялалт байгуулж, лигийн аварга цолыг хоёр дахь удаагаа хүртлээ. Шийдвэрлэх мөчид Б.Энхмагнайгийн намын довтолгоо удаа дараа оновчтой болсон нь тулааны дүр зургийг эргүүлсэн гэж болно. Мөн Р.Хангай аргагүй л Монголын ¹1 холбогч гэдгээ харуулж, багийнхнаа зөв удирдан чиглүүлж чадсан. Ер нь “Буянт-Ухаа”-гийн энэ түрүүг Хангайгийн ухаалаг тоглолттой холбон тайлбарлах нь зүйтэй болов уу.

“Эрчим”-ийн хувьд маш гоё багийг бүрдүүлсэн хэрнээ хэмжээндээ хүртэл тоглож чадалгүй хоёр жил дараалан мөнгөн медаль дээр буулаа. Тэгвэл эмэгтэйчүүдийн шиг шээ тоглолт үүнээс илүү со нир холтой болсон. Со лонгос дасгалжуулагчаар удирдуул сан “Энагурэ” баг тойргийн тоглолтод 9-0 гэсэн төгс амжилт үзүүлж, итгэл төгс финалд шалгарсан. Тэдний өрсөлдөгч “Эрчим”-ийн хувьд нэлээд тэвдэж байж авар гын төлөө өрсөлдөх эрхээ авсан юм. “Уурхайчин” тэдэнтэй ширүүн өрсөлдөж байсан бөгөөд шийдвэрлэх гуравдугаар тойрогт “Эрчим” гол өрсөлдөгчөө 3:2-оор хожиж, айдаггүйгээ авдартаа хийсэн билээ.

Ингээд ноднингийн финал дахин давтагдахад “Энагурэ” эхний хоёр тоглолтод ялалт байгуулав. Ингэснээр тэд лиг эхэлснээс хойш 11 дараалан яллаа. Одоо алтан медаль энэ багийн халаасанд орлоо гэдэгт эргэлзсэн хүн ховор байх. Гэтэл итгэмээргүй хүнд нөхцөлөөс “Эрчим” гайхалтай эргэн ирэлтийг хийж, хүчтэй өрсөлдөгчөө гурав дараалан хожиж чадсан юм. Гурав дахь тулаанд 3:2-оор хожсон нь тэдэнд сэтгэл санааны сэргэлт авчирсан. Ялангуяа шийдвэрлэх тав дахь партад тэд 12:10-аар дийлдэж яваад таван оноо дараалан авсан юм. Бямба гаригт болсон дөрөв дэх уулзалт ч мөн таван партын турш үргэлжилж, “Эрчим” азтай гэмээр ялалтыг авсан.

Сүүлийн партад “Энагурэ” хоёр ч удаа хожил авах, цаашлаад аваргалах боломжтой нөхцөлд тоглосон ч үүнийгээ ашиглаж чадаагүй. Ялалт хэнд ч ирж магадгүй болсон эгзэгтэй мөчид хашир мастер Л.Нарантуяа багаа аварч байв. Ийнхүү итгэмээргүй нөхцөлөөс цувралыг тэнцүүлсэн “Эрчим”- ийнхэн өчигдөр өрсөлдөгчөө 3:0-ээр итгэлтэй хожиж, гайхалтай түүхийг бүтээлээ. Гарцаагүй аваргалах нөхцөлөөс хоёр ялагдсан нь “Энагурэ”-д хүндээр туссан бололтой, өөрсдийн үндсэн тоглолтоо гаргаж чадаагүй.

Тэд тав дахь тоглолтын хоёрдугаар партад л гэхэд 17:11-ээр тэргүүлж яваад бариулж, ялагдсан юм. Хэрвээ энэ багт гайгүй сайн либеро байсан бол гарцаагүй аваргалах байсан. Гэтэл багт хамгийн чухал үүрэгтэй чөлөөт хамгаалагч нь бүдүүлэг алдаа олныг гаргаж, багаа хөөдсөн юм. Харин эсрэг багийнх нь либеро Г.Билгүүн бараг боломжгүй гэмээр нөхцөлөөс бөмбөгийг босгож, өөрийгөө ямархуу чадварлаг тоглогч болохоо хангалттай харуулсан.

Ер нь тэр багийнхаа ялалтад Л.Нарантуяагаас дутахааргүй гавьяа байгуулсан юм. Ийнхүү жил дамнан явагдсан волейболын лиг үзэж харах, сонирхуулж ярих зүйл арвинтай болж өндөрлөлөө. Энэ хоёр багийн өрсөлдөөн ирэх жилийн лигийг ч гэсэн чимэх биз ээ.

ТЭМЦЭЭНИЙ ШИЛДГҮҮД

Хамгаалагч: эрэгтэй Т.Отгонтөгс (Эрчим)

эмэгтэй Г.Билгүүн (Эрчим)

Давуулагч: эрэгтэй М.Цэрэнбаатар (Ноён)

эмэгтэй П.Буянжаргал (Уурхайчин)

Холбогч: эрэгтэй Р.Хангай (Буянт-Ухаа)

эмэгтэй А.Уранчимэг (Энагурэ)

Довтлогч: эрэгтэй Э.Сайханбаатар (Эрчим)

эмэгтэй Г.Цэцэгжаргал (Энагурэ)

Тэгш тоглогч: эрэгтэй Б.Ганхуяг (Буянт-Ухаа)

эмэгтэй Л.Нарантуяа (Эрчим)

Дасгалжуулагч: Жон Юн Ха (Энагурэ)

Шүүгч: С.Мөнхдэлгэр

ХҮРЭЛ МЕДАЛИЙН ТӨЛӨӨ ТОГЛОЛТ

ЭМЭГТЭЙ

Уурхайчин-Тэнүүн Огоо 3:1

Тт№1 3:0 (25:12, 25:21, 25:23)

Тт№2 3:0 (25:13, 25:27, 25:18)

Тт№3 2:3 (25:18, 20:25, 21:25, 25:21, 13:15)

Тт¹4 3:0 (25:17, 25:20, 25:21)

ЭРЭГТЭЙ

Ноён-Уурхайчин 3:1

Тт№1 3:1 (19:25, 25:23, 25:17, 25:21)

Тт№2 3:0 (25:23, 25:21, 25:21)

Тт№3 2:3 (15:25, 26:28, 28:26, 25:18, 13:15)

Тт№4 3:0 (25:20, 25:22, 27:25)

АВАРГЫН ТӨЛӨӨ ТОГЛОЛТ

ЭМЭГТЭЙ

Эрчим-Энагурэ 3:2

Тт№1 1:3 (25:15, 21:25, 25:27, 15:25)

Тт№2 2:3 (25:19, 23:25, 16:25, 25:16, 8:15)

Тт№3 3:2 (25:19, 25:27, 17:25, 25:17, 15:12)

Тт№4 3:2 (19:25, 25:23, 25:22, 19:25, 18:16)

Тт№5 3:0 (26:24, 30:28, 25:21)

ЭРЭГТЭЙ

Буянт-Ухаа-Эрчим 3:1

Тт№1 3:2 (25:20, 25:20, 16:25, 25:27, 15:11)

Тт№2 3:2 (21:25, 25:21, 17:25, 25:19, 15:12)

Тт№3 0:3 (20:25, 22:25, 19:25)

Тт№4 3:2 (15:25, 21:25, 34:32, 28:26, 15:13)

Г.БАЯРСАЙХАН

Мэндчилгээ

2010-12-29T22:55:00.000-08:00

Өнгөрч буй 2010 он Иргэний нисэхийн салбарын хувьд ажил үйлс оргилсон их хөгжлийн жил байлаа. Иргэний нисэхийн салбарынхан бид салбарын тогтвортой хөгжлийг хангахуйц техник технологийн шинэчлэлт хийж, эрх зүйн орчныг сайжруулах, нисэхийн аюулгүй байдлыг найдвартай ханган ажиллах, аюулгүй ажиллагааны хяналт зохицуулалт, нислэгийн хөдөлгөөний удирдлагын үйлчилчилгээг сайжруулах, нисэх буудлын үйлчилгээг дэлхийн стандартад нийцүүлэх, мэргэжлийн боловсон хүчнийг бэлтгэх, иргэний нисэхийн салбарын гадаад харилцаа, хамтын ажиллагааг өргөжүүлэн хөгжүүлэх олон ажлыг өнгөрсөн онд амжуулж, 2011 оноо амжилт бүтээл дүүрэн угтаж байна. Мөн НҮБ-ийн мэргэшсэн байгууллага болох Олон улсын иргэний нисэхийн байгууллага ИКАО-ын хоёр удаагийн өргөтгөсөн аудит шалгалтад хамрагдаж Монгол Улс 90 орчим хувийн үнэлгээ авсан нь олон улсын хэмжээнд Монгол Улс болон Иргэний нисэхийн салбарынханы нэр хүндийг өргөсөн явдал боллоо.

Мэдээллийн эрин зуунд улс орныхоо тэргүүлэх салбарын нэг болж, хамгийн орчин үеийн техник, технологио эзэмшин өөрийн гэсэн соёл, эрхэмлэх үнэт зүйлс, тогтсон ёс зүйтэй байгууллагад ажиллаж, амьдарч байгаагаараа бид бахархдаг. Бид өнгөрсөн жилд олсон амжилтаа бататган ирж буй 2011 онд Иргэний нисэхийн тухай Монгол Улсын хуулийн шинэчилсэн найруулгыг батлуулах, Иргэний нисэхийн талаар төрөөс баримтлах бодлогын баримт бичгийг боловсруулж батлуулах, Монгол Улсын Засгийн газрын 2008-2012 оны үйл ажиллагааны хөтөлбөр, Монгол Улсын эдийн засаг, нийгмийг 2010, 2011 онд хөгжүүлэх үндсэн чиглэлд тусгагдсан арга хэмжээг бүрэн хэрэгжүүлэх, Төв аймгийн Хөшигийн хөндийн олон улсын нисэх буудлын барилга байгууламжийн ажлыг эхлүүлэх, Монгол Улсын агаарын зайг бүхэлд нь харж удирдах боломжийг бүрдүүлэх зорилгоор шаардлагатай цэгүүдийг бодит ажиглалтын системээр нэмж тоноглох, олон улсын болон орон нутгийн агаарын шугамыг өргөтгөж, иргэний нисэхийн үйлчилгээг олон нийтэд илүү хялбар, хүртээмжтэй болгох чиглэлээр шаардлагатай арга хэмжээнүүдийг авч хэрэгжүүлэх, Олон улсын иргэний нисэхийн байгууллага ИКАО-ын аудит шалгалтаас өгөгдсөн зөвлөмж, үүрэг даалгаврыг хэрэгжүүлэх олон ажлыг зорилт болгон тавьж хэрэгжүүлэх гэж байна.
ИНЕГ түүний харъяа байгууллага, бидний ажлыг үргэлж дэмжин хамтран ажилладаг иргэний нисэхийн үйлчилгээ эрхлэгч байгууллага, төрийн болон хувийн хэвшлийн агаарын тээвэрлэгч МИАТ ХК, Аэромонголиа, Изинис, Тэнгэрийн улаач-шинэ, Моннис эйрсервис, Блю скай, Геосан, МАК нисэх компаниуд болон “Нислэгийн удирдагчдын холбоо”, “Агаарын тээвэрлэгчдийн холбоо”, “Нисэх буудлуудын холбоо”, “Залуучуудын холбоо”, Үйлдвэрчний эвлэлийн байгууллага болон бусад төрийн бус байгууллагын хамт олон Та бүхэнд шинэ оны мэндийн хүргэхийн ялдамд 2011 ондоо өмнөө тавьсан зорилтоо амжилттай хэрэгжүүлж, иргэний нисэхийн салбараа хөгжүүлэх их үйлст хувь нэмрээ оруулж, мэлмий тунгалаг ухаан тэнүүн, ажил үйлс нь өөдрөг байхын өлзийтэй ерөөлийг дэвшүүлье.

ИНЕГ-ЫН ДАРГА С.БАТМӨНХ

МЗХ-ны шагналаар шагнагдлаа

2010-12-26T20:48:00.000-08:00

2010-2011 он солигдох мөч Шинэ жилийн баярыг тохиолдуулан ИНЕГ, түүний харъяа алба, салбаруудын ажил хөдөлмөрөөрөө тэргүүлсэн 12 залуу ажилтныг Монголын Залуучуудын Холбооны дээд шагнал “Тэргүүний залуу” алтан медалиар шагналаа.

1. Сумьяагийн Батхуяг. ИНЕГ-ын Тамгын хэлтсийн мэргэжилтэн
2. Батхуягын Алтантуяа. ИНЕГ-ын НБҮГ-ын Мэргэжлийн хэлтсийн ахлах мэргэжилтэн
3. Бат-Өлзийгийн Үүрцайх. ИНЕГ-ын Санхүүгийн хэлтсийн ня-бо
4. Дамдинсүрэнгийн Содцэцэг. ИНЕГ-ын Архивын арга зүйч мэргэжилтэн
5. Нармандахын Мөнхжаргал. НААХЗА-ны аудитор
6. Энхтөгсийн Мөнхцэцэг. "Чингис хаан" ОУБ-ын Ахлах зохицуулагч
7. Ганбатын Өлзийбаяр. "Чингис хаан" ОУБ-ын Шалгагч харуул
8. Хандаа Мөнхтөр. НХҮА-ны Нислэгийн удирдагч
9. Түдэвийн Сутай. ХНБАҮА-ны Тасгийн ахлагч
10. Жүгдэрнамжилын Баттунгалаг. НМҮА-ны Өгөгдлийн сангийн инженер
11. Дэлгэрдалайн Нямдаваа. ГТҮА-ны мэргэжилтэн
12. Эрдэнэтуяагийн Жаргал. ОХЛ-ын Чанарын менежер

Шагналыг ИНЗХ-ны тэргүүн Н.Лувсанжамбаа гардуулав.

Ажилтны урлагийн наадмын шилдэг авьяастнуудын нэгдсэн тоглолтоос...

2010-12-08T00:34:00.001-08:00

ХНБАҮА-ны инженер Д.Батцэнгэл. 2010 он

Мэндчилгээ

2010-10-18T23:31:00.001-07:00

Олон Улсын Нислэгийн Удирдагчдын өдрийг тохиолдуулан Нийт нислэгийн удирдагч залуустаа ажлын өндөр амжилтыг хүсэн ерөөе !

Иргэний нисэхийн залуучуудын холбоо

Архины Хорын тухай

2010-10-05T01:29:00.000-07:00

Архины хорын тухай Бурханы шашинд

"Архинд алгасрагч аливаа хүн

Амьд боловч үхсэнтэй адил" гэсэн байдаг бөгөөд

27 зүйл гэм хор байдгийг сударт номлосноос дор дурьдваас:

1. Энэ насандаа эд мөнгөө барах

2. Эмгэг өвчинд баригдах

3. Хэрүүл тэмцэл үүсгэх

4. Хэрэггүйг шохоорхох

5. Сайналдраа доройтуулах

6. Саруул ухаан нь хомсдох

7. Олох байсан олзоо алдах

8. Олсон ашгаа сүйтгэх

1. Задалж болшгүй нууцаа задлах

2. Заяа буян нь алсдаа доройтох

3. Ид чадал нь мөхөстөх

4. Эцгээ үл элбэрэх /хайрлах/

5. Эхээ үл элбэрэх /хайрлах/

6. Буянтныг үл тоох

7. Ухаантныг үл бишрэх

8. Дээдсийг үл хүндлэх

9. Авралт бурханд үл мөргөх

10. Ариун номонд үл итгэх

11. Ачит хуврагт үл мөргөх

12. Үнэн сурталтан, зөв явдалтныг тээршаах

13. Үргэлж ёс цалхайрах

14. Сэрэл мэдрэлээ үл хянах

15. Сэрэмжээ алдан шалиглах

16. Хань нөхөддөө хаягдах

17. Хамаг олонд жигшигдэх

18. Хавь ойрт үл нийцэх

19. Ном бусыг эдлэх

20. Ёс бусыг дээдлэх

21. Эрхэм сайныг үүрд тэвчих

22. Ичгүүр сонжуурыг үүрд гээх

23. Уруу татагчтай нийлж, ухаант мэргэдээс зугтах

24. Алгасрангуй бөгөөд арчаагүй болох

25. Ариун сургаалд үл орох

26. Ашдын амгалан, гэгээрлээс холдох

27. Согтуурч, хөлчүүрэн үйлийн үрээр элий балай эгнэгт оюун тодорхой бус болюу гэжээ.

“Залуучууд бүтээн байгуулалтын ажилд оролцох хэрэгтэй”

2010-08-27T02:32:00.000-07:00

Залуучуудын байгууллага 1921 онд "Бошгыг халах залуучуудын эвлэл" нэртэйгээр ажлаа эхэлсэн түүхтэй.

Монголын залуучуудын хөдөлгөөн үүссэний 89 жилийн ой энэ жил тохиож байна. Ойг тохиолдуулан өнгөрөгч 23-ны өдрөөс эхлэн Монголын залуучуудын холбоо цуврал аяныг зохион байгуулав. Түүний нэг нь олон улсын хүүхдийн "Найрамдал" зусланд хийсэн ахмадуудын уулзалт байлаа. Уулзалтад залуучуудын байгууллагын үе үеийн ахмад ажилчид ирлээ. Ирэх жил залуучуудын байгууллагын 90 жилийн ойг угтан энэ жилээс эхлэн жилийн хугацаанд залуустаа зориулсан ямар ажил хийж болох талаар ахмадуудын санал, шүүмжлэлийг энэ уулзалтаар ярилцлаа.

Энэхүү арга хэмжээг орон даяар нэг өдөр нэг цагт тэмдэглэж байгаа аж. Уулзалтад ирсэн ахмадуудад залуу үе ирээдүй минь түүхээ мартаж, уламжлалаа хадгалж чадахгүй байна хэмээн халаглах буурал олон байлаа. Энэ үеэр зарим нэг ахмадтай уулзаж тэдний бодлыг хуваалцсан юм.

Төрийн соёрхолт ардын уран зохиолч Т.Галсан: МАНЖИД УУССАН МОНГОЛЫН ТҮҮХИЙГ ДАВТАХ НЬ

-Залуустаа уриалж таны хэлэх дуртай үг юу вэ?
-Уулзалтад оролцож байгаа минь энд хурсан ахмадууд бидний хувьд таатай байна. Мөр зэрэгцэн ажиллаж байсан ахмадуудтайгаа уулзаж ярилцах боломж бидэнд тийм ч амархан олддоггүй юм шүү. Уриалах гэхэд ч бас биш юм. Ер нь залуучуудаасаа хүсэх юм байна. Одоогийн залуусыг харж байхад хөгжөөд ч байгаа юм шиг хэрнээ бас сөнөх гээд байх шиг. Оюуныхаа хүчээр ихийг бүтээж байгаа залуус байна аа. Улс орныхоо нэрийг ч дэлхийд цуурайтуулж чадаж байна. Гэхдээ аливаа улс үндэстний бусдаас ялгарах гол соёл нь эх хэл нь байдаг. Гэтэл манай залуус харь хэлийг ихэд шүтэх болжээ. Эх хэлээ мартвал Монгол Улс мөхнө. Миний эмзэглэл бол залуус хэтэрхий их харь хэлийг шүтээд манжид ууссан Монголын түүхийг давтах вий гэсэн бодол юм. Манайхан залуучуудын сонин гаргавал түүнд нь эх хэлний нэг булан байх хэрэгтэй. Хэрвээ тэгвэл би тэр буланг нь дандаа үнэгүй хөтөлж өгөх болно. Мөн залуусын эх хэлний мэдлэгийг хөгжүүлье гэвэл "Утгын чимэг" зэрэг наадмыг жил бүр залуучуудын дунд зохион байгуулах хэрэгтэй юм.

СТА, сэтгүүлч, яруу найрагч, Б.Цэдэндаш: "ЗАЛУУЧУУДЫН ҮНЭН" СОНИНГ СЭРГЭЭХ ХЭРЭГТЭЙ БАЙНА

-Залуусаа хөгжүүлж, чадваржуулахад яах хэрэгтэй вэ?
-Би 51 жил сэтгүүлч хийлээ. Түүний 17-д нь цэргийн сэтгүүлч байсан. Одоо хашиж байгаа алба минь Залуучуудын холбооны ахмад ажилтны зөвлөлийн тэргүүн, Чингис хааны нэрэмжит дэлхийн академийн жинхэнэ гишүүн.

Миний мэргэжил сэтгүүлч болоод ч тэр үү би "Залуучуудын үнэн" сонинг дахин сэргээх хэрэгтэйг энд хэлмээр байна. Анзаарч байхад хүүхдийн ном зохиол, сэтгүүлүүд нэлээд гардаг болж. Тэгсэн хэрнээ залуучуудынх гэсэн тодотголтой ажил бага хийгдэж байна. Тиймээс ядаж энэ сонинг дахин сэргээвэл залуусын талаар мэдээ нийтлэл гарч, тэднийг аливаа ажилд татан оролцуулахад ч бас тустай шүү дээ.

-Сая Т.Галсан гуай залуучуудын сонин гаргавал эх хэлний булан хөтөлнө гэсэн. Та харин сониндоо хэрхэн хувь нэмрээ оруулах вэ?
-Надад маш их баян материал байна. 1960-аад оны эхэн үеүдэд би "Залуучуудын үнэн" сонинд ажиллаж байлаа. Гурван жил ажилласан. Тэр үеийн сонин хачин материалууд, тэр үеийн мундаг зохиолч, сэтгүүлчдийн ч материал байна. Манай залуучуудын байгууллагын түүх намтарыг ч бичиж болно шүү дээ.

Ахмад Ж.Бадраа : ЗАСГИЙН ГАЗРЫН ДЭРГЭДЭХ ЗАЛУУЧУУДЫН БАЙГУУЛЛАГА ХЭРЭГТЭЙ БАЙНА

-Төрийн дэмжлэг залууст дутагдаж байна гэдэг. Таны бодлоор энэ хэр үнэний ортой үг вэ?
-Тийм шүү. Манай залууст төрөөс дэмжлэг дутаж байгаа нь үнэн. Гэвч тэд хөгжиж, дэвшиж байна. Гэхдээ бас манай улс залуусынхаа хүчийг бүрэн ашиглаж чадахгүй байх шиг. Биднийг залуу байхад улс орны бүтээн байгуулалт, батлан хамгаалах ажилд дандаа залуус оролцдог байсан. Би Монголын хувьсгалт залуучуудын эвлэлийн төв хорооны II нарийн бичгийн даргын албыг хашиж байлаа. Өнөө үед залуучуудын байгууллага ч тэр залуусыг ийм ажилд татан оролцуулж чадахгүй байна.

Надад ийм саналууд байна. Юуны түрүүн залуучуудыг хөгжүүлж, тэднийг улс орны аливаа ажилд томилоход хамгийн дөхөм болох зүйл нь хууль. Залуучуудын хуультай болъё гэсэн асуудал эртнээс яригдаж байсан. Гэвч биелэлээ олж батлагдалгүй байсаар байна. Энэ хуулийг батлуулахад залуусын оролцоо хэрэгтэй. Хамгийн наад зах нь гарын үсэг зурсан өргөдөл гаргаж болно.

Дараагийнх нь гэвэл Засгийн газрын дэргэдэх залуусын байгууллага байх хэрэгтэй юм. Тэгвэл тэд бүтээн байгуулалтын ажилд хэрхэн оролцох талаар төр, олон нийттэй илүү ойр харилцах болно. Монгол Улс залуу хүн амтай орон гэх атал сүүлийн үед залуучууд нь улс орныхоо хамгийн том асуудал болж байгаа нь зүйд нийцэхгүй. Хуультай, засгийн газрын дэргэдэх байгууллагатай болгохын тулд тэднийг дэмжиж туслаад өгөөч гэж албан ёсоор дээд газруудад шаардлага тавьж, баталгаажуулах хэрэгтэй байгаа юм.

Ахмад Д.Шагдаржав: ЗАЛУУЧУУДЫН ЭВЛЭЛИЙН УТГЫГ ОДОО Л ОЙЛГОЖ БАЙГАА ЮМ ШИГ БАЙНА
(Баянхонгор аймгийн залуучуудын эвлэлийн I нарийн бичгийн дарга байсан)

-Энэ уулзалтад ирээд хүмүүсийн яриаг сонсоод байхад залуучуудын эвлэлийн утгыг одоо л ойлгож байгаа юм шиг байна. Залуучууд тийм юм хийлээ. Одоо тийм юм хийхээр төлөвлөж байна гээд л. Гэвч ярихаасаа хийх нь чухал. Миний амнаас ч болохгүй үг их гардаг юм шүү. Хүн болгон магтаад л байх шиг байна. Гэхдээ манай залуучуудын байгууллага бүтээн байгуулалтын ажилд огт оролцохгүй байна. Энд тэнд хөнгөн шингэн ажил хийгээд л яваад байх шиг санагдаж байна. Залуучуудын байгууллага чинь төрийн бус байгууллага биш. Иргэн, олон нийтийн байгууллага юм. Төрийн бус гэхээр хуульд хамаарахгүй гэж ойлгогдоод нэг л болохгүй байгаа юм. Нэг үгээр хэлбэл, хуулийг сахихгүй гэсэн утгатай байх шиг. Биеийн амрыг харсан ажил хийснээс бүтээн байгуулалтын ажилдаа сайн оролцох хэрэгтэй. Мөн байгаль экологийн асуудалд ч анхаарал тавих нь чухал юм. Залуучуудын цэцэрлэг гээд том ногоон байгууламжтай болчихвол хийсэн ажилтай, хэлэх үгтэй харагдана.

Ж.Солонго http://www.niigmiintoli.mn/

2070 оноос ирсэн захиа энийг уншихад бас эвгүй л санагдлаа Эх дэлхийгээ хайрлая ...

2010-08-25T03:24:00.000-07:00

Өнөөдөр 2070 он. Би одоо 50 настай боловч яг л 85-тай хүн шиг харагддаг. Учир нь би өдөртөө ердөө дэвтээх төдий хагас аяга ус уудаг. Надад амьдрах хугацаа тун бага үлдсэн гэж бодож байна. Манай хүүхдүүд намайг буянтай нэгэн учраас ийм өндөр насалсан гэцгээдэг.
Намайг таван настай байхад дэлхий огт өөр байсан. Хүмүүс цэцэрлэгт хүрээлэн, ой шугуй, тал хөндийгөөр зугаалж, айлын хашаанд өвс ногоо ургаад л. Би хүссэн хугацаагаараа усанд хэвтэж, шүршүүрт ордог байлаа. Тухайн үед "Усаа гамна" гэдэг анхааруулгыг газар сайгүй харж байсан ч бусдын адил тоодоггүй байв. Усыг хэмжээ хязгааргүй хэрэнлэсээр л байсан.
Аав урт резинэн хоолойгоор ус шүршээд л машинаа угаадаг байсныг санаж байна. Харин одоо бид биеэ цэвэрлэхдээ эрдэсжүүлсэн тос түрхээд чийгтэй алчуураар нямбайлан арчдаг. Үс, сахлаа ч гэсэн усгүйгээр арчилж, цэвэрлэдэг. Бид өмссөн хувцсаа хаях хүртлээ хэзээ ч угаадаггүй. Хүүхдүүд ус гэдэг чандмань эрдэнээс илүү үнэтэй, тоглож болохгүй гэдгийг маш сайн мэддэг.
Өнөөдөр гол горхи, булаг шандны оронд хуурай сайр үргэлжилж, гүний ус байхгүй болсон. Мод, өвс, ургамал гэж үгүй болсон. Бороо ч орохгүй. Мөн өвөл, зун, хавар, намар гэж улирал байдгийг өнөөгийн хүүхдүүд мэдэхгүй. Тэд төсөөлж ч чадахгүй. Дэлхий өнөөдөр эргэж сэргэхгүй, хязгааргүй цөл болсныг би харж сууна Хүмүүс ажлынхаа хөлсөнд алт, алмас эрдэнэ биш, ус авахыг илүүд үздэг.
Энэ хуурай, халуун ертөнцөөс болж хорин настай цэл залуухан охин минь эгээ л 40 настай юм шиг харагддаг. Бидний хэрэглэж буй хоол хүнсий 80 хувь нь химийн гаралтай бүтээгдэхүүн. Манай цаг үеийн суут эрдэмтэд, судлаачид усыг ч гэсэн химийн аргаар гаргаж авахаар ажиллаж байгаа боловч ямар ч үр дүнгүй байгаа. Бид усыг үйлдвэрлэж чадахгүй нь. Миний багад хүмүүс алт, алмас эрдэнэ, газрын тосны төлөө дайтаж, бие биенээ хяддаг байсныг санаж байна. Харин өнөөдөр өчүүхэн хэмжээний цэвэр усны нөөцөө хамгаалах гэж мянга мянган хүний амь эрсдэж байгаа цаг.
Нэг удаа охин минь "Таны багад дэлхий ямар байсан бэ?" хэмээн асууж билээ. Би түүнд зуны турш бороо орж, өнгө өнгийн цэцэгс алаглан, ногоон навч, шилмүүсээр гоёсон чилгэр моддоор дүүрэн ойд төрөл бүрийн амтат жимс ургадаг тухай, цэлэлзсэн тунгалаг нуур, загас жараахай нь сүлэлдсэн голын талаар, хүмүүс усыг хүссэн хэмжээгээрээ хэрэглэж болдог байсныг ярьж өглөө. Мөн хүмүүс нь ямархуу эрүүл, чийрэг, үзэсгэлэнтэй байсныг ярихаа ч мартсангүй.
Гэтэл охин маань "Тэр сайхан дэлхий яагаад ийм болчихсон юм бэ?" гээд л шалгааж байна. Энэ асуултын хариултыг хэлэхэд надад аймшигтай байсан. "Усыг гамтай хэрэглэх талаар мянга, мянган сануулгыг тоодоггүй хүмүүсийн нэг нь би байсан" гэж хэлэх амар байгаагүй. Тэр сайхан үзэсгэлэнт дэлхий яагаад ийм болсныг, хэн энэ бүхнийг өөрчилснийг тайлбарлахад хэцүү байв. Бидний ухаангүй, тооцоогүй үйлдлийн төлөөсийг үр хүүхэд маань төлж байгааг хэлэхэд толгой эргэж билээ.
Тэр үед энэ бүхний буруутан нь би гэдгийг маш сайн ойлгосон. Болдог бол эргэж очоод, энэ бүхнийг хүмүүст ярьж өгөхсөн. Үргүй зарсан усаа гамнахсан. Ирээдүйдээ үр хүүхэддээ там болсон дэлхийг үлдээх гэж буйг нь сануулахсан.

Өгийнуур аялал. 2010.08.05-2010.08.07

2010-08-12T00:16:00.000-07:00

ИРГЭНИЙ НИСЭХИЙН ЗАЛУУЧУУДЫН ХОЛБООНООС “УБ –ХАРХОРИН – ХӨШӨӨТ ЦАЙДАМ – ӨГИЙ НУУР”
ЧИГЛЭЛЭЭР ЗОХИОН БАЙГУУЛЖ БУЙ ТОЙРОН АЯЛАЛЫН ТАЙЛАН

2010-08-05 өдөр буюу аялалын 1 дэх өдөр

Аялалд оролцогч гишүүд ИНЕГ-ын хурлын танхимд цуглаж тойрон аяллыг албан ёсоор нээж ИНЕГ-ын дарга С.Батмөнх нийт аялагч залууст хандан үг хэлж, аян замдаа сайн явахыг ерөөв.

Нээлтийн ажиллагааны дараа ИНЗХолбооны тэргүүлэгчид оролцогчидтой уулзалт хийж нийт 30 оролцогч гишүүдийг нэг багт 6 гишүүнтэйгээр 5 баг болгон зохион байгуулалтанд оруулснаар энэхүү аялал эхлэж оролцогчид автобусандаа суун замд гарлаа.

Ийнхүү тойрон аяллын эхний зогсоол болох “Элсэн тасархай”-н байгалийн үзэсгэлэнт газартай танилцан түр буудалж өдрийн хоол идэцгээлээ. Өдрийн хоолны дараа “Элсэн дээрх сумо” хөгжөөнт тэмцээн нийт аялагчдын дунд зохион байгуулж энэхүү тэмцээнд Б.Мандуухай ахлагчтай 3-р багийн тамирчин Х.Мөнхтулга (ЧХОУНБ) түрүүлснээр аялагчид цааш замдаа гарлаа.

Дараагийн зогсоол Хархорин- Эрдэнэ зуу.

Аялагчид явсаар “Хархорин -Эрдэнэ зуу” хийдийн түүхэн дурсгалт газар хүрэлцэн ирлээ. Манай аялагчид Эрдэнэ зуу хийдийн түүхэн дурсгалт газартай танилцаж эхэллээ. Мөн “АХА” түүхийн сэдэвт асуулт хариултын хөгжөөнт тэмцээнийг зохион байгуулж ялагчаар 1-р багийн гишүүн нислэгийн удирдагч Х.Мөнхтөр түрүүлсэн. Аялагчид замдаа гарлаа.

“Өгий нуур”-ын байгалын үзэсгэлэнт газар хүрэлцэн ирж Хатан өгий амралтын газарт байрлалаа. Аялагчид оройн хоолны дараа ядарцгаасан тул амрахаар боллоо.

2010-08-06-ны өдөр буюу аялалын 2 дахь өдөр
09.00 цаг болж өглөөний цайны цаг боллоо. Аялагчид ч гэсэн нилээн өлссөн бололтой бүгд эртлэн боссон байлаа. Өглөөний цайны дараа аялагчдад ИНЗХ-ны тэргүүлэгчид өдрийн үйл ажиллагааны хөтөлбөрийг танилцуулснаар аяллын 2 дахь өдөр эхэллээ.
Аялагчид завь хөлөглөн Өгий нууртай танилцлаа. Зарим нь нилээн хол явсан бол зарим нэг нь бүр байрнаасаа ч хөдлөхгүй доороо л эргээд байлаа.

Завиар давихсаар байтал нэг мэдхэд өдрийн хоолны цаг болжээ.
Өдрийн хоолны дараа аяллын хөтөлбөрийн дагуу аялагчид “Өгий нуур”-ийн байгалийн үзэсгэлэнт газартай танилцаж нуур тойрон явган аялал хийлээ.
Оройн хоолны дараагаар галын наадам хийж бүжгийн тэмцээн зохиож хөгжилдөцгөөлөө.

Амралтын цаг ч болж бүгд амрахаар явлаа.

2010-08-07 өдөр буюу аялалын 3 дахь өдөр
09.00 Өглөөний цайны цаг болж аялагчид цайндаа орлоо. ИНЗХ-ны тэргүүлэгчид өдрийн үйл ажиллагааны хөтөлбөрийг нийт аялагчдад танилцууллаа. Аялагчид замд гархаас өмнө байрласан газрын эргэн тойрныг цэвэрлэхээр гарцгаалаа. Их цэвэрлэгээний дараа аялагчид Хөшөөт цайдамыг зорин замдаа гарлаа.

“Хөшөө цайдам”-ын түүхэн дурсгалт газарт хүрэлцэн ирж түр буудаллаа.
Түүхийн дурсгалт газартай танилцаж аялагчид нийтээрээ зураг дарууллаа.
Өдрийн хоолны дараа аялагчдын дунд олс таталтын тэмцээнийг зохион байгуулж энэ тэмцээнд Н.Мөнхжаргал ахлагчтай 2-р баг түрүүллээ. Аялагчид цааш замд гарлаа. Аялагчид ИНЕГ-ын өмнөх талбайд хүрэлцэн ирж аяллыг хааж тус аялалын ахлагч Х.Бямбацогт үг хэлсэн.

Аяллын зургийн сангаас

Дэлхийн Залуучуудын өдрийн мэнд хүргэе !

2010-08-11T23:54:00.000-07:00

Дэлхийн залуучуудын өдөр өнөөдөр тохиож байна. Иргэний нисэхийн залуучууд Та бүхний ажилд тань амжилт, амьдралд тань эрүүл, энх сайн сайхан бүхнийг хүсэн ерөөе !

Ойн хүрээнд Иргэний нисэхийн залуучуудын холбооны зүгээс ойн өдрийг тохиолдуулан 2010.08.05-2010.08.07-ны өдрүүдэд Архангай аймгийн Өгийнуур чиглэлд тойрон аяллыг зохион байгуулж 30 залууг хамруулан амжилттай зохион байгууллаа. Мэдээллийг Та бүхэнд дэлгэрэнгүй хүргэх болно.

Мөн 2010.08.14-ний өдөр Монголын Залуучуудын Холбооноос зохион байгуулах явган аялалд Та бүхнийг өргөнөөр оролцохыг урьж байна. Аяллын хураамж 20.000 төгрөг.

Иргэний нисэхийн залуучуудын холбоо

НҮБ-ын Залуучуудын зөвлөх хороо

2010-08-01T18:49:00.000-07:00

НҮБ-ын дэргэдэх Залуучуудын Зөвлөх Хороо нь жил тутам гишүүдийн тодорхой хувийг шинэчлэх шаардлагад үндэслэн 4 хүртэл гишүүнийг шинээр сонгон шалгаруулж авах боллоо. Иймд Монголын хүүхэд, өсвөр үеийнхэн, залуучуудын дуу хоолой болж НҮБ-ын Залуучуудын зөвлөх хорооны гишүүнээр ажиллах сонирхол бүхий залуучууд та бүхнийг доор дурдсан шалгуурт нийцүүлэн зохих материалыг бүрдүүлэн ИНЗХ-оор уламжлан шалгаруулалтанд оролцохыг урьж байна.

НҮБ-ын дэргэдэх Залуучуудын Зөвлөх Хороо (ЗЗХ) нь НҮБ-аас Монгол Улсад хэрэгжүүлж байгаа бодлого, хөтөлбөрийн талаарх мэдлэг ойлголтыг хүүхэд, өсвөр үеийнхэн, залуучуудад хүргэх, мөн тэдгээр хөтөлбөрийн төлөвлөлт, хэрэгжилт, үнэлгээнд хүүхэд, залуусыг төлөөлөх, оролцоог хангах зорилготой залуусын сайн дурын, зөвлөх баг юм.

ЗЗХ нь одоогоор хүүхэд, залуучуудын байгууллагын төлөөллөөс бүрдсэн 15 гишүүнтэйгээр Монгол дахь НҮБ-ын төрөлжсөн байгууллагуудтай хамтран ажиллаж байна.

Тус хорооны удирдамжид заасанчлан жил тутам гишүүдийн тодорхой хувийг шинэчлэх шаардлагад үндэслэн 4 хүртэл гишүүнийг шинээр сонгон шалгаруулж авах боллоо. Иймд Монголын хүүхэд, өсвөр үеийнхэн, залуучуудын дуу хоолой болж НҮБ-ын Залуучуудын зөвлөх хорооны гишүүнээр ажиллах сонирхол бүхий хүүхэд, залуучууд та бүхнийг доор дурдсан шалгуурт нийцүүлэн зохих материалыг бүрдүүлэн шалгаруулалтанд оролцохыг урьж байна. Таныг Монголын залуусын төлөөлөл, дуу хоолой болон бидэнтэй хамтран ажиллаж, эх орныхоо хөгжил дэвшилд хувь нэмрээ оруулан ажиллана гэдэгт найдаж байна.
Шалгаруулалтанд оролцогч нь дараах шаардлагыг хангасан байна. Үүнд:

* Хүүхэд, залуучууд болон хөгжлийн чиглэлээр ажилладаг төрийн болон төрийн бус байгууллагын ажилтан, гишүүн байх
* Хүүхэд залуусын хөгжлийн асуудлаар тодорхой ойлголт мэдлэгтэй, энэ чиглэлээр цаашид ажиллах сонирхолтой
* ЗЗХ-ны үйл ажиллагаанд идэвхитэй оролцож, залуучуудын дуу хоолой, төлөөлөл болон ажиллах чадвартай, чин хүсэл эрмэлзэлтэй байх
* Долоо хоногт дунджаар 3 цагийг ЗЗХ-ны ажилд зарцуулах боломжтой
* Өөрийгөө хөгжүүлэх хүсэл эрмэлзэлтэй
* Шалгаруулалтын хугацаанд 15-24 настай байх
* Англи болон бусад хэлний бичгийн болон ярианы зохих чадвартай байх

Шалгаруулалтанд бүрдүүлэх материал:

* ЗЗХ-ны гишүүнд нэр дэвшүүлж буй тухайн байгууллагын албан тодорхойлолт, өөрийн хүсэлтээ илэрхийлсэн захидал,
* Нэр дэвшигчийн анкет /Загварын дагуу/
* “Мянганы хөгжлийн зорилтуудыг хэрэгжүүлэхэд миний оруулах хувь нэмэр” 500-1000 хүртэл үг бүхийэссег Англи хэлээр бичиж ирүүлэх
* Өөрийн давуу талыг тодорхойлох бусад нэмэлт материалуудын хуулбар /хүлээн авсан материалыг буцаан олгохгүй болно/

Материал хүлээн авах хугацаа:
ЗЗХ-нд нэр дэвшигчийн материалыг хүлээн авах эцсийн хугацаа 08 дугаар сарын 06-ны өдөр бөгөөд материалыг бүтээмжилсэн уутанд хийж хүлээн авах газрын нэрийг НҮБ-ын Залуучуудын Зөвлөх Хороо гэж тодорхой бичнэ.Бүрэн гүйцэт материалыг НҮБ-ын харуулын байранд байрлах ЗЗХорооны нэр, лого бүхий хайрцаганд хийх эсвэл шуудангийн хаягаар хүргүүлнэ.

* НҮБ-ын ЗЗХ-ны зорилго, үйл ажиллагааны тухай дэлгэрэнгүй мэдээлэл болон бөглөх анкетыг энд дарж цахим хэлбэрээр авна уу.
* Шалгаруулалтын материалыг дугтуйлан харилцах нэр, утас, хаягийг тодорхой бичиж, НҮБ-ын ЗЗХ-нд шуудангаар болон биечлэн хүргүүлнэ.
* Хүлээн авсан материал болон ярилцлагад үндэслэн сонгон шалгаруулалтыг зохион байгуулна.
* Хорооны гишүүдийг сонгон шалгаруулахдаа хүйсийн тэнцвэртэй байдал, нийгмийн бүх төлөөлөл, тэдний ялгаатай байдлыгхамруулсан байхыг эрхэмлэнэ.
* Шалгаруулалтын тухай мэдээллийг www.yap.mn веб сайтаар болон утсаар мэдээлнэ.

Монгол дахь Нэгдсэн Үндэстний Байгууллагын ЗАЛУУЧУУДЫН ЗӨВЛӨХ ХОРОО

Монгол улс, Улаанбаатар хот, Сүхбаатар дүүрэг 1-р хороо,
Г.Чагдаржавийн гудамж - 9, Орейнт плаза
Улаанбаатар -14210, Монгол улс
Утас: 323365-151, 88404117, 91992660
Факс: 976-11-353502, 976-11-327313
Э-шуудан: contact@yap.mn
Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй. , Веб хуудас: http://www.yap.mn

http://www.yap.mn/

Сайхан наадаарай

2010-07-09T00:00:00.001-07:00

Нар асгарч хур тэгширсэн, найр хөгжиж, хуур уянгалсан монгол наадам айсуй. Эх дэлхийд түүхээр гайхуулсан Их Монголын 804 жил, Ардын хувьсгалын 89 жилийн ойн их баяр наадмын мэнд хүргэе. Эр бяраараа эзэн нь байж, эрмэг хурдаараа эрэлхэг нь байж, эрхий мэргэнээрээ түрүүнд нь байж, дэлгэр зуны налгар талдаа дэнж хотойтол сайхан наадаарай

Ховд НБ

2010-07-03T01:07:00.000-07:00

Тэргүүлэгчид хуралдав

2010-06-03T02:08:00.001-07:00

ИНЗХ-ны тэргүүлэгчид 2010.06.03-ны өдөр ээлжит хурлаа хийв. Хурлаар дараах асуудлуудыг хэлэлцэв.
1. Залуучуудын холбооны урилгаар хүрэлцэн ирэх БНХАУ-ын залуучуудын төлөөллийг хүлээн авах асуудлыг хэлэлцэв.
2. Байгаль орчноо хайрлан хамгаалах, чөлөөт цагийг зөв боловсон өнгөрүүлэх, залуусыг хооронд нь танилцуулах, ажил мэргэжлийг сурталчлах зорилгоор эх орны байгалийн үзэсгэлэнт газраар залуусыг аялуулах ажлыг зохион байгуулах ажлын хэсгийг томилов.
3. ИНЗХ-ны нарийн бичгийн даргыг томилов.

ИНЗХ

Мэндчилгээ

2010-05-25T03:46:00.000-07:00

Монгол Улсад Нисэх хүчин үүсч хөгжсөний 85 жилийн ой, Иргэний агаарын тээвэрчдийн өдрийг тохиолдуулан Иргэний нисэхийн нийт залуустаа ажил, амьдралын арвин их амжилт, эрч хүчийг хүсэн ерөөе !

Иргэний нисэхийн залуучуудын холбоо

ИРГЭНИЙ НИСЭХИЙН ЗАЛУУЧУУД МОД ТАРИВ

2010-05-17T01:54:00.000-07:00

Мод тарьцгаая !

2010-05-04T20:25:00.000-07:00

Солонгосын “Korea air“ компани болон Иргэдийн мэдээллийн төвийн ивээн тэтгэлгээр явагдаж байгаа “Зүүн Азийг цөлжилтөөс хамгаалах” төслийн хүрээнд Багануур дүүрэгт мод тарихаар болж сүүлийн жилүүдэд ажил болгож байгаа билээ. Уг ажилд ”Korea air” компаний залуу боловсон хүчнүүд ирж гар бие оролцдог ба энэ ажил энэ хавар мөн үргэлжлэх юм.

Албан байгууллага, аж ахуйн нэгж болон иргэд сайн дураараа энэ арга хэмжээнд нэгдэн ажилладаг ба Иргэний нисэхийн залуучуудын холбоо энэ жил мөн хамтран ажиллах юм.

2010.05.11-ний өдөр ИНЗХ-ноос 28 залуу мод тарих ажилд оролцох юм.

Энэхүү ажил дөрөв дэх жилдээ явагдаж байгаа бөгөөд өнгөрсөн жил тарьсан моднуудын ургалт, арчилгаа сайн байгаа ажээ.

ТХА-ны Мэндчилгээ

2010-04-15T18:35:00.000-07:00

Олон улсын эмэгтэйчүүдийн баярыг тохиолдуулан ТХА ба НХҮА-ны бүх эмэгтэйчүүддээ баярын мэнд хүргэж элгээрээ энх тунх , төрлөөрөө түвшин амгалан хань ижлээ хүндлэж ,хамт олныхоо дунд нарыг ичээх инээд дүүрэн цоглог алхалж яваарай ! гээд ТХА-ны бүх эрчүүдийн өмнөөс бидний дундаас төрөн гарсан шинэ дуугаараа мэндчилж байна .
жич: Энэ дууг (Гэр бүлийн радиогийн FM-104,5мГц_ийн долгион) -оор 3/7нд 19:05 , 3/8нд 07:09 , 10:40 , 16:40 цагуудад хүлээн авч сонсоорой! Та бүхэн сайхан баярлаарай !

-Монгол бүсгүй-

үг,ая (nav/enjineer) : Д.Батцэнгэл

Уудам дэлхийг хайраар бүүвэйлээд
Удам залгах үрийн заяатай
Учралт ханиа дээдлэн хүндэлсэн
Ухаан саруулхан монгол бүсгүй!
Алдаж бүдэрхэд урваж буцаагүй ээ!
Амраг ханиа аргадаж энхрийлсэн
Хорвоог уяраах нууцхан увидастай
Ханийн заяатай монгол бүсгүй!
Д:Босоо хийморьтой монгол хүүтэйгээ
Борхон зүрхний халуухан амьтай!
Амьдрал жаргалын саруулхан гэрэлтэй
Ариухан сэтгэлтэй монгол бүсгүй!
Үйлийн хатгамалд ураа гайхуулаад
Үрийнхээ дээлийг шаглаж л суугаа
Үлэмжийн чанар төгс бүрэлдсэн
Үнэн ч хань минь монгол бүсгүй!
Д:Удаан жаргалыг хайраар тэтгэсэн
Уран гоолиг монгол бүсгүй!
Түмнийхээ заяанд санаа нь зовохдоо
Төрийнхөө хүүтэй мөр зэрэгцэх юмаа
Мандухай хатан ээжийн бодолтой
Монгол эрийн эрдэнэ бүсгүй!
Д:Түвдэнгийн Бор шиг эрэлхэг зоригтой
Түмний ээжүүд монгол бүсгүй !

“ ОЛТУГА –ийн дурсамж”

2010-04-15T18:33:00.000-07:00

үг,ая:ИНЕГ ТХА-ны Навигацийн хэсгийн инженер :
Дамдинбазарын Батцэнгэл

ОЛТУГА-д бидний хүндтэй нэгэн , Галина Сергеевна ээж минь байлаа
Олон монгол курсантын аав нь , Юрий Николаевич Юндэн байлаа!
Орос курсантуудыг жагсааж командлаад , Омог бардам дэмбель явлаа
Ээддээ! тэрхэн залуу нас минь! , Эртэй , зоригтой , жавхаатай ч байждээ
Орсын хөвгүүдийн тэргүүнд зэрэгцэж , Сурлага спортын од нь байлаа
Улсынхаа нэрийг өндөрт өргөөд , Урлагийн тайзнаа дуулж л явлаа
Шинэхэн шинель ээ цээжээр дүүргэсэн , Сэргэлэн нэгээрээ бахархаж л явлаа
Шилдэг хэдэн курсант байлаа , Сэтгэл нийлээд пижигнэж явлаа!

Д:Хархан шинелтэйгээ фуражки хослуулж
Хамгаас содон алхалж л явлаа!
ОЛТУГА ОЛТУГА ОЛТУГА
Энэ бол бидний курсант-ын амьдрал!

“ХБ” өмсөж хэрэндээ л гангараад , Хэцүүхэн хэдэн курсантууд байлаа
Пол дэмбель! , Дэмбель ээ! хүндэлдэг , Под хийсэн Салаак явлаа!
Аэропортын хашааг хөнгөхөөн даваад , Ажилчдын гуанзанд тансаглан суучихаад
Дежүүрийн ахлагчаас нуугдаж бултаад , Даанч их будилаж , хөглөдөг байждээ
Эрхүүгийн өвөл шиг тэсгэм хүйтэнд , Ертышийн эргээр малгайгүй алхахад
Ээж шиг санагдсан сайхан сэтгэлтэй , Орсын эмээдээ загнуулж л зогссон
“Ахан дүүс”-ийн дуун дээр гардаг , Өвөөгийн найз Ивантай танилцахад
Амьдралаа дэлгээд өвгөн найз минь! ,“Соколов…”маягаар водка барьж билээ!..

Д: Хөөрхөн охидын сэтгэлийг татсан
Харц дээгүүр алхалж л явлаа!
Омичи! Омичи! Омичи!
Энэ бол бидний Омск-ийн амьдрал !

Гэнэн цайлган сэтгэлээр дотносож , Гэмгүй үерхсэн сайхан найзууд минь
Насан туршдаа санан дурсдаг , Нандин бүхэн эндээс л эхэлсэн
Удах тусмаа нэгнээ үгүйлж , Уяхан сэтгэл минь хөөрөх л юмдаа!
Эргэж уулзахын ерөөлөөр дүүрэн , Энэхэн хундгаа өргөн тулгая даа! ….

Д:Хархан шинелтэйгээ фуражки хослуулж
Хамгаас содон алхалж л явлаа!
ОЛТУГА ОЛТУГА ОЛТУГА
Энэ бол бидний курсант-ын амьдрал!
Хөөрхөн охидын сэтгэлийг татсан
Харц дээгүүр алхалж л явлаа!
Омичи! Омичи! Омичи!
Энэ бол бидний Омск-ийн амьдрал !

( 2010:01:23 24:30_д бичив.)

Хамтран ажиллах гэрээ байгуулав.

2010-04-08T05:25:00.001-07:00

ИНЕГ, ИНЗХ-ны хооронд хамтран ажиллах гэрээг байгуулав.

Энэхүү гэрээний зорилго нь Залуучуудын хөгжлийг дэмжих үндэсний хөтөлбөр хэрэгжилтийг эрчимжүүлэх, залуучуудын эрүүл мэндийг хамгаалах, нийгмийг асуудлыг нь шийдвэрлэх, халамж үйлчилгээ, хөнгөлөлт үзүүлэх, дадлага туршлага эзэмшүүлэх, салбарын залуучуудын байгууллагын ажлыг дэмжихэд оршино. ИНЗХ-оос хэрэгжүүлэх арга хэмжээний төлөвлөгөөг тэргүүлэгчдээрээ хэлэлцэж баталсан ба энэхүү төлөвлөгөөний хэрэгжилтэд дээрх гэрээний ач холбогдол нэн чухал ба төлөвлөгөөний хэрэгжилтийг холбооны зүгээс жил бүр ИНЕГ-т тайлагнаж гэрээгээ дүгнэж явах юм.

Залуус Та бүхэн ИНЗХ-ны хэрэгжүүлэх арга хэмжээний төлөвлөгөөтэй танилцахыг хүсвэл өөр өөрийн байгууллага дээрх ИНЗХ-ны тэргүүлэгчдээ хандан танилцаж, холбооны бодлого, үйл ажиллагаанд идэвхитэй оролцох боломж нээлттэй байна.

ИНЗХ

Уриалга

2010-04-08T05:15:00.000-07:00

Нислэгийн мэдээлэл хангалтын албаны нисэхийн мэдээллийн эмхтгэлийн мэргэжилтэн Ч.Ганбат нь 2001 оноос эхлэн Иргэний нисэхийн салбарт 9 дэх жилдээ ажиллаж байгаа манай тэргүүний залуу ажилтнуудын нэг билээ. Ч.Ганбат нь эхнэр, 2 хүүхдийн хамт амьдардаг бөгөөд 2005 оноос эхлэн хүндээр өвчилж эхэлсний улмаас 2006 онд өөрийн эхийг донор болгон авч улсын клиникийн төв эмнэлэгт бөөр шилжүүлэн суулгах мэс засалд орсон байна.

Гэвч шилжүүлэн суулгасан бөөр нь 2009 оноос эхлэн ажиллагаагүй болсон тул түүний эцэг донор болж дахин бөөр шилжүүлэн суулгах хагалгааг БНСУлсад 2010 оны 4 дүгээр сарын 15-аас хэтрэлгүй хийлгэх, түүний эмчилгээний зардалд 70 000 - 80 000 ам.доллар шаардлагатай байгаа юм.

Ч.Ганбатын гэр бүл нь эмчилгээний зардлын гуравны нэг хувийг одоогийн байдлаар бүрдүүлсэн байна.

Иймд Ч.Ганбатад амьдрал хайрлах ариун үйлсэд мэргэжил нэгт та бүхэн сайн санааны хандив үзүүлж, тусламжийн гараа сунгахыг ИНЗХ-оос уриалж байна.

Хандив тусламж үзүүлэхийг хүсвэл ИНЗХолбоо болон өөрийн байгууллага дээрх залуучуудын холбооны тэргүүлэгчид хандаж болно.

Сайн үйлс дэлгэрэх болтугай !

Иргэний нисэхийн залуучуудын холбоо

ИНЗХ-ны тэргүүлэгчид ИНЕГ-ын даргатай уулзалт зохион байгууллаа:

2010-04-02T05:18:00.000-07:00

ИНЕГ-ын дарга С.Батмөнх 2010 оны 4 дүгээр сарын 01-ний өдөр Иргэний нисэхийн залуучуудын холбооны тэргүүлэгчдийг хүлээн авч уулзав.

Уулзалтын үеэр ИНЗХ-ны тэргүүн Н.Лувсанжамбаа Иргэний нисэхийн ерөнхий газрын даргаар дахин томилогдсонд баяр хүргэж, холбооны хийсэн ажлын тайланг ИНЕГ-ын дарга С.Батмөнхөд гардуулан цаашид хийх ажлын талаар болон хамтын ажиллагааны талаар санал солилцлоо.

ИНЕГ-ын дарга салбарын үйл ажиллагаанд болон удахгүй болох ИКАО-гийн аудит үзлэгт залуучуудын оролцоо чухал болохыг онцолж, аудит шалгалтад өөр өөрсдийн ажил мэргэжлийн чиглэлээр бэлтгэлээ сайтар хангаж, амжилттай шалгагдах, энэ талаар анхаарч ажиллахыг хүслээ.

Уулзалтын дараа ИНЕГ-ын дарга С.Батмөнх ИНЗХ-ноос тавьсан хамтран ажиллах санал, хүсэлтийг судлан үзэж, дэмжин ажиллахаа илэрхийлэв.

Инээдмийн баярын мэнд !!!

2010-03-31T23:51:00.000-07:00

Сайн санаат, сайхан сэтгэлт хүмүүст:

2010-03-25T20:15:00.000-07:00

Минийхүү Мөнхбаатарын Ананд 2009 оны 11 дүгээр сарын 5-нд Улаанбаатар хотод төрсөн.

Хүү минь төрөлхийн зүрхний гажигтай төрсөн тул түүнд зүрхний нээлттэй мэс заслын /open heart surgery/ хагалгааг яаралтай хийх нь амь насыг нь аврах цорын ганц арга болохыг дотоод гадаадын мэргэжлийн эмч нар оношлон тогтоосон. Тус хагалгааг манай улсад хийдэггүй бөгөөд зөвхөн өндөр хөгжилтэй орнуудад хийдэг болно.

Бид хүүгээ төрсөнөөс хойш зүрхний мэс заслыг хурдан шуурхай хийлгэх талаар олон улсын хэд хэдэн байгууллагад хандсаны үр дүнд АНУ-ын Бостон хот дох Олон улсын хүүхдийн эмнэлэгээс 2010 оны 4 сард хүүд минь зүрхний мэс засал хийх боломжтой гэсэн баяртай мэдээ хүлээн аваад байна.

Сайн санаат ах дүүс, найз нөхөд та бүхнээсээ бидэнд туслалцаа үзүүлэн мөнгөн тусламж, дэмжлэг үзүүлэхийг чин сэтгэлээсээ хүсэж байна. Бид Мөнхбаатарын Ананд ХААН банк 5026635492 тоот хандивын дансыг нээгээд байгаа юм.

Сайн үйлс бүхэн дэлгэрэх болтугай!

Хүндэтгэсэн,

аав: Б.Мөнхбаатар
ээж: С. Бямбасүрэн byambaa77@yahoo.com
http://anandmgl.blog.banjig.net/

Сансрын нисгэгчдийн баярын өдөрт

2010-03-25T20:13:00.000-07:00

Ж.Гүррагчаа нь Монгол улсаас сансарт ниссэн анхны, Азийн хоёрдахь сансрын нисгэгч юм.

Ж.Гүррагчаа 1947 онд Булган аймгийн Гурванбулаг суманд төржээ. Ж.Гүррагчаа 1966 онд цэргийн албанд татагдаж, 1971 онд ЗХУ-ын Фрунзе хотын нисэхийн дамжаанд суралцаад, 1973 онд Москва хотод Жуковскийн нэрэмжит Агаарын цэргийн академид суралцан төгсчээ. 1978 оноос тэрээр ЗХУ-д Юрий Гагарины нэрэмжит Сансрын нисгэгчдийг бэлтгэх сургалтын төвд М.Ганзоригийн хамтаар бэлтгэгдэж эхэлсэн байна. Энэ үед тэрээр ардын армийн ахмад цолтой байв. 1981 оны 3 сарын 22-нд Байконурын сансрын буудлаас ЗХУ -ын сансрын нисгэгч Владимир Жанибековын хамт Союз-39 хөлгөөр сансарт хөөрч Салют-6 сансрын станцтай холбогджээ. В.Жанибеков, Ж.Гүррагчаа нар сансарт 7 хоног, 20 цаг 42 минутыг өнгөрүүлж, дэлхийг 124 удаа тойрсоны дараа эх дэлхийдээ амжилттай газардсан юм. Сансарт ниссэн дэлхийн 101 дэх хүн юм.

Тэрээр сансарт ниссэнийхээ дараа ЗХУ-ын баатар, БНМАУ-ын баатар цолоор шагнагджээ.

ИНЕГ-ын мэдээллийн уригдан оролцсон сонирхолтой яриаг Та бүхэнд бичлэгээр хүргэж байна.

Одтой аварга

2010-03-24T17:51:00.000-07:00

Гэрэл зураг

2010-03-22T20:07:00.000-07:00

Монцамэ мэдээ сонины 2010.03.23 дугаарт Наурызын баярыг тохиолдуулан нэгэн гэрэл зургийг нийтэлсэн байна.
Гэрэл зургийг Б.Цэрэнжамц. "Нар хурайлсан Наурызын баяр"

Наурызын баян мэнд !!!

2010-03-22T20:05:00.000-07:00

ИНЕГ-ын дарга Наурызын баярыг тохиолдуулан мэндчилгээ дэвшүүллээ.

МЭНДЧИЛГЭЭ

Баян-Өлгий аймгийн нисэх буудлын хамт олон болон тус салбарт ажиллаж байгаа та бүхэндээ ИНЕГ-ын нэрийн өмнөөс, мөн хувиасаа олон улсын Наурызын баярын мэндийг хүргэж, гэр бүлээрээ, айл хотлоороо аз жаргалтай эрүүл энх, сайн сайхан амьдрахыг хүсэн ерөөе!

ИНЕГ-ын дарга Г.Даваа

Аюулгүй байдал хамгаалалтын албаны залуус тэргүүн байр эзэлжээ

2010-03-15T02:18:00.000-07:00

МУ-д нисэх хүчин үүсч хөгжсөний 85 жилийн ой, Иргэний агаарын тээвэрчдийн өдөр энэ оны 5-р сард тохионо. Иргэний нисэхийн салбарын байгууллагуудын хувьд энэ баяраа тохиолдуулан жилдээ 1 удаа спортын аваргаа тодруулдаг, өрсөлдөөн ихтэй тэмцээн болдогоороо онцлогтой. Энэ тэмцээнд алба салбарууд эртнээс бэлтгэж эхэлдэг. Өнгөрсөн 7 хоногт "Чингис хаан" ОУНБ дотроо спортын тэмцээнүүдээ явуулсан байна. Сагсан бөмбөг, гар бөмбөгийн тэмцээнд /эрэгтэй, эмэгтэй/ Аюулгүй байдал хамгаалалтын алба тэргүүн байрыг эзэлсэн байна.
Энэ 7 хоногт ширээний теннис, шатрын тэмцээнүүд үргэлжлэн зохиогдох юм байна.

Тэмцээнийг "Чингис хаан" ОУБ-ын Үйлдвэрчний эвлэлийн холбоо ивээн тэтгэжээ.

ИНЗХ-ны тэргүүлэгчид хуралдлаа

2010-03-11T18:30:00.001-08:00

2010.03.11-ний өдөр ИНЗХ-ны тэргүүлэгчид хуралдаж 2010 оны төлөвлөгөөний төслөө хэлэлцэж, цаашид ажиллах арга хэмжээ, үүрэг хариуцлагын талаар санал солилцлоо. Та бүхэн ИНЗХ-ноос зохион байгуулах ажлын талаар санал, хүсэлт байвал бидэнд хандана уу. Залуучуудын холбооны ажилд Та бүхний хамтын оролцоо чухал тул санал, хувь нэмрээ оруулахыг хүсье !

ИНЗХ

ЭХ ОРНЫ ЗАЛУУС ХААНА ЯВНА

2010-03-08T20:25:00.000-08:00

Залуучуудад чиглэсэн үйл ажиллагаа явуулдаг нийт байгууллагуудын сонорт,

ЭХ ОРОН Телевиз Эх орны хөгжлийн түүчээ болсон залуучуудаа дэмжих, тэдэнд хэрэгтэй мэдээ мэдээллийг тогтмол хүргэх зорилгоор ЗАЛУУСЫН МЭДЭЭ буланг ажиллуулж эхэллээ. Тиймээс залуусд зориулан зохион байгуулж буй бүхий л үйл ажиллагааныхаа мэдээллийг манайд илгээж байна уу. Мэдээллийг урьдчилан залуучуудад хүргэсэнээр тухайн үйл ажиллагаанд залуучуудад илүүтэйгээр оролцох боломжийг олгох юм.

Жишээ нь:
• Залуучуудын байгууллага, клубүүдийн үйл ажиллагаа
• Тэтгэлэгт хөтөлбөрүүд
• Ажлын байр
• Сургалт, хөтөлбөр
• Уралдаан, тэмцээн
• Сайн дурын үйл ажиллагаа
• Төсөл, хөтөлбөр г.м

Холбоо барих утас: 99278174
E-mail: ehorniizaluus@yahoo.com
Блог: http://ehorniizaluus.blog.banjig.net/

Эмэгтэйчүүдийн баярын мэнд хүргэе !!!

2010-03-07T20:07:00.000-08:00

Нийт эмэгтэйчүүддээ олон улсын эмэгтэйчүүдийн баярын мэнд хүргэе !

ИНЗХолбоо

Өнөөдөр Төрийн соёрхолт, гавъяат жүжигчин Ц. Төмөрбаатар лекц уншина

2010-03-04T23:19:00.000-08:00

Монголын Залуучуудын Холбооноос Залуучуудын чөлөөт цагийг зөв боловсон өнгөрүүлэх, хэрэгтэй мэдээллийг олж авахад нь дэмжлэг үзүүлэх зорилгоор “Би Монгол залуу хүн”цуврал лекцийг зохион байгуулдаг уламжлалтай билээ.Өнөөдөр 17:00 цагаас Төрийн соёрхолт, гавъяат жүжигчин Ц. Төмөрбаатар “Үндэсний бахархал” сэдэвт лекцийг унших юм байна. Харин энэ сарын 19-нд Төрийн хошой шагналт, Ардын жүжигчин Н.Жанцанноров, ирэх сарын 5-нд нэрт зохиолч, сэтгэгч Д.Урианхай нар залуустаа зориулан лекц уншина.

Нисэхийн буурлууд минь ээ !. дууны тухай зохиогчийн сэтгэгдэл:

2010-02-18T22:01:00.000-08:00

Уншигч та нартайгаа “zaluuca.blogspot.com” сайтаар холбогдох болсондоо туйлын баяртай байна. Юуны өмнө энэ сайхан сайтыг нээж нисэхийн мэргэжил нэгт авъяаслаг, өөдрөг сэтгэлтэй залуусынхаа бүтээлийг сурталчилж байгаа Нисэхийн Залуучуудын холбооны цоглог, бүтээлч хамт олондоо ажил хөдөлмөрийн өндөр амжилтыг хүсэн ерөөж байна.

Ер нь тэнгэрт дүүлэн хөөрөх мөнгөн цагаан онгоцыг хараад ямарч хүний сэтгэл хөдлөхгүй байхын аргагүй билээ. Харин энэ онгоц (Нисэх)-ийн гэсэн хаяг, тодотголтой бүх ажилчдын сэтгэлийн дэмээр хөөрч,бууж байдаг гэдгийг хүн болгон мэддэг билээ. Ингээд бодохоор энэ их үйлсийг анх бүтээсэн ахмадууд, тэднийхээ гавъяаг хэзээ ч мартахын аргагүй юм. Ийм л учираас тэднийгээ санан дурсаж үйл хэргийг нь үнэнчээр залгамжилж, хормын төдий ч саатан дуулж, санаж, аялж явбал тэд маань зүйдэлгүй хөх тэнгэрээс биднийгээ харж байгаа даа! гэж бодож явдах юмдаа …

Өнөөдөр бидний дэргэд байхгүй, алдраараа мөнхөрсөн байнга үгүйлэгдэж байдаг энэ сайхан Иргэний нисэхийн ирээдүйн хөгжлийн суурийг тавьж, бусдаас дутахааргүй аз жаргалтай элбэг дэлбэг сайхан амьдралыг бүтээлцсэн үе үеийн олон сайхан төрөл бүрийн мэргэжлийн (Нисэх)-ээ гэсэн нисэхийн төлөө зүрх сэтгэл нь булиглаж явсан суу алдарт ахмад буурлууддаа, залуу сайхан дүрээрээ биднийхээ дунд мөнхөрсөн одоо байхгүй найзууддаа, мөн ТХА_ны инженер техникчид биднийхээ ажил амьдралын минь багш байсан Монголын иргэний нисэхийн навигаци, радио холбооны анхдагч, гавъяат холбоочин И.Дамба гуайдаа зориулж ТХА_ны навигацийн инженер миний бие сэтгэлдээ буусан үг юугаа тэрлэж, нүдний өмнө жирэлзэх амьдрал юугаа сэтгэл зүрхнээсээ хөглөж энэхэн ( Дуун суврага)-ыг барьж байна.
(жич:Та нартаа одоогоор клип,дуу бичлэг хийж хүргэх хөрөнгө мөнгөний боломжгүйг минь уучлаарай! Цаашид сэтгэл санаа нийлж хамтран ажиллах хүмүүс байвал надтай доорхи хаягаар холбоо барина уу! Өөрийн бичсэн дуу, шүлэгнүүдээс хойшид энэ сайтаар толилуулж байх болноо! Харин баярын арга хэмжээн дээр өөрөө хөгжимдөж, дуулж сонирхуулж байнаа!... )миний хаяг:ИНЕГ ТХА-ны Навигацийн хэсгийн ээлжийн инженер: Дамдинбазарын Батцэнгэл
Tel:99799436,99010686,98016898,98217603
E-mail : Battsengel.D@MCAA.gov.mn
Yahoo : Tsengel_D2000
Анхаарал тавьсанд баяраллаа!
Нисэхийн буурлууд минь ээ! ...

Үг,ая :ТХА_ны Навигацийн хэсгийн инженер Д: Батцэнгэл

Үе үеийн нисэхийн гавъяатнууд минь ээ
Үлгэрлэн дууриах баатрууд минь ээ
Алтан үсгээр түүхэнд гэрэлтсэн
Алдраараа мөнхөрсөн буурлууд минь ээ
Залуу явсан сайхан дүрийг тань би
Зүрх сэтгэлдээ хадгалж л явна даа
Цусаараа зурсан тангарагтаа л үнэнч
Цуцашгүй чин зоригт шонхрууд минь ээ

Д:Дандаа та нарыгаа..н бодож,
Дээдэлж явдаг шүү бид нар чинь !
Дандаа л таниараан бахархаж,
Дуурсаж хамтдаа явдаг шүү...!

Ажил амьдралыг заасан үгсүүдэд тань
Амин ганцхан сургааль л байж дээ
Орчлон хорвоогийн уудмыг хэмжсэн
Огторгуйн их номлол байж дээ
Өнөөдөр байхгүй шонхрууд минь хүртэл
Өчигдөрхөн инээж л явсан санагдах юмдаа
Өр зүрхийг минь нэгэн бодол эзэмдэж
Үер буулгаж сэтгэл догдлуулах л юмдаа

Д:Дандаа та нарыгаа..н бодож,
Дээдэлж явдаг шүү бид нар чинь !
Дандаа таниараан бахархаж,
Дуурсаж хамтдаа явдаг шүү...!

Сэтгэлд минь үлдсэн тэрхэн дурсамж
Шүлэг болон цээжинд минь эвлэх л юм даа
Баярласан үгээ хэлье үү?... гэхлээр
Бадаг болон нүдэнд минь торох л юм даа
Ариухан сэтгэлээр дурсан санахад
Аяндаа л урсах уянга нь түрэх л юм даа
Зүүдэндээ биш амьдралаараа л нисэж
Зөвхөн түмнийхээ төлөө л явж дээ...

2009:01:11нд 18:45д бичив.

Нисэх бидний хүслэн

2010-02-18T21:58:00.000-08:00

Үг,ая: ИНЕГ ТХА_ны Навигацийн хэсгийн инженер: Д.Батцэнгэл

Аав ээжийг хүүтэй нь учруулж
Амраг хоёрыг амьдралтай нь золгуулхаар
Аян замын тэртээх өндөрт
Аялж л яваа мөнгөн хүлэг ээ

Д: Чин бидний хүсэл
Чин зоригийн жигүүр
Амьдрал тэтгэх мэргэжил
Агаарт хөвөх тагтаа

Найз нөхдийн үерхлийг бататган
Найрсаг олныхоо итгэлийг хүлээж
Нарлаг монгол орныхоо хөгжлөөр жигүүрлээд
Номин тэнгэрт дүүлэх хүлэг ээ

Д: Чин бидний хүсэл
Чин зоригийн жигүүр
Амьдрал тэтгэх мэргэжил
Агаарт хөвөх тагтаа

Улс тивийг цагаар товчлоод
Учрал бүхний жаргалын төлөө
Уяхан замбуу тивийн хадган замаар
Уянгат дуундаа мөнхөрсөн хүлэг ээ

Д: Чин бидний хүсэл
Чин зоригийн жигүүр
Амьдрал тэтгэх мэргэжил
Агаарт хөвөх тагтаа

г.Улаанбаатар 1988:08:10 нд бичив.

Нисгэгчийн дуу

2010-02-09T21:49:00.001-08:00

Хамтын гэрээтэй танилцана уу

2010-01-20T00:45:00.000-08:00

ИНЕГ, түүний харъяа байгууллагуудад 2009-2010 онд хэрэгжүүлэх хамтын гэрээ батлагдсан байна.

Хамтын гэрээ

Буянт-Ухаа баг хүрэл медаль хүртлээ

2010-01-17T19:04:00.000-08:00

Монголын волейболын холбооноос 15 дахь жилээ зохион байгуулж буй үндэсний лигийн аварга шалгаруулах тэмцээн өндөрлөж аварга багууд тодорлоо.

Он дамжин үргэлжилсэн өнөө жилийн лигийн аварга шалгаруулах тэмцээнд эрэгтэйчүүдийн төрөлд "Харх", "Буянт-Ухаа", "Эрчим", "Ноён", "Уурхайчин" гэсэн таван баг өрсөлдсөн юм. Харин эмэгтэйчүүдийн төрөлд өнгөрсөн жилийн лигийн аварга "Эрчим" тэргүүтэй "ТЭЦ-4", "Уурхайчин", "Аминбүрд" гэсэн дөрвөн баг өрсөлдсөн юм. 2009 оны лигийн аварга шалгаруулах тэмцээний эрэгтэйчүүдийн шигшээ тоглолтод лигийн гурван удаагийн аварга Орхон аймгийн "Харх" ХХК-ийн "Харх", лигийн аварга "Эрчим" багууд өрсөлдөж 2:0 харьцаагаар "Хархчууд" ялалт байгуулж дөрөв дэх удаагаа лигийн аварга болов.

Хүрэл медалийн төлөө өнгөрсөн жилийн лигийн аварга Иргэний нисэхийн ерөнхий газрын баг, "Уурхайчин"-тай өрсөлдөж мөн л 2:0 харьцаагаар ИНЕГ-ынхан өрсөлдөгчөө буулган авсан юм.

Харин эмэгтэйчүүдийн тоглолт тун сонирхолтой, өрсөлдөөнтэй болж шигшээ тоглолтод лигийн аварга шалгаруулах тэмцээнд анх удаагаа оролцож байгаа "Аминбүрд", "Эрчим" багууд алтан медалийн төлөө өрсөлдсөн. Азийн оюутны аварга шалгаруулах тэмцээний хүрэл медальт "Аминбүрд" баг хашир туршлагатай мастеруудаас бүрдсэн "Эрчим"-ийг хоёр дараалан хожсоноор анх удаагаа лигийн аварга багаар шалгарлаа. Хүрэл медалийг "Уурхайчин" баг хүртсэн байна. 15 дахь удаагаа зохиогдож буй лигийн аварга шалгаруулах тэмцээний шилдэг тэгш тоглогчоор Н.Отгонбаяр /Харх/, Г.Цэцэгжаргал /Аминбүрд/ нар шалгарсан юм. Харин шилдэг холбогчоор Р.Хангай /ИНЕГ/, А.Уранцэцэг/Аминбүрд/ , шилдэг довтлогчоор Д.Базарваань /Харх/, Г.Энхсайхан / Аминбүрд/, шилдэг хамгаалагчаар Т.Отгонтөгс, А.Билгүүн / Эрчим/, шилдэг давуулагчаарХ.Ганхуяг/ИНЕГ/, П.Буянжаргал /Уурхайчин/ нар тодорсон юм.

Ц.Отгонбаатар

МАЛЧДАД ТУСЛАХ УРИАЛГА ГАРГАЛАА

2010-01-11T01:33:00.001-08:00

Улсын Онцгой комиссоос малчин түмэндээ туслах уриалга гаргасныг бүрэн эхээр нь хүргэж байна.

Манай орны нутаг дэвсгэрийн 80 хувь нь цасан бүрхүүлд хучигдаж, агаарын дундаж температур 32-40 градус хүртэл хүйтэрч, 19 аймгийн 198 сум зудтай, гамшгийн нөхцөл байдал үүсээд байна.
Монгол Улсын Засгийн газар, Улсын Онцгой комиссоос дэс дараатай арга хэмжээ авч байгаа боловч цаашид хүйтний эрч эрс чангарч, өвөлжилт улам бүр хүндрэх төлөвтэй байна.

Хөдөө орон нутагт мал их хэмжээгээр хорогдож, цас зуд, отор нүүдлийн улмаас малчид туйлдан зүдэрч, эрүүл мэнд, амьжиргааны нөхцөл байдал нь хүндрэн, байгалийн давагдашгүй хүчин зүйлийн өмнө хүчин мөхөсдөж эхэллээ.
Иймд ард иргэд, аж ахуйн нэгж болон олон нийтийн байгууллага, Монгол Улс дахь Олон улсын байгууллагуудад хандан малчин түмэндээ туслахыг уриалж байна.
Малчин удмын монголчууд бид “Тэнхлүүн явахад тэмээгээр тусалснаас тэвдэж явахад тэвнээр тусла” гэсэн ардын сайхан сургамжийг санан, цас зудын улмаас байгалийн хүнд нөхцөлд байгаа малчин түмэндээ цаг зуурын энэ хүнд бэрхшээлийг даван туулахад сэтгэл санааны болон эд материалын дэмжлэг өгч, тусламжийн гараа сунгах цаг болоод байна.
Монгол Улсын эдийн засгийн гол тулгуур болсон мал аж ахуй маань хүндрэл, бэрхшээлтэй байгаа нөхцөлд байгууллага, хамт олноос эхний санаачилга гарч байна. Тухайлбал Улсын клиникийн төв эмнэлгийн хамт олон цас зудтай байгаа малчин ард иргэддээ туслахаар нэг өдрийн цалингаа хандивлахаар шийдлээ.

Улсын Онцгой комиссоос Монгол Улс дахь гадаадын Олон улсын байгууллагад нөхцөл байдлын мэдээллийг хүргэж, хандаад байна. Цаашид малчин түмэндээ хандив, тусламж үзүүлэх иргэд, байгууллага, хамт олон улам нэмэгдэнэ гэдэгт итгэж байна.
Монголчууд бид ийм үед бие биедээ сэтгэл санааны болон эд материалын дэмжлэг үзүүлж, цаг зуурын хүндрэлийг даван туулахад нийт ард иргэд, төрийн болон төрийн бус байгууллага, аж ахуйн нэгж, хамт олон нэгдэн нягтарч, эх оронч санал, санаачилга гаргахыг уриалж байна.

Баг тамирчдаа дэмжээрэй

2010-01-11T01:18:00.001-08:00

Спортын төв ордонд энэ сарын 4-нөөс үргэлжилсэн волейболын 2009 оны лигийн аварга шалгаруулах тэмцээн гурван өдөр завсарлаад өнөөдөр үргэлжилнэ. 14.00 цагаас эхлэх тэмцээний тоглолтын салхийг "Аминбүрд", "Уурхайчин" багийн эмэгтэй багууд хагалах юм.

Дараагийн тоглолт нь эрэгтэйчүүдийн "Ноён", "Эрчим", гурав дахь тоглолт нь өнгөрсөн жилийн аварга Иргэнийн нисэхийн ерөнхий газрын "Буянт-Ухаа", мөн өнгөрсөн жил хоёрдугаар байрт шалгарсан "Харх" багуудын хооронд болно. Энэ өдрийн тоглолт багуудын байр эзлэхэд нөлөөлөх гол тоглолтууд юм.

Эхний тойргийн тэмцээнд ганц ч ялагдал хүлээгээгүй "Аминбүрд" баг хоёрдугаар тойрогтоо тааруухан тоглосон нь волейбол сонирхогчдыг гонсойлгосон хэдий ч тэдэнд ихээхэн найдлага тавьсаар байгаа аж.

Харин маргаашаас эхлэн өдөрт дөрвөн тоглолт явагдах бөгөөд "Эрчим"-"Аминбүрд", "Уурхайчин"- ТЭЦ- IV”-ийн эмэгтэй, "Уурхайчин"-"Харх", "Буянт-Ухаа"-"Ноён"-гийн эрэгтэй баг тамирчид өрсөлдөх юм.

Иргэний үнэмлэхээ гардан авч Монгол улсын иргэний андгай өргөнө

2010-01-07T18:53:00.000-08:00

Монголын Залуучуудын Холбооноос залуу үеийнхэнд эх оронч сэтгэлгээг төлөвшүүлэн, төр улсаа эрхэмлэн дээдлэх, эх орон ард түмнийхээ өмнө хүлээх хариуцлагаа ухамсарлаж, чин шударгаар амьдарч, хөдөлмөрлөж, түүх соёлоороо бахархах үзлийг төлөвшүүлэх зорилгоор Ерөнхий сайдын ивээл дор “Монгол Улсын иргэний андгай өргөх” ёслолыг 7 дахь удаагаа зохион байгуулах гэж байна.

Уг ёслол шинэ үндсэн хууль батлагдсан өдөр буюу 1-р сарын 13-ны 15.00 цагаас Төрийн ордонд болох ажээ.

16 нас хүрч буй охид хөвгүүд энэ өдөр Монгол улсын иргэний үнэмлэхээ төр засгийн тэргүүн, урлаг спортын алдартнуудаас гардан авч, Монгол Улсын иргэний андгайг өргөж чин шударга иргэн байх үүргээ ёс төртэйгөөр биелүүлэхээ андгайлдаг билээ.

Монгол улсын иргэний андгай

Төрт ёс эртний их түүх соёлтой
Тусгаар тогтносон Монгол улсын иргэн- Би
Хүчирхэг төрийнхөө дор хуулийг чандлан сахиж
Эв нэгдэл, эрх чөлөөг дээдлэ
Эх орон, тусгаар тогтнолоо амилан хайрлаж,
Хүмүүнлэг иргэний ардчилсан нийгмийн төлөө
Эрдэм боловсролтой хүнлэг, энэрэнгүй журамт иргэн байхаа
Эх орон эрэлхэг дээдсийн удам, ард түмэндээ андгайлж байна

Нисэхийн дуу

2010-01-04T04:31:00.000-08:00

Жилдээ хvрэмгvй газарт
Єдєртєє нисээд ирэхээр
Мєнгєн цагаан хvлэг минь
Дvvлж явна хє
Мєнгєн цагаан хєлгєє бариад
Дуулж явна би хэмээн эхэлдэг уянгалаг сайхан аятай, нисэгчийн золбоо хийморийг сэргээсэн гайхамшигтай дууг мэдэхгvй монгол хvн байхгvй гэхэд ер хэтрvvлсэн болохгvй буй заа.

Эл гайхамшигтай сайхан дууны vгийг дууны шvлгийн хаан хэмээн алдаршсан яруу найрагч Лувсангийн Дагвадорж бичиж, Урлагийн гавьяат зvтгэлтэн, нэрт хєгжмийн зохиолч Товуугийн Насанбуян ая хийж ард тvмэндээ єргєн барьжээ. Яруу найрагч, хєгжмийн зохиолч хоёрын хосгvй авьяас билгээс мэндэлсэн энэ сайхан дуу зохиогдсон даруйдаа жигvvртэй юм шиг ард тvмний дунд тvгэн тархаж, хєгжмийн зохиолчийг ихэд алдаршуулсан билээ. Урлагийн гавьяат зvтгэлтэн Т.Насанбуянтай хєрєг ярилцлага хийхсэн гэж бодсоор яваад сая л нэг амжуулж байгаа минь энэ. Тvvнтэй хийсэн ярилцлагаа толилvvлъя.

-Шавийн эрдэм багшаас гэж vг байдаг. Уран бvтээлийн замд хєтєлж оруулсан багш нараа дурсвал ямар вэ?
-Дуртайяа зєвшєєрнє. Монголын урлагийн тэнгэрт од болон гялалзсан олон гайхамшигтай уран бvтээлчээр дуулаачийн эрдэм, хєгжмийн онол заалгасандаа олзуурхан баярлаж, хайрлан хvндэтгэж, тэднийхээ сэтгэл сэргэм сайхан уран бvтээл хийхсэн гэж сэтгэл, зvрхэндээ шатаж явдаг хvндээ би. Би уран бvтээлийн замаа 40 гаруй жилийн тэртээ мэргэжлийн дуучнаар эхэлсэн. Надад дуулаачийн эрдэм заасан багш нар гэвэл, Монгол Улсын Хєдєлмєрийн баатар, ардын жvжигчин профессор Ц.Пvрэвдорж, Ардын жvжигчин, профессор А.Загдсvрэн, Улсын гавьяат жvжигчин, дэд профессор Д.Жамьянжав, П.Цэвэлсvрэн нар юм шvv дээ. Харин театр, хєгжмийн болон урлагийн онолын багш нар маань гэвэл Ардын жvжигчин, тєрийн соёрхолт, удирдаач Ж.Чулуун, Соёлын гавьяат зvтгэлтэн Ж.Бадраа, Урлагийн гавьяат зvтгэлтэн Д.Лхаасvрэн, Улсын гавьяат жvжигчин Є.Рэнцэнноров, Урлагийн гавьяат зvтгэлтэн Ш.Эрдэнэбат, Ж.Шараа, Улсын гавьяат жvжигчин, дэд профессор Д.Жамьянжав, урлагийн гавьяат зvтгэлтэн, профессор П.Хаянхярваа, соёлын тэргvvний ажилтан Л.Даваахvv нар юм. Энэ алдартнуудын заасан эрдмийг ой ухаандаа хоногшуулж, олигтойхон сурч, гайгvй уран бvтээлч болох гэж хичээж зvтгэснийх єдий зэрэгтэй яваадаа баярлаж, багш нараараа бахархдаг. Би зарим багш нарынхаа тухай товчхон ярьж болох уу?

-Бололгvй яах вэ
-Би 1962 оны хоёрдугаар сард єдгєє улсын гавьяат жvжигчин болсон Цэрэндолгортой хамт Улсын ардын дуу, бvжгийн ансамбальд дуучнаар шалгуулан тэнцэж, бєєн баяр хєєр болцгоож байж билээ. Тэгэхэд бид хоёр хоёулаа ажилчин ангийн эгнээнээс урлагийн алтан тайзнаа гарч дуулах болсондоо тэгтлээ баярласан. Намайг найрал дууны багш , Зууны манлай уртын дуучин Ж.Дорждагва гуай, хєгжмийн зохиолч Д.Мяасvрэн багш нар дахин шалгаж, "тенор" юм гэлцсэнээ эрэгтэйчvvдийн цээл хоолойн хэсэгт хуваарилж, шууд дасгал сургуульд оруулж билээ. Маш єєр орчин, дуучдын яруу тунгалаг хоолой намайг бишрvvлж, гайхах, эргэлзэх, учраа олохгvй байдалд хvргэж байсансан. Би амьдралдаа анх удаа ардын дуу дуулж, ардын дуугаар хєглєгдєж дуучны замаа эхэлсэн.

Энэ vед Л.Цогзолмаа багш шинэ уран бvтээл "Говийн дуу", "Хангайн дуу", "Монгол хєгжмийн гайхамшиг" концертуудаа найруулан бvтээж, уран бvтээлч бvхнийхээ нєр их хєдєлмєр, авьяас билгийг оргилvvлан говь, хангайн vзэсгэлэнт байгаль, хvн ардынхаа аж амьдралыг дуу, хєгжим, бvжгээр илэрхийлж байгаа нь vлгэр домгийн юм шиг санагдаж байж билээ. Цоцо багш миний урлагийн анхны багш юм шvv дээ. 1963 оны тавдугаар сард дуулаачийн мэргэжлийн шалгалт єгч жинхэнэ дуучин болсон юм. 1964 оны хавар Монгол Улсын Хєдєлмєрийн баатар, ардын жvжигчин, профессор, нэрт дуучин Г.Хайдавын санаачилгаар Монголд анх удаа Улсын ардын дуу, бvжгийн театрын дэргэд дуулаачийн дээд сургууль студи байгуулагдаж, би анхны оюутнуудын нэг болсон юм. Оюутан байхдаа тєгєлдєр хуурыг илvvтэй сонирхож, чухам л єдєр шєнєгvй нvдээд суучихдагсан.

-Оюутан байхаасаа дуу зохиож эхэлсэн гэдэг байх аа?
-Тийм шvv. Гуравдугаар ангид байхад дуу бvтээх хvсэл тэмvvлэл оргилж "Миний жаргалан" гэдэг анхны дуугаа зохиолоо. Манай ангийн оюутан Байгаль гоцлон дуулж, охидууд олон хоолойн чуулгаар хамтран дууллаа. Энэ дуу удалгvй тvгэн дэлгэрч залуусын дуулах дуртай дуу болсон. Сургууль тєгсдєг жилээ Ж.Бадраа багштайгаа хамтарч ангийнхаа болон их, дээд сургууль тєгсч байгаа бvх оюутан залууст зориулж "Тєгсєх оюутны танго" дуугаа бvтээлээ. МУГЖ В.Оросоо дуулж тєдєлгvй тvгэн дэлгэрлээ. Мєн "Залуу нас сайхан аа" дуугаа зохиож, МУИС-ийн оюутан нэрд гарч мандаж байсан Рэнцэнханд дуулж маш их амжилтад хvрч байснаа дурсан санахад таатай байдаг юм. Энэ дуунуудыг одоо ч гэсэн оюутан залуус, миний шавь нар дуулдаг юм. Оюутан байхдаа тэмдэглэлт ой, vйл явдал, оюутан залуусын урлагийн vзлэг наадмуудад 4060 тvvнээс ч дээш 1000 хvртэл бvрэлдэхvvнтэй найрал дууг зохион байгуулж, vеийнхэндээ "багш" гэдэг хvндтэй нэрээр дуудуулж явлаа даа. Миний дуулаачийн анхны багш МУГЖ, дэд профессор Д.Жамьянжав багш маань эрдvv баргил хоолойтой, би цээл нарийн хоолойтой боловч хичээл заах vедээ тенор хоолойн оргил дээд єнгийг єєрєє дуулж сайн ойлгуулдагсан. Д.Жамьянжав багш маань одоо надтай хааяа уулзахдаа "чи сургуулиа дуулаач, найрал дууны багш, хєгжмийн зохиолч мэргэжлээр тєгссєн шvv" гэж цаашлуулдаг юм. Бодвол єєрєє л тэгж vнэлдэг хэрэг байх л даа. Тvvнээс биш би сургуулиа дуулаач, дууны багш мэргэжлээр тєгссєн юм.

-Сургуулиа тєгсмєгц багш болсон гэдэг байх аа?
-Тийм шvv. УАДБЧ-даа найрал дууны багшаар томилогдож, ардын урлагийг бие даан эзэмших, судлах сургах, хєгжvvлэх их vйлсэд хvчин зvтгэж, мэдэхгvй чадахгvйн зовлон бишгvй туулж, тvvнийгээ уйгагvй хєдєлмєр, хичээл зvтгэлээрээ даван туулж, багш хvн ямар их vvрэг хариуцлагатай байдгийг ухаарч билээ. Ардын дуу, олон ястнуудын євєрмєц бvтээлvvдийг дуучиддаа заан сургаж, дуулах ур чадвар эзэмшvvлж, тvvнийг нь хєгжvvлэх гэж хичээдэгсэн. Монголын ард тvмэн авьяас билэг тєгєлдєр дууч ард тvмэн. Дууч ард тvмнээсээ ялгарч сод євєрмєц дуулж байж л мэргэжлийн дуучин болдог юм.

-Урлагийн гавьяат зvтгэлтэн, яруу найрагч Ж.Бадраа гуай таны багш тєдийгvй хамтран зvтгэгч байсныг сайн мэдэх юм. Та хоёр олон уран бvтээл хамтарч хийсэн vv?
-Би оюутан байх цагаасаа багшийн хамгийн дотнын шавь болон тоогдож тvvгээр ч барахгvй олон жил хамтран уран бvтээл туурвисан шvv. Багшийн олон сайхан шvлгэнд би ая хийж олны хvртээл болгосон. Ж.Бадраа багшийн дуу бvхэн жигvvртэй юм шиг ард тvмний дунд дорхноо тvгэж сэтгэлийн цэнгэл эдлvvлдэг байсныг ард тvмэн андахгvй. Ж.Бадраа багш бид хоёр дуулаачийн томоохон бvтээл болох магтуу, романс, найрал дуу, эрэгтэй, эмэгтэй чуулга, цєєхvvл дуучид, хvvхдийн дуу болон гоцлол дуучдад зориулан 50 орчим дуу хамтран бvтээсэн юм. Бидний хамтарч бvтээсэн "Орь залуу нас", "Улаанбаатарын агаар", "Vзэсгэлэнт монгол", "Ном эрдмийн эх орон", "Гэгээн наран" зэрэг дуунууд одоо болтол дуулагдсаар байна. Багш дууны шvлгийг бичихдээ єєрєє сэдвээ сонгон бvтээж, хєгжмийн зохиолчдод єгєх, эсвэл хєгжмийн зохиолчийн аялгуу нотыг авч тохируулан бvтээх нарийн арга хэлбэрvvдтэй байлаа.

Нэг нот тактын хэмжээг ямар эгшиг гийгvvлэгчээр хослуулж яруусгахыг зєн билэгт ухаанаараа сонгон ёстой л авьяас онгодоороо vгийн гайхамшиг, хєгжмийн дуурьслаар бvтээдэгсэн. Энэ бvтээлvvд нь заавал амжилттай болно. Ж.Бадраа багш маань надад урлан бvтээхийн их ухаан, учир утга, уран сэтгэмж, авьяас билгээ хєгжvvлэхэд маш их нєлєєлсєн ачтан. Нэг єдєр багш маань "Чи Бадарууганд маань гитар зааж єг" гэдэг юм байна. Би дуртайяа зєвшєєрч тэр єдрєєс нь гитар зааж эхэлсэн. Б.Бадарууган заасан зvйлийг маш амархан сурдаг, ой сайтай хvvхэд байсан болохоор сайн гитарчин болсон шvv. Би, аугаа аав, авьяаслаг хvv хоёртой уран бvтээлээр холбогдсондоо бахархаж явдаг.

-Та хvvхдэд маш их хайртай хvн. Тийм ч учраас хvvхдэд зориулсан олон сайхан дуу зохиож, хvvхдийн найрал дууг олон жил удирдаж олон авьяастныг урлагийн алтан тайзан дээр тодруулж гаргасан ачтан. Энэ тухайд юу хэлэхсэн бол?
-Хvvхэд єхєєрдєм,сэтгэл булаасан халуун дулаан, зvрх, сэтгэл хєдєлгєсєн гэрэл гэгээ билээ. Би дуун бvтээлийнхээ амьдрал, хvvхдийн дуу хєгжим цаглашгvй их баяр баясгаланг ихэд дээдлэн єєрийн эрхгvй хvvхдийн дуун бvтээлд авьяас чадвараа сорин, амаргvй, санаснаар болохгvй нарийн утга учир бvхий аялгуунд тэмvvлж эхэлсэн юм. Хvvхдийн дуу зохиох миний эрхэм хvслийг хvvхдийн ертєнц єєрийн эрхгvй хєтєлсєн билээ. Би 1980-аад онд хvvхдийн "Нарны баясгалан" хамтлаг байгуулсан. Гурван vе дамжсан энэ хамтлаг миний хvvхдийн дуун бvтээлийг амилvvлсан хvvхдийн дууны гэгээн дуулал билээ. Би хvvхдvvдэд зориулж "Хvмvvс ээ, хvvхэд байх сайхан" дуугаараа анхны номоо нэрлэж, эл номдоо "Гэгээн наран",".Нарны баясгалан", "Тэнгэрт хоёулаа наадъя", "Єнє мєнхийн ээж", "Дэлхийн бvх хvvхдvvдийг дуудчихлаа" зэрэг олон дуугаа оруулж байлаа. Хvvхэд цэвэр тунгалаг, ариун нандин, алтнаас vнэтэй эрдэнэ билээ. Хvvхдийн дуу аз жаргалын мєнхийн хонх юм шvvдээ. Хvvхдийн найрал дууг олон жил удирдаж, нvд нь оч шиг гялалзсан дуунд дуртай зуу, зуун авьяаслаг охид, хєвгvvдэд олон дуу зааж, олон ч концерт найруулан тоглуулж, шавь нарынхаа авьяасыг хєгжvvлж, олон зуун авьяаслаг шавь нараа урлагийн алтан тайзан дээр гарч сайн дуучин болох замд хєтєлж оруулсандаа сэтгэл хангалуун явдаг.

-Та дєч гаруй жил урлагийн байгууллагуудад ажиллахдаа дуу, хєгжмийн хэдий хэр бvтээл туурвисан бэ?
-Дуу, хєгжим бол миний нэг амь, насан туршийн минь амьдрал юм. Би дуу, хєгжимгvйгээр нэг єдєр ч амьдарч чадахгvй болсон хvн. Дуугаа дуулж, хєгжмєє зохиож байхдаа би юутай ч зvйрлэшгvй жаргалтай байдаг. Би 40 гаруй жил урлаг, дуун бvтээлд бие, сэтгэлээ зориулж, монгол дууны урлагийг хєгжvvлэх ариун vйлсэд авьяас билгээ сорилоо. Хєгжмийн янз бvрийн тєрєл жанарын 500 гаруй дуун бvтээлээ туурвиж, нийтийн дууны уралдаанд хорь гаруй удаа тэргvvн байр эзэлж,"Орь залуу нас", "Хvмvvс ээ, хvvхэд байх сайхан", "Тэнгэрт дvvлсэн орь залуу нас" хэмээх нийтийн болон хvvхдийн дууны гурван тvvврээ хэвлvvлж ард тvмэндээ єргєн барилаа. Одоо нас єндєр болсон гэж єєртєє чєлєє зав єгєлгvй уран бvтээлээ туурвисаар байна. Би бvтээлийнхээ гол сэдвийг эх орон, амьдрал, ариун хайр, утга уянга, гэгээн vйлсэд зориулж ирсэн. Сансар огторгуйг илvvтэй сонирхон тэмvvлж, "Нисэгчийн гэргий дуу", "Ахан дvvс сансарт", "Юрий Гагарин", "Газар тэнгэрийн хvv", "Монгол хvv сансарт" зэрэг дуунуудаа бvтээсэн маань амьдралд дуулал болон гийж, миний эх орон, ард тvмэн дуун бvтээлийг минь алдаршуулан "Нисэгчийн дуу"-г минь цагаан гантиг чулуунд сийлэн хєшєє дурсгал болгон мєнхжvvлсэн. Энэ нь асар их урам зориг хайрлаж, авьяас чадвар, ариун хvслийг минь бадруулсан их хvндэтгэл билээ. "Нисэгчийн дуу"-нд минь босгосон цагаан гантиг хєшєє Чингис хаан нисэх онгоцны буудлын цэцэрлэгт сvндэрлэж байдагт vнэхээр баярлаж єєрєєрєє бахархах сэтгэл хааяа тєрдєг юм.
"Орь залуу нас", "Мичид шvргэх алтай", "Vзэсгэлэнт Монгол", "Ном эрдмийн эх орон", "Єнє мєнхийн ээж", "Миний нутаг сайхан аа", "Гэгээн наран", "Хvмvvс ээ, хvvхэд байх сайхан" зэрэг олон дуу минь одоо хvртэл хvмvvсийн зvрх сэтгэлд хоногшин vе дамжин дуулагдаж байгаад урам зориг минь сэргэж, оргилон тэмvvлж бvтээсээр єнєєг хvрлээ дээ.

-Та єєрийнхєє зохиосон энэ л миний нэрийг мєнхєлж сvлд дуу минь болно доо гэсэн дуунаасаа нэрлэхгvй юу?
-"Орь залуу нас", "Нисэгчийн дуу", "Мичид шvргэх Алтай" гурвыгаа таван зуу гаруй дуунаасаа онцолж миний сvлд дуу гэж ам бардам хэлнэ дээ.

-Та бол хэн гуайд ч ам бардам хэлэх олон зуун сайхан бvтээл туурвисан нэрт хєгжмийн зохиолч хvн. Улсаас ямар алдар цол, одон медалиар шагнуулж байв даа?
-Монгол Улсын урлагийн гавьяат зvтгэлтэн, Алтан гадас, Хєдєлмєрийн гавьяаны улаан тугийн одон, Монгол улсын соёлын тэргvvний ажилтан, МVЭ-ийн соёлын тэргvvний ажилтан,хvvхдийн тєлєє байгуvллагын алтан медалиудаар энгэрээ цоолж, урлаж бvтээх урам зориг бадарч, онгод хийморь сэргэж явж дээ.

-Нэртэй хєгжмийн зо¬хиолч гадаадад олон удаа томилолтоор явсан биз дээ?
-Узбек, Чехословак, БНСУ-д болсон залуучуудын их наадам, алтан намар, хаврын наадмын тєлєєлєгчєєр оролцож, хуучин ЗХУ-ын Москва, Ленинград, хуучнаар Иванова хотуудад уран бvтээлийн томилолт, Тувагийн Сияан чуулгад найрал дууны мэргэжилтэн багшаар ажиллаж байлаа.

ДУУНДАА ГАНТИГ ЦАГААН ХЄШЄЄТЭЙ ХЄГЖМИЙН ЗОХИОЛЧ Т.НАСАНБУЯНГИЙН АНД НЄХДИЙНХ НЬ СЭТГЭЛИЙН VГСЭЭС СИЙРVVЛЬЕ

Яруу найрагч Ж.Саруулбуян
Намайг дууны яруу найрагт анхлан уруу татсан хvн бол Т.Насанбуян. Дєнгєж дээд сургууль тєгссєн шаврай бандийг тоож, дууны шvлгийг ингэж бичдэг юм хэмээн зааж зєвлєж, анхны шvлгэнд минь аялгуу оруулсан эрхэм хvн. Бид хоёр анх уран бvтээлээ хvvхдийн дуугаар эхлэв. Насаа маань тэр vед МVЭСТО-д хvvхдийн найрал дууны бvлгэм ажиллуулдаг байсан. Наяад оны эхээр МРТУХ, Монголын хєгжмийн зохиолчдын холбоотой хамтран нам, эх орны сэдэвт дууны уралдаан зарлав. Тvvнд хvчээ сорьё, би чамайг залуу гэхгvй сонгож байна. Хvvхдийн найрал дуулах шvлэг бич гэв. Би бодож, бодож "Хvvхэд бидний найрамдал" гэдэг шvлэг бичсэн. Бид хоёрын дуу гуравдугаар байранд орсон юм. Урам зориг эндээс л эхэлж бадрав.Дараа нь бид хоёр хvvхдийн гоцлолтой найрал дуугаар "Алтан намар" наадамд оролцож тэргvvн байранд оров. "Эх орны тариа" гэдэг дууг Т.Насанбуянгийн охин Соёнгийх гоцолж, хvvхдийн найрал дуулж билээ.

Сэлэнгэ аймгаас Сэлэнгэ мєрний сэдэвт дууны уралдаан зарлаж Улаанбаатарын аялгуу, шvлэг бичдэг бараг бvх хvн тийш нэг,нэг дуучин чирэн одлоо.Бид хоёр ч хоцорсонгvй "Єргєн сэлэнгэ" нэртэй дуу бичиж, дуучин Мєнхшvрт єгєєд явуулав. Хэд хоногийн дараа Мєнхшvр бид хоёрыг тусгай байранд оруулчихаад шагналыг нь авчирч єгч билээ. Бид хоёр Чингис хааны тухай, тvvний "Эр хоёр загал"-ын тухай дуунууд бичлээ. Тэр дуунуудыг маань Жамьянжав, Гантємєр, Баасанхvv нараас эхлээд олон дуучин дуулж урын сандаа оруулав. Ж.Бад¬раа гуай бид хоёрын "Чингис хаан", "Эр хоёр загал" зэрэг дууны vг,аяыг сvрхий болсон шvv гэж магтаж билээ. Хэр баргийн юм тоодоггvй Ж.Бадраа багш ингэж vнэлсэн нь бид хоёр дуугаа мэргэжлийн байгууллагуудаар батлуулснаас илvvд vзэн бие, биеэ багахан тоосон. Насаа бол vргэлжийн залуу, бадрангvй сэтгэлгээтэй, амьдралын муу муухайг vл огоорогч, цагаан цайлган, хэт дэврvvн, хийсвэрлэг бодолтой хvн. Ийм хvн орчлонд олон байдаг бол муу муухай гэж хаана ч байхгvй гэмээр. Тvvний сэтгэл нь огторгуй хурмаст, уулсын оргил, хvслийн vл гvйцэлдэх єндєрлєг юм.

Урлагийн гавьяат зvтгэлтэн, профессор П.Хаянхярваа
Товуугийн Насанбуян бидэн хоёр багш шавийн барилдлагатай болсоор 40 гаруй жил болжээ. Миний ажигласнаар Т.Насанбуянд хэдэн онцлог бий. Юуны тvрvvнд тэр 96 зооглоод байгаа ээжийгээ бурханчлан шvтэж, хайрлан хvндэтгэдэг нь хэн бугайгаас ч онцгой. Удаахь онцлог нь хvvхдvvдтэй хэл амаа хялбархан ололцдог, тэдэн шигээ мєнхийн баясгалантай, сониуч, дэвэргэн, итгэмтгий. Дараахь онцлог нь тvvний бvхий л амьдрал нь дуу болой. Т.Насанбуян, дуу хоёрыг салгаж ярих аргагvй. Персийн их найрагч Низами "Vг зvрх сэтгэлээс тєрж, зvрх сэтгэлд тусмуй" гэсэнчлэн Т.Насанбуянгийн ая дуу тvvний зvрх сэтгэлд тєрж, ард олны зvрх сэтгэлд онож тусдаг увдистай. Тэрбээр 500 гаруй сайхан дуутайг бид мэдэх бєлгєє.

2006 оны тэр нэг тэмдэглэлт єдєр Т.Насанбуянгийн бичсэн "Тэнгэрт дvvлсэн орь залуу нас" хэмээх хорь гаруй хэвлэлийн хуудас номын талаар ярилцаж суутал харилцуурын дохио жингэнэж, намайг сураглаад Т.Насанбуянд Монгол улсын урлагийн гавьяат зvтгэлтэн цол олгохоор болсныг мэдэгдэхэд би сэтгэл догдлон Т.Насанбуяндаа харилцуураа шилжvvлж, энэ баярт мэдээг єєрєє сонсох боломж олгосон юм. Гэтэл тэрбээр хvvхэд мэт хєєрєн баярлаж, бараг л єрєєний адар хvртэл цовхрон "Ура" хашгирч догдолсон сэтгэлээ илэрхийлж ахуйг харан баясах завшаан надад тохиосон билээ. Урлагийн гавьяат зvтгэлтэн хєгжмийн зохиолч, нийтийн дууны эзэн, найрал дуу нэн ялангуяа хvvхдийн найрал дууны нэрт багш, удирдаач Т.Насанбуянгийн уран бvтээл ид эрчтэй, урамтай,ухаалаг vедээ єрнєж байна. Дуу бол хєгжмийн урлагийн тулгын гурван чулууны нэгэн. Дуунаас дуурь ургадаг жамтай. Иймд та бид ойрын ирээдvйд Т.Насанбуянгийнхаа анхны дуурийг шимтэн vзэж, сонсох гэгээн найдвар байгаа шvv.

Олон улсын сэтгvvлч, яруу найрагч, шинжлэх ухааны доктор Б.Дашзэвэг
Миний найз Т.Насанбуян Монголын ард тvмний хувь заяагаар тєрсєн, тэнгэрийн хvн гэж бахархаж явдаг шvv. Монголын хєх тэнгэрт нисэх онгоцны сvvн цагаан зам зурайхыг хараад анд минь ээжийнхээ мєємєнд тэмvvлсэн нялх хvvхэд шиг хєєрєн баясдаг гээч. Тэгээд ч ард тvмний маань зvрхэнд гуч гаруй жил уянгалж байгаа "Нисэгчийн дуу" тvvний авьяас билгээс тєрєєгvй харин єєрєє тэр гайхамшигтай сайхан аялгуунаас тєрсєн юм шиг хєєрєн баясдаг хvн дээ. Энэ сайхан дуу нь хvн бvрт жигvvр ургуулах шиг болдог шvv дээ. Тэр утгаар нь авч vзвэл анд минь тэнгэр заяатай, тэнгэрийн хvv яах аргагvй мєн. Т.Насанбуянгийн зохиосон нийтийн дуу эх орны минь єнцєг булан бvрт тєдийгvй хилийн чанадад уянгалж байдаг юм билээ. Эх орон, элгэн тvмнээ санасан нутаг нэгтнvvд маань хэдэн жилийн ємнє алс холын Парис хотод нэгнийдээ цуглаад Т.Насанбуянгийн дуугаар "Улаанбаатарынхаа гудамжаар алхалж", "Орь залуу нас"-аар жигvvрлэнхэн, "Мєнгєн цагаан хєлгєє бариад" дvvлж явахыг нь сонсоод нутгаа санасан сэтгvvлч би нулимстай нvдээрээ инээн баясч явлаа.

Тєгсгєл
Товуугийн Насанбуян ард тvмнийхээ зvрхэнд зул болон гэрэлтсэн авьяас билэг тєгєлдєр хєгжмийн зохиолч, найрал дууны багш, цээл сайхан хоолойтой дуучин. Тэрбээр зохиосон дуу бvхнээ єєрєє аялан байж, ая данг нь тааруулна. Зарим дууныхаа шvлгийг єєрєє бичиж уянгалаг сайхан ая хийж, дуу хууранд дуртай ард тvмэндээ єргєн барьжээ. Товуугийн Насанбуян урьд ємнє хийсэн бvтээлvvдээсээ илvv сайхан бvтээл хийхсэн гэж цаг vргэлж сэтгэл зvрхэндээ шатаж, эрэл хайгуул хийж, алжаал ядралыг умартан ажилладаг хєдєлмєрч нэгэн. Дотнын анд минь шинэ оны босгон дээр миний бичсэн "Насны ганцхан хань" гэдэг дууны vгэнд минь тун чиг уянгалаг сайхан ая хийж намайг ихэд баярлуулсныг єгvvлэх юун. Тvvний сvлд болсон "Нисэгчийн дуу"-нд нь МИАТ-ийнхэн 2005 онд цагаан гантигаар хєшєє босгож хєгжмийн зохиолчийн суу алдрыг мєнхжvvлжээ. Амьддаа уран бvтээлдээ хєшєє босгуулна гэдэг хорвоод хосгvй хувь заяа буюу.

Сан.Пvрэв
Монголын зохиолчдын эвлэлийн шагналт зохиолч

Мэндчилгээ

2009-12-30T21:53:00.001-08:00

Шагнал гардууллаа

2009-12-30T21:34:00.000-08:00

Монголын Залуучуудын Холбооны "Тэргүүний залуу алтан медаль"-иар ИНЕГ-ын Нисэх буудлын үйлчилгээний мэргэжлийн хэлтсийн мэргэжилтэн, Иргэний нисэхийн залуучуудын холбооны тэргүүлэгч Б.Болор-Эрдэнэ шагнагджээ. Шагналыг өнөөдөр ИНЕГ-ын дарга Г.Даваа гардууллаа.

Нийт залуусынхаа өмнөөс Б.Болор-Эрдэнэдээ эрүүл энх, сайн сайхныг хүсэн ерөөе !

Иргэний нисэхийн залуучуудын холбоо

ИНЕГ-ын даргын мэндчилгээ

2009-12-30T20:12:00.001-08:00

2009 он Та бидэнд урам зориг нэмж амжилт бүтээл, ухаарал, бодрол, сургамж, эргэцүүлэл аль алиныг нь үлдээж өгсөн он боллоо.

Ард түмнийнхээ дунд нисэхийнхэн гэдэг тодотголтой бид өөрийн эрхэлсэн ажил үүрэгтээ чадварлаг, хариуцлагатай ажиллалаа. Иргэний нисэхийн ерөнхий газрын эрхэм зорилгын хамгийн чухал хэсэг эдийн засгийн үр өгөөжтэй, нисэхийн аюулгүй ажиллагаа, аюулгүй байдлыг найдвартай хангаж ирсэн билээ.

Энэ хугацаанд Иргэний нисэхийн ерөнхий газрын даргын томилгоо удсан хэдий ч үйл ажиллагаа хэвийн явагдаж ирсэн ба хийж бүтээсэн ололт амжилтыг нэг бүрчлэн дурдваас их цаг хугацаа орох болно. Ерөнхийдөө, нийт орлого 10 гаруй тэр бум тегрөгөөр нэмэгдэж түүний үр дүнгээр 100 гаруй ажиллагчдын нийгмийн асуудлыг шийдэх боломжтой боллоо. Үйл ажиллагааны зардлаа 2 тэр бум төгрөгөөр хэмнэж ажиллаа. Энэ бүхэн бол Иргэний агаарын тээвэрчид та бидний хичээл зүтгэл, эе эвийг эрхэмлэн дээдэлсэн сэтгэлийн үр яах аргагүй мөн.

Улирч буй онд Нисэхийнхэн бид Иргэний нисэхийн олон улсын байгууллага (ИКАО) аудит шалгалтанд бэлтгэж олон дүрэм, журмыг шинээр боловсруулан мөн олон дүрэм, журамд нэмэлт өөрчлөлт хийж мөрдөж байна. Орон нутгийн 4 нисэх буудал, 3 радар, 4 ВОР/ДМЕ гэх зэрэг шинэ шинэ тоног төхөөрөмжийг суурилуулан ашиглалтанд орууллаа.

Зарим агаарын тээвэрлэгчид шинэ онгоцоор паркаа ергөжүүлэн шинэ чиглэлд нислэг үйлдэж байгаа зэрэг амжилтаар хуучин оноо үдэж байгааг онцлон тэмдэглэх хэрэгтэй. Хэдийгээр бид нарт олсон ололт амжилт байгаа ч цаашдынхаа ажилд илүү ихийг бүтээж, шийдэж болох асуудлуудыг орхигдуулсан байгаа нь нэгдүгээрт, Йргэний нисэхийн даргын томилгоо удсан, хоёрдугаарт, Зарим шийдвэрлэх асуудлуудын хууль эрх зүйн үндэслэл хангалтгүй байгааг хэлэх хэрэгтэй.

Ирж буй шинэ 2010 он бидний үйл ажиллагаанд онцлог жил болно. Монгол улсад нисэх хүчин байгуулагдсаны 85 жилийн ой тохионо. Мөн Иргэний нисэхийн олон улсын байгууллага /ИКАО/-аас ирэх зургадугаар сард нисэхийн аюулгүй ажиллагааны аудит шалгалт, 11-р сард нисэхийн аюулгүй байдлын аудит шалгалт тус тус ирнэ.

Бид энэ шалгалтанд санаачлагатай бэлдсэнээр Монгол улсын нэр хүндийг дэлхийн тавцанд өндөрт өргөж, цаашид гадаад орны иргэний нисэхийн байгууллагуудтай мөр зэрэгцэн ажиллаж байгаа гэдгээ нотлохын сацуу нислэгийн аюулгүй ажиллагаа, аюулгүй байдлын хангалт өндөр түвшинд гарна гэдэгт итгэж байна.

Манай Нисэхийнхэн алдаанаасаа сургамж авч, ололт амжилтаа эгнэгт бататгаж, ирж болох ямар ч сорилт шалгалтыг эвийн ухаанаар, эеийн хүчээр сөрөн зогсож, даван туулж чадна. Бид чадна.

Алдаа дутагдал, амжилт бүтээлийн аль аль нь манай салбар, нийгэм, иргэн бүрт байдаг учраас бид аль болох бодож эргэцүүлэх замаар шийдвэр гаргадаг байхыг эрхэмлэж байна.

Би тэргүүлж буй салбарынхаа хамт олон, миний ажлыг өдөр тутмын удирдлагаар хангадаг Засгийн газар, өдөр тутмын ажилд маань зохих дэмжлэг үзүүлдэг төрийн болон төрийн бус байгууллагууд, манай агаарын тээврээр үйлчлүүлдэг ард түмэнтэйгээ хамтран хичээн зүтгэсээр байх болно гэдгээ илэрхийлье.

Манай ахмад үеийнхнээс билэгдэн ерөөж ирсэн тэнгэр нь цэлмэг, суулт нь зеөлөн байх болтугай гэдэг ерөөлийг салбарынхаа хамт олонд хүргэе. Ерөөл билэгдлийг эрхэмлэдэг Монголчууд бидний хувьд 2010 он өсөж үржихийн билэгдэл болсон есөн цагаан хүсэл нь биелсэн жил болоосой гэж хүсч байна.

Төрийн сүлд ивээж, түмний заяа түших болтугай.

ИНЕГ-ЫН ДАРГА Г.ДАВАА

Тэнгэрийн суудал. "АБХА" хамтлаг

2009-12-28T00:27:00.000-08:00

Тэргүүлэгчид хуралдлаа

2009-12-23T22:49:00.000-08:00

ИНЗХ-ны тэргүүлэгчид хуралдаж 2009 онд хийж бүтээсэн ажлаа хэлэлцэж дүгнэлээ. Ажлын тайлангаа Монголын залуучуудын холбоонд хүргүүлэх, мөн МЗХ-ны шагналаар шагнуулах залуучуудын талаар алба салбараас ирүүлсэн саналуудыг хэлэлцэж хүргүүлэхээр тогтсон байна.

Хурлаар хэлэлцсэн асуудлууд:

1. 2009 оны төлөвлөгөөний биелэлт
2. ИНЕГ, МЗХ-ны шагналд нэр дэвшүүлэх
3. Лекц уншуулах
4. Гадаад харилцааг хөгжүүлэх

Мөн ИНЗХ-ны тэргүүлэгчдийн бүрэлдэхүүнд өөрчлөлт оруулж "Чингис хаан" ОУБ, ГТҮША-наас тэргүүлэгчдээ өөрчилсөн байна.

Буянт-Ухаа баг өрсөлдөнө

2009-12-23T03:01:00.000-08:00

Монголын волейболын үндэсний лигийн тэмцээн өнгөрсөн аравдугаар сарын эхээр Эрдэнэт хотод эхэлсэн.

Харамсалтай, томуугийн А хүрээний H1N1 вирусийн улмаас лигийн тэмцээн тодорхойгүй хугацаагаар хойшилсон. Тэгвэл ирэх оны хамгийн эхний тэмцээн волейболын үндэсний 14 дэх удаагийн лигийн тэмцээн байх бололтой. Спортын төв ордонд ирэх сарын 3-14-нд лигийн тэмцээн өдөр бүр явагдах юм байна.

Энэ удаагийн лигт эрэгтэйчүүдийн өнгөрсөн жилийн аварга “Буянт-Ухаа”, мөнгөн медальт “Харх” , хүрэл медальт “Эрчим”, “Уурхайчин”, “Ноён”, эмэгтэйд “Эрчим”, “ТЭЦ IV”, “Уурхайчин”, “Бөртэ чоно” 2009 наадмын шилдэг багаар тодорсон “Энагурэ” гэсэн дөрвөн баг тойргоор тоглож аваргаа тодруулна.

Мэдээллийн эх сурвалж: http://news.gogo.mn/

4000 төрийн албан хаагчийг орон сууцаар хангах үйл ажиллагааны үзэсгэлэн зохион байгуулагдана

2009-11-30T21:57:00.000-08:00

Иргэд, төрийн албан хаагчдыг Орон сууцны урт хугацааны зээлд хамруулах үйл ажиллагааг хэрэгжүүлэхэд бэлэн болжээ. Энэ тухай өнөөдөр холбогдох албаны хүмүүс мэдээлэл хийсэн юм.

Урт хугацааны зээлээр 4000 айлын орон сууц борлуулах энэхүү үйл ажиллагааны танилцуулга үзэсгэлэн ирэх сарын 2-12ны өдрүүдэд Баянмонгол хороолол дахь үзэсгэлэнгийн танхимд зохион байгуулагдах юм байна. Та энэ талаар сонирхож байвал тус үзэсгэлэнг зорьж дэлгэрэнгүй мэдээлэл авах боломжтой аж.

Зээлийн Ерөнхий нөхцөл:

-Зээлийн хэмжээ: 40 сая хүртэл
-Зээлийн хүү, хугацаа: Татан төвлөрүүлсэн эх үүсвэрийн хүү, хугацаанаас шалтгаалан Сангийн яам тогтооно
-Урьдчилгаа: Орон сууцны үнийн 10 хувиас доошгүй байх

Зээлийн шалгуур:

-Төрийн байгууллагад 3-аас доошгүй жил ажилласан байх
-Зээл хүсэгч нь хугацаанаас өмнө тэтгэвэрт гарах тохиолдолд урьдчилгаа төлбөрийг нэмэгдүүлэн тохируулга хийх боломжтой байх
-Зээл хүсэгч нь Зээлийн ерөнхий нөхцөлийн 1-т заасан зээлийн хэмжээг бүрэн ашиглах тохиолдолд зээлд хамрагдах өрхийн 2 гишүүний сарын дундаж цалингийн нийлбэр 650,000 төгрөгөөс дээш байх

Бүрдүүлэх материалын жагсаалт:

-Төрийн албан хаагчийн зээлийн өргөдөл, анкет
-Иргэний бичиг баримтын нотариатаар баталгаажуулсан хуулбар /хамтран зээлдэгч, өрхийн насанд хүрсэн бүх гишүүдийн/
-Гэрлэлтийн баталгааны нотариатаар баталгаажуулсан хуулбар
-Ажлын газрын тодорхойлолт /орлого олж байгаа өрхийн бусад гишүүдэд адил хамаарна. Тодорхойлолтод ажил, албан тушаал, ажиллаж буй хугацаа, цалингийн хэмжээг тусгасан байна/
-Нийгмийн даатгалын дэвтрийн нотариатаар баталгаажуулсан, НДБайгууллагаар бүрэн баталгаажсан хуулбар /өрхийн орлоготой бүх гишүүдийн/
-Өрхийн бусад орлого тодорхойлох баримтууд /гэр бүлийн бусад гишүүдийн бизнесийн, түрээсийн, ажил үйлчилгээний гэх мэт/
-Орон сууц худалдах, худалдан авах гэрээний нотариатаар баталгаажуулсан хуулиар
-Үл хөдлөх эд хөрөнгийн лавлагаа

Маргааш дэлхийн дахинаа ДОХ-оос сэргийлэх єдрийг тэмдэглэн єнгєрvvлнэ!

2009-11-30T01:57:00.000-08:00

Єнєєдєр дэлхий дахинаа 34 790 172 хvн ХДХВ/ДОХ-ын халдвартай амьдарч байна. Мєн 16 секунд тутамд нэг хvн ДОХ-ын улмаас амь насаа алдаж, 12 секунд тутамд нэг хvн ХДХВ-ийн халдварт єртєж байгаа тоо баримт байдаг. Хамгийн харамсалтай нь 15-аас доош насны 1,9-2,3 сая хvvхэд єдгєє ХДХВ-ийн халдварт єртєєд байна. Манай улсын хувьд єнєєдрийн байдлаар 61 хvн ХДХВ/ДОХ-ын халдварт єртсєн гэдэг мэдээлэл бий. Харин манай хойд хєрш ОХУ-д халдвартай хvний тоо 10 саяыг даваад байгаа бол ємнєд хєрш БНХАУ-д 1,5 сая хvн байгаа гэсэн албан ёсны тоо байдаг. Харин албан бус тоогоор ємнєд хєршид хавьгvй олон халдвартай иргэн бий гэсэн таамаглалыг дэвшvvлдэг юм. Сvvлийн vед манай орны залуусын хувьд шилжих хєдєлгєєн нэмэгдсэн учир илvv эрсдэлтэй байдал бий болоод байна. Хойд ємнєд хєршvvд болон Ємнєд Солонгос зэрэг ХДХВ/ДОХ-ын халдвар эрчимтэй нэмэгдэж буй орнууд руу ихээр зорчих болсон нь залуусын хувьд тун ч болгоомжтой байх хэрэгтэйг сануулж байна. ХДХВ/ДОХ нь урьдчилан сэргийлж болдог халдвар гэдгийг хэн хvнгvй мэднэ. Хэрвээ та бэлгийн хавьталд орохдоо бэлгэвч хэрэглэж, тохиолдлын бэлгийн хавьталд орохоос зайлсхийж сурах аваас энэ халдварт єртєхгvй боломж танд байна. Мєн эмнэлэгийн байгууллагуудаар vйлчлvvлэхдээ нэг удаагийн зvv тариур, багаж хэрэгслийг хувь хvнийхээ vvднээс шаардаж vйлчлvvлэх эрхтэй. Энэ нь шивээс хийлгэхэд ч хамаарна. Хамгийн гол нь нэгэнт ахуйн замаар халдварлахгvй тул ХДХВ/ДОХ-той иргэдийг бvv ялгаварлан гадуурхаж, гутаан доромжлоорой. Тэд таньтай л адил хvн гэдгийг санаж, тэднийг нийгэмд сэтгэл санаа єєдрєгєєр ажиллаж, амьдрахад нь туслаарай.

http://gokzaluus.wordpress.com/ -ээс авав.

АА-ны дарга Б.Мөнхжаргалын авсан гэрэл зургуудаас...

2009-11-29T23:59:00.000-08:00

Сонирхолтой зурагнууд

Хөгжлийн өөр гарц (Ц.Бат)

2009-11-29T06:46:00.000-08:00

Телевизийн нэг сувгаар орвонгоороо эргэсэн Монголын уул тал, ширгэсэн голууд, нөгөө сувгаар Оюу толгой, Таван толгой тойрсон хэрүүл, бас нэг сувгаар нь олоогүй (олдохгүй) ашгаа хуваах толхилцоонууд гарч байх юм. Олон хүний ярианаас уул уурхай хөгжвөл ажлын байр нэмэгдээд ард нийтээрээ цэнгэлийн манлайд ойртох тухай санаанууд хөвөрнө.

Мөнгийг тэрбумаар нь хүүдийлж, мянгыг амны цаас шиг тоохгүй болох цаг өнөөгийн хариуцлагагүйн үерээс азаар амь гарсан жаахан хүүд ирэх юм байх. Монголчууд үнэхээр уул уурхайгаар халуурч байна. Олон “эрдэмтэд”, “эдийн засагчид”, “суутнууд” үүнээс өөр хөгжлийн гарц үгүй хэмээн “нотолцгоон” энэ халуурлыг солиорол руу улам ойртуулна. Улс төрчид маань алсын хараа гэхээсээ өнөө маргаашийн оноо цуглуулах жалгын улс төр, популизмаар амьсгалан улсаа “зална”. Харамсалтай нь жалгын улс төрөөр залагдсан улс жалга ангал руу л дөхөх нь ойлгомжтой.

Олон олон “эх орончид”-ын нэгэн адилаар би ч бас уул уурхайн халуурлыг битүүхэндээ дэмжиж л байна. Гэхдээ цэнгэлийн манлайд түүний тусламжтайгаар хүрнэ гэдэг утгаар нь бус, харин дээрмийн уул уурхайн уруй Монголыг дайраад бүх юм болоод өнгөрсөний дараа хаягдал шороон дээрээ хөөрхий нинжа шиг хоосон хоцорсон Монголчуудын нүд гэнэт нээгдэж, ухаарал сэхээрлээ аван өөр аргаар амьдрах арга хайж олох зөв цагийг ойртуулахад өнөөгийн энэ халуурал хэрэг болох болвуу гэдэг утгаар нь. Ер нь бол газрын гүнээс гамшгаас өөр энгийн ардад наалдацтай юм нэг их гарч ирэх нь юу л бол. Ашигтай наалдацтай юмс гарч ирлээ ч энэ баялагаар нь зөвхөн өнөө үеийхэн л туйлаад, талаар нэг нялаад л дуусгах шинжтэй. Харин дараа нь олсон хэдээрээ сүйдэж гундсан уул овоодоо мянгантаа тахиад ч амь зуух аргагүй болох өдөр энэ хурдаар явбал нэг их холгүй бололтойдог. Уул уурхай шүтсэн “хөгжлийн” энэ гарц ер нь нэг л бишээ.
Тэхдээ Монголчууд бид нэгэнт олон уурхай нээгээд арвин нүгэл хуралдуудаад эхэлчихсэн тул ядаж одоо байгаа тэднээсээ олж байгаа хэдээ зөв зарцуулан алсдаа хөнөөл багатай аргаар хоолоо олдог болох аяаа бодож байхгүй бол горьгүй нь ээ. Хэдүүлээ ухаад авчихсан уурхайн шороон дээрээ шалз шиг хаягдан санаашрахаасаа өмнө хөгжлийн өөр гарцыг хайцгаая.
Хөгжилд хүрнэ гэдэг бол зөв бизнесийг олж зөв хөгжүүлнэ л гэсэн үг юм. Бизнес амжилттай байхад гурван гол зүйл тун ч чухал байдаг юм. Тэр нь нэгдүгээрт байрлал, хоёрдугаарт байрлал, гуравдугаарт мөн л байрлал байдаг. Оюу толгойн зэс олдошгүй баялаг агууламжтайдаа ч биш, таван толгойн нүүрс илүү илчтэйдээ ч ингэж үнэд ороод байгаа биш юм. Оюу толгой бол бараг хайлах цехийнхээ гадаа байгаа хүдэр, таван толгой бол зуухныхаа аман дээр шахуу байгаа нүүрс гэдэгтээ л ингэж түмний хорхойг нь хөдөлгөөд байна. Байрлал л гол үүрэг гүйцэтгэсэн гэсэн хэрэг. Бас дээр нь нэмээд манай хяналтгүй, хариуцлагагүй, хямдхан төрийн систем их гарын шулаачдын хорхойг үнэхээр их гозолзуулж байна. Эдний хажууд Баруун Австрали, Хойд Куинслэндэд орон нутгийн “мэргэжлийн жинхэнэ хяналтын” түмэн шалгуурыг дамжин мянган шахалтын доор олборлосон эрдэс, эсвэл Мъянмарын хунтуудтай хуйвалдаж, Африкт тивээр нь иргэний дайныг үлээн хөгжөөж байж үнэ хөлс татвар түрээсгүй дээрэмдэн ачуулсан баялаг бүгд л илүү өндөр өртөгтэй болоод ирдэг. Өөрөөр хэлбэл тээврийн өртөг зардал шингэдэгээс өртөг нь өсдөг гэсэн үг. Ингэхлээр бизнесийн байрлалын давуу тал гэдэг бол тээврийн зардалтай л холбогдож яригддаг асуудал болох нь харагдаж байна. Хаана ч тийм байдаг, бүх төрлийн бизнест тийм л байсан. Тэр дотроо тээврийн бизнест өөрт нь хүртэл байрлал нь эргээд нөлөөлж байдаг.
Тээврийн бизнес гэснээс хөгжлийн өөр гарцыг эндээс өөрөөс нь хайвал яасийм бэ. Олон бизнесийн хувьд зардлын маш том хэсэг нь энд байдаг юм бол тээвэр өөрөө маш гайгүй орлоготой эд байх ёстой.

Сингапур хот усан тээврийн ашигтай байрлалаараа хөгжсөн байхад, Чикаго хот АНУ-н баруун зүүнийг холбосон авто болон төмөр замын тээврийн зангилаан дээр цэцэглэжээ.
Монгол шиг далайгүй, замгүй газарт агаарын тээврээс өөр үсрэнгүй ирээдүйтэй бүтэц ажиглагддаггүй. Төмөр замын тээвэр маань маш хязгаарлагдмал зах зээлтэйгээс гадна өмчийн хэлбэр, удаан хөшүүн байдлаараа ямар ч найдварын очийг гэрэлтүүлэх боломжийг олгохгүй байна. Монголд транзит тээврийг хөгжүүлэх боломжтой гэж олон ярьдаг ч агаарын тээврээс өөр түүнийг төгс хэмжээнд нь хүргэх бизнес үгүй.
Иймд агаарын тээврийн боломжуудаа л сонирхоё.

Тээврийн төрлүүдийн дундаас агаарын тээврийн бизнесийн ашиг байрлалаас хамгийн ихээр хамаарч байдаг. Нисэх зай нь холдох тусам ашигтай ачаалалаа хасч оронд нь шатахуунаа ачихаас өөр аргагүй болж байдгаараа их онцлог. Орчин үеийн иргэний онгоцууд хамгийн их ачаалалтайгаар дээд тал нь 5500 далайн миль буюу 10190 км орчим нисэж чадахаар бүтээгддэг. Үүнээс хол зайнд нисэхээр болбол ачаалалаа хасаж зорчигчоо цөөлөн нисэхийг хичээдэг байна. Аль болох ихээр төлбөртэй ачаалал авч явж чадсан нь нэгжийн зарлаа бууруулж өрсөлдөөнд ялж гардаг. Харин ийм таатай маршрут зах зээлийг сонгож нисэх боломж улс болгонд тэгш байдаггүй. Нэг чиглэлд нь ашигтай байсан нэгэн нөгөө чиглэлд алдахаас өөр арга байдаггүй. Жишээ нь Эмиратс компани Европ, Энэтхэг рүү тун ч ашигтай нисдэг бол Австрали, Америк руу 7000-8500 миль нисэх болдог тул тааруухан ашигтай нисдэг. Сингапур Эрлайнз ч мөн адил Европ Америкаас холдоод ашиг нь буураад явчихдаг байна.

Монголын хувьд бол байрлал маань шал өөр байдаг. Дэлхийн талыг эзэлж байсан өвөг дээдэс маань бидэнд агаарын тээврийн хувьд чухамхүү үнэхээр алтан байрлалыг үлдээжээ. Монголын тал нутгаас дэлхийн ихэнх том хотууд руу агаараар нисэхэд цаад тал нь 5500 милийн зайтай л байдаг юм байна. Бүх чиглэлд дүүрэн ачаалалтай нисэх ийм боломж нь дэлхийн агаарын тээврийн компаниудын захирлуудын зүүдэнд л байдаг гэж болно. Гэтэл тэр боломж бидэнд бодитоор заяажээ. Австралийн Сиднейгээс авхуулаад, Европ, Ази бүхлээрээ, Зүүн Африкийн гайхамшигт онгон байгалаас өгсүүлээд Хойд Америкийн том хотууд бараг тэр чигээрээ энэ тойрогт байх юм. Зүүд ч юм шиг. Хамгийн сонирхолтой нь эдгээр нь зүгээр нэг Монголыг тойроод оршсонгүй. Бүүр мөрөөдлийн гэмээр байрласан байх ажээ. Дэлхийн хамгийн идэвхтэй агаарын харилцаатай улс, хотуудыг холбосон хамгийн дөт зам Монголоор дайран өнгөрөхөөр байна. Австралийг Англитай, Синга-г Шинэ Йорктой, Чикагог ХонгКонгтой, Холливудийг Болливудтай, Токиог Дубайтай, Паристай холбох хамгийн шулуун агаарын шугамууд Монголын тэнгэрээр өнгөрч байна. Гэтэл эдгээр нь бол жилд хэдэн сая зорчигчоор яригддаг сүпэр зах зээлүүд гэж байгаа. Монголд 20-30 онгоцоор дэлхийн 5 тивд нислэг хийж, өөрийн нутгаар дамжуулан транзит тээвэрлэлт хийн бусдын зах зээлээс мөнгө олдог Сингапур Эйрлайнз, Эмиратс, эсвэл жилд улсын хүн амаас ч олон хүнийг өөрийн буудлаар дамжуулан тээвэрлэдэг КЛМ шиг компани буй болгох ирээдүйн төлөө л ажиллах ёстой юм биш үү гэж бодогдож байна.
Дунджаар 20 онгоцтой дунд зэргийн нисэх компанийг ажиллуулахад дор хаяж нэг нисэгч сард 50-80 цаг ниснэ гэж тооцвол 300-380 нисэгч, онгоцуудыг бэлэн байлгах 2000-2500 инженер техникийн ажилтан, 4000-4500 үйлчилэгч, болон бусад ажилтан нийлсэн нийт 12000-15000 өндөр мэргэжилийн хүний ажлын байр шинээр бий болгох шаардлага байдаг. Үүн дээр агаарын тээвэрт үйлчлэх бусад бүтцийн ажилчдыг нэмбэл иргэний нисэхэд дор хаяж 20000-22000 ажлын байр шууд буй болох боломжтой харагддаг. Ер нь бол нэг том онгоц 1000 орчим ажлын байр үүсгэдэг.
300 орчим суудалтай 20 шахам тооны онгоцуудыг 70-80 хувь дүүргэлттэйгээр арваад гол зах зээлийн хооронд Монголоор дайруулан нисгэхэд бараг 1,3-2 тэрбум долларын орлогын боломж бас харагддаг.
Хамгийн гол нь агаарын тээвэр өөрөө аялал жуулчлал, хүнс, шатахуун үйлдвэрлэл, худалдаа арилжаа зэрэг олон салбарыг чирж явдаг тул улс орны эдийн засагт үзүүлэх нөлөө асар их бөгөөд ажлын шинэ байруудыг буй болгох үндсэн өдөөгч нь болох боломж их юм. Монголын хөдөлмөрийн чадвартай хүмүүсийн 20 хүртэлх хувь нь агаарын тээвэр болон агаарын тээвэртэй холбоотой ажилладаг салбараас ажил олох бололцоо бий. Нийтээрээ ажилтай байх хөгжлийн гарц чинь чухам энэ биш гэж үү? Нисэхтэй холбоотой салбарт ажиллахаас Монгол залуучууд зугатаана гэж үү.

Гэхдээ ийм болоход учир их бий. Дэс дараатайгаар үе шаттайгаар чиглэсэн нэгдмэл бодлоготойгоор явбал Монголыг дэлхийн агаарын тээврийн шинэ төв болгох боломж ойрын 6-8 жилд гарч болох юм. Эхний ээлжинд саалиа бэлдхээр саваа бэлд гэдэг шиг нисэх буудлуудаа бэлдэх хэрэгтэй байна. Ерөнхий сайдын Япон дахь айлчлалын нэг зорилт үүнд чиглэгдсэн нь тун ч олзуурхууштай. Одоо япон түншүүдээ шавдуулан ажлаа эхлүүлэх л хэрэгтэй байна. Эхний ээлжинд транзит зааланд нь буугаад мордсон хүн Монголд хэд хоноод хөдлөх сэтгэгдэл төрүүлэхүйц ганц сайн буудалтай байхад болоод явчих байх. Яваандаа агаарын тээвэр хөгжихийн хэрээр зайлшгүй 2-3 буудлын хэрэгцээ гарна. Тэр үед Хар хорин, Чойбалсанд нисэх буудал хөгжүүлж бүс нутгаа өөд нь татсан ч болохгүй зүйлгүй.
Хоёрдугаарт эрх зүйн үндсүүд маань бэлэн байх хэрэгтэй. Энэ бол улс төрийн шийдлийн маш чухал асуудал. Бараг ийм бизнесийн суурь хөрс нь ч гэж хэлж болох зүйл. Гол нь агаарын тээврийн эрхүүдээ нээж авах асуудал байдаг. Агаарын тээврийн нислэгийн эрхүүдийг улс орнууд бие биеэндээ харилцан солилцох журмаар л наймаацан олж авдаг зарчмыг эхлээд Парисын конвенцоор дараа нь Чикагийн конвенцоор баталгаажуулж буй болгожээ. Дэлхийн 2-р дайны дараа агаарын харилцааны эрхүүдийн эргэн тойронд явагддаг аэрополитик нь дэлхийн улс орнуудын хамгийн том анхаарал тавидаг асуудлуудын нэг болсон байна. Агаарын харилцааны хэлэлцээр байгуулна гэдэг бол улс орнуудын тусгаар тогтнолыг хүлээн зөвшөөрсөний давхар нотолгоо болж өгдөг нь үүний ач холбогдолыг ийнхүү өргөжээ. Алслагдмал олон улс орнуудыг шинэ хөрштэй болгож өгдөг гол гүүр нь агаарын тээвэр юм. Манай гурав дахь хөршийн бодлого ч энэ агаарын тээврээр дамжиж хэрэгжвэл тун ч сайхансан.
Агаарын харилцааны асуудал бол ганц салбарын ч биш улс орны гадаад бодлогын чухал асуудал мөний тул Ерөнхийлөгч, Ерөнхий сайд нар маань үгээ нэгтгэж энэ чиглэлд идэвхтэй хамтран ажиллаасай гэж хүсэх байна. Эхний ээлжинд Ерөнхийлөгчийн айлчлалын үеээр эртний харилцаатай Энэтхэгтэй байгуулсан стандарт гэрээгээ open sky хэлэлцээр болгож чадвал тун зүгээр юмсан. Хэрэв ойрын жилүүдэд идэвхтэй ажиллаж алс холд байгаа улс орнуудтай нээлттэй тэнгэрийн бодлого бүхий хэлэлцээрүүдийг байгуулж чадвал замаа чөлөөлчихөөд давхихад бэлэн боллоо л гэсэн үг. Дараа нь Европтой харилцаагаа шинэчлээд, АНУ, Сингапур, Шинэ Зеланд Чили зэрэг улсыг багтаасан олон талт лебирал хэлэлцээрт элсчихвэл ч.

Гэвч эцсийн эцэст бидэнд хүн л дутагдна. Нарийн мэргэжлийн хүмүүс дутагдна. Нисэгч, инженерүүд дутагдна. Нислэгийн удирдагчид маань цөөднө. Олон улсын өрсөлдөөнд дунд нарийн бизнесийн ньюансийг олж явж чадах чадварлаг менежерүүд дутагдана. Төр энэ дутууг гүйцээх бодлогоо эртнээс явуулах хэрэгтэй санагддаг.
Хамгийн сүүлчийн асуудал бол олон сая, тэрбумын үнэтэй олон онгоцыг яаж юугаараа авнаа гэдэг асуудал. Онгоц авахад нэг их олон зоос хэрэггүй байдаг юм. Өөрөө өөрийхөө төлбөрийг хийчихдэг бараг ганц бараа бол тээврийн онгоц. Санхүүгийн зөв схемээр явуулахад нэг хүндрэлгүй хийгддэг наймаа бол нисэх онгоцны арилжаа юм. Гол нь зах зээлийн баталгаа л чухал. Гэтэл бидний байгаа алтан байрлалаас дэлхийн зах зээл бараг тэр чигээрээ өмнө маань байна. Бидэнд эрх зүйн асуудлуудаа л зохицуулах үлдэж. Дээр нь гаалийн татвар хураамжийн тогтолцоогоо агаарын тээврийг дэмжихэд чиглүүлээд өгвөл энд төрийн зүгээс нэг их олон халамж харж үзээний хэрэггүй юм. Ер нь бол гай болохгүй бол хамгийн хурдан томордог бизнесийн салбар бол агаарын тээвэр. Ашигийн хувь харьцангүй багатай ч ажлын байр нэмэгдүүлэх нөлөөлөл нь үнэхээр гайхамшигтай.
Агаарын тээврийн бизнесийг ганц нэгээрээ хийдэггүй, нийлж нэгдэж байж хийдэг ярвигтай эд. Ганц нэгээрээ ч өмчлөхөөс зайлсхийцгээн цэрвэцгээдэг. Учир нь хариуцлагаа ганцаараа үүрэхээр зориглодог хоншоортон дэлхийд ховор. Иймээс Монголын олон капиталистууд, бизнесийн толгой тархинууд хэд гурваараа, эсвэл хэдэн арваараа хоршиж байж энэ бизнес рүү орвол дэлхийн өрсөлдөөнд тэсэж, ажлын байрыг олноор нь үүсгэж чадах байх оо. Ажлын байрыг ер нь бол хөгжиж байгаа аль ч салбар гаргаж чадна л даа. Харин Монгол залуус хүрзэт техник бариад өвгөдийнхөө бууцыг самрах “ажлын байр” руу хэр хошуурах юм бол доо гэдэг л байна. Харин агаар тэнгэрт аялан, онгон байгалаа үзүүлж жуулчин татах, ачаа тээвэрлэх, худалдаа арилжаа хийх гэх мэт бол огт өөр асуудал. Залуу хүн бүр ийм л ажлын байр руу тэмүүлж өөрийгөө хөгжүүлэхээр оролдох нь бараг баталгаатай юм. Сингапур Эйрлайнзд орох мөрөөдөлтэйгөөр өөрийгөө хөгжүүлсэн олон залуус Сингапурын эдийн засгийг нийтээр нь төрөл арилжтал нь өөрчилсөнийг дэлхий гэрчилнэ. Энэ бол нухацтайгаар бодох л ёстой хөгжлийн стратегийн асуудал юм.

Персийн буланд хэдэн нефть бүхий хэдэн жижиг улс байдаг. Экспортын хэмжээ нь Саудийн Араб, Иран, Иракийг бодвол өчүүхэн. Тэдийг дэлхий нийт сургаар гадарлах боловч хэн ч нэрээр нь нэрлэж мэддэггүй байсан үе саяхан. Гэтэл тэд ертөнцөд өөрсдийгөө мэдүүлэх мэргэн арга сэджээ. Нефтээс олсон мөнгөөрөө нэгнээсээ 300-500 км шахуу ойрхон зайд сүпер нисэх буудлуудыг байгуулан тэндээ Энэтхэг, Австрали, Африкийг Европтой холбон нислэг хийдэг авиа компаниудпыг байгуулж эхэлжээ. Qatar Airways, Emirates Airlines зэрэг нь асар түргэн томорч одоо дэлхийн хамгийн сүүлийн үеийн онгоцуудыг хамгийн олноор нь захиалагч болсон байх юм. Эднийг дагаад Кувейт болон арабын бусад авиа компаниуд ч өндийж байна. Хамгийн гол нь тэд баялагаа зарж амьдрахаа больж эхэлжээ. Агаарын тээврийг түшиглэсэн аялал жуулчлал, олон улсын худалдаа, бизнес санхүүгийн төвүүд цэцэглэж эхэлж. Ажлын байр үй олноороо буй болж улсынхаа бүх хүнийг ажлаар хангаад зогсохгүй гадаадаас ажилчид, өндөр мэргэжлийн боловсон хүчнүүдийг мянга түмээр нь соронздон татагч болон хувирч байх юм. Монгол нисэгч ч тэдний дунд буй.

Гэтэл бидэнд эднээс давуу байрлал байна, дутахгүй байтугай илүү их баялаг байна. Харин эднээс ялгаатай нь бид тамын тогоо шиг утаатай хар гэртээ түгжигдэжээ. Бие маань биш сэтгэлгээ маань түгжигдэж орхиж. Энэ түгжээнээс мултрах аргаа бид газар ухаж гарах л гэж харж байх шиг байна. Хонгил ухаад гарахаар оролдож байна. Гэвч ухах тусам уруудсаар, харанхуйлсаар, халтайсаар л байна. Газар ухсан хүнд уруудах л тавилан ирдэг. Учир нь газрыг өгсөх чиглэлд ухах боломжгүй.

Таминь ээ сэтгэлгээг маань түгжсэн тамын тогоо шиг хар гэрээсээ нүх ухаж оргох уу харин тооноороо тэнгэрээр дамжин гарах уу. Нэгэнт ухаад эхэлсэн уурхай, эзэмшээд эхэлсэн баялагаас олсон хэдээ талаар нэг нялаад, популизмд цацаад дуусах уу, харин агаарын тээвэр шиг хөгжлийн хурдасгуурт хийж араа бодох уу. Японы тусламжаар орж ирэх нисэх буудлын мөнгө бол яг энд мөрөөдөж өгүүлсэн хэмжээний бизнес босгоход хараахан хүрэлцэхгүй юм. Үлдсэнийг нь уул уурхайн олзноосоо оруулъя л даа найзуудаа. Агаарын тээврийн шилдэг төвлөрөлийг Монгол байгуулж буй болгоцгооё л доо.

Тамын тогоо шиг хар гэрээсээ тооноороо гарчихвал яасийн бэ хө? аан. Гарц бэлэн байна. Дээшээ хар. Сэтгэлгээгээ чөлөөлж авцгаая. Нэгэнт ухаж гаргасан шороогоо шалаар нэг тараан цацалгүй харин нэг газар овоолж тоонондоо хүрэх гишгүүр хийе.

www.tsahimurtuu.mn сайтнаас авав.

Омогшил

2009-11-25T22:55:00.001-08:00

Монгол Улс тунхагласны баярын мэнд !!!

2009-11-24T18:49:00.000-08:00

Тив дэлхийг сүрээрээ дарсан ...
Тэнхээт монголын үр сад танаа
Дээлэндээ багтамгүй зориг нь мөнх байг!
Дээдсээс өвөлсөн түүх нь бат байг!
Хөх тэнгэрийн оронд Нартайгаа мандсан сүртэй
Туурга нэвт гэрэлтэх өглөө эртийн нарнаар
Тусгаар улс минь тогтнож дэлхийд зарлаж мандсан түүхтэй
Харгуй зам дээр хүмүүс санаандгүй нэгнээ шүргэхэд
Хайрт эх орон минь адилхан тух алддаг
Тулгандаа галаа бадраасан..
Туурга тусгаар орны ард түмэндээ.
Улс тунхагласны баярын мэндийг хүргэе!

Иргэний нисэхийн залуучуудын холбоо

Шинэ Блог

2009-11-23T16:51:00.000-08:00

Эрдэнэт үйлдвэрийн Залуучуудын холбооны блогийг толилуулж байна.

Жаргалант цогцолбор

2009-11-11T00:07:00.000-08:00

Олимпийн аварга Э.Бадар-Ууган тун удахгvй дэвжээнд гарна

2009-11-09T02:59:00.000-08:00

Чансаагаараа эхний наймд бичигддэг таван тивийн шилдгvvд тулалдах уг тэмцээнд оролцохыг хvссэн урилга манай ширэн бээлийтнvvдэд ирээд байгаа гэнэ. Харин Монголын боксын холбооноос Олимпийн аварга Э.Бадар-Ууганыг оролцуулахаар шийдвэрлэсэн байна. Єнгєрсєн жилийн олимпоос хойш бэртэл гэмтэлд ороогдон боксын дэвжээнд тєдийлєн гараагvй байгаа Хєдєлмєрийн баатар маань энэ удаа жин єгсєн 57 кг-д єрсєлдєх ажээ. Мєн дэлхийн аваргын мєнгєн медальт Н.Тєгсцогт 51 кг, У.Мєнх-Эрдэнэ 64 кг, З.Энхзориг 60 кг-д тулалдахаар болжээ. Харин дэлхийн аварга П.Сэрдамбын хувьд уг тэмцээнийг єнжих гэнэ. Э.Бадар-Ууган Зүүнхараад бэлтгэлд гараад байгаа байгаа юм.

Г.Даваа даргын албан өрөөнөө өрнөсөн яриаг хүргэж байна

2009-11-05T05:30:00.000-08:00

Цагийн цагт олны нүд чихэнд өртөж, тэр чинээгээрээ хар сэрийг дагуулж байдаг байгууллага бол ИНЕГ. Агаарын тээврийн аюулгүй байдлын "манаан"-д аних нүдээ цавчилгүй зогсдог асар хариуцлагатай бас эмзэг мэдрэмтгий энэ салбарынхан шинэхэн даргаа хүлээж аваад удаагүй байна. Цэвэр мэргэжлийн ур чадвар, жинхэнэ чадал чансаа сорьдог энэ албаныхны тухай ИНЕГ-ын дарга Г.Даваатай ярилцлаа. Тэрээр хамт олон дундаасаа "мэндэлсэн" салбартаа 20 гаруй жил зүтгэж буй мэргэжлийн хүрээнд хүлээн зөвшөөрөгдсөн кадр. Удирдлагын хувьд таатай таагүй тал бүрийн уур амьсгалтай тулж суугаа Г.Даваа даргын албан өрөөнөө өрнөсөн яриаг хүргэж байна.
- Та ИНЕГ гэдэг энэ том айлыг удирдаад хэсэг хугацаа өнгөрчихлөө. Энэ хугацаанд хийж амжуулсан ажилдаа сэтгэл хангалуун байна уу? - ИНЕГ 2000 гаруй ажилтантай. Иргэний нисэхийн салбарын бодпогын асуудлыг хариуцаж, аюулгүй ажиллагааны хяналт тавин, эдийн засгийн зохицуулалтыг хийдэг, нисэх буудлын болон агаарын навигацийн үйлчилгээ үзүүлэх зэргийн олон төрлийн үйл ажиллагаатай байгууллага. Энэ байгууллагын даргын ажлыг аваад хамгийн түрүүнд эхлүүлж байгаа ажил маань байгууллагынхаа удирдлагуудтай ажиллах, ажилтнуудтай уулзаж санал солилцох, ажилтайгаа танилцах. Манай байгууллагын удирдлагууд сайн ажиллавал бусад ажиллагсдын ажил урагштай явна гэж би ойлгож байгаа. Товчхондоо хамгийн түрүүнд байгууллагыг унтаа байдлаас сэрээх талын ажил хийгдэж байна гэсэн үг. Удаан хугацааны хөгжүүлэх хөтөлбөр манайд алга байна, аюулгүй ажиллагааны талаархи бодлого зорилт алга байна. Тэгэхээр миний хувьд энэ байгууллагын урт хугацааны хөтөлбөрүүдийг боловсруулж 5-6 жилийн дараа ямар хэмжээний байгууллага болох вэ гэдэг тал дээр ажиллаж эхэлж байна даа.
- Танай байгууллага даргагүй нэлээн хугацааг өнгөрөөсөн. Ажил үүрэг цалгардсан талыг нь унтаа гэж хэлээд байна гэж ойлгож байна? - Удирдлагын асуудал шийдэгдэхгүй удаан хугацаанд явчихсан учраас ажилтнууд ерөнхийдөө жаахан хойрго болчихсон байна. Зүүрмэглэж байгаа хүмүүсийг сэрээхээр мэдээж ундууцна. Шинэ дарга орж ирээд шаардлага тавьж, хариуцлага ярихаар нэг хэсэг нь хүлээж авна, нөгөө хэсэг нь юу болж байгааг сайн ойлгохгүй тийм байдалд орчихдог. Яг ийм байдал энэ байгууллагад байна. Энэ талаар хүмүүс зах зухаас нь сонин хэвлэлээс харж байгаа байх. Энэ байгууллагыг зөв залахын тулд хүнтэй нь л ажиллах ёстой. Хүнтэй ажиллана гээд би 2000 хүн тус бүртэй нь ажиллаж чадахгүй. Тэгэхээр удирдлагын түвшинг зохион байгуулахдаа барууны болон манай монголчуудын хэрэглэдэг тэр арга барилыг хэрэглэхээс өөр арга байхгүй. Тэгэхээс би өөрөө удирдлагын шинэ онол гаргаж ирээд шинэ системээр явна гэж байхгүй. Өөрийн ур чадварын хэмжээнд удирдлагын системийг мэдээж бүрдүүлж байгаа. Өнөөгийн байдлаар хүмүүсийн хандлагыг жаахан өөрчлөх, ухамсрын түвшинд ажиллах тийм л ажил хийж байна. Энэ хүн ямар ажил хийх гээд байгаа юм, ямар хөтөлбөр явуулах гээд байна тэр тал дээр хүмүүстэйгээ ойлголцож, нэг баг болохыг л зорьж байна.
- ИНЕГ-ын өмнөх дарга хэвлэлийн бай болж байж албанаасаа чөлөөлөгдсөн. Тэр орон зайн дээр орж ирж ажил үүргээ шинээр явуулж байгаа хүний хувьд хэдийгээр дотор нь он удаан жилээр ажиллаж байсан ч гэсэн өөрийн хэмжээнд сэтгэл зүйн бэлтгэлтэй байсан болов уу? - Тийм. Би өөрийгөө онол, арга туршлагын хувьд тодорхой хэмжээнд бэлтгэгдсэн боловсон хүчин гэж үздэг. Түрүүчийн даргын хувьд нэлээд ажил хийсэн. Хийсэн ажлыг нь ихэнхдээ сонин хэвлэлээс хүмүүс үнэлж байгаа байх. Хөгжлийн хувьд ажилтнуудын ухамсар тодорхой хэмжээнд хүрчихсэн. Тэгэхээр энэ хүмүүсийг байгаа байдлаас нь яаж урагш ахиулж хөгжүүлэх вэ гэсэн бодлоор ажиллаж байгаа.

- Бид ил тод, ардчилсан нийгэмд амьдарч байна. Дарга удирдлагынхаа асуудлыг хэнбугай нь ч очоод хэвлэлээр дэлгэчихэж болно. Гэхдээ л танай байгууллагын толгойгоороо оролддог амбиц хэтрээд байх шиг. Дарга бол хүн болгонд бас таалагдах албагүй шүу дээ? -Миний бодол бас тийм л дээ. Дарга хүн болгонд таалагдах албагүй. Гэхдээ миний барьж ажиллаж байгаа зарчим бол ерөөсөө л ил тод байх. Наад зах нь гэхэд л веб сайтыг олон нийтэд илүү хүргэж ажлаа сурталчилъя гэж бодож байгаа. Тэгэхээр ИНЕГ-ын дарга, удирдлагын бүх тушаал шийдвэр вэб сайт дээр гардаг болсон. Он, сар, цаг хугацаатайгаа, хүсвэл хувилж авч болно. Ер нь манайд урьд нь нууц гэж үзэж байсан бүх мэдээллүүд вэб хуудсанд чөлөөтэй тавигддаг болсон. Хөрөнгө оруулалтын төлөвлөгөө гэхэд цөөхөн хэдэн хүний гарт явдаг байсан бол бүгдийг нь вэб хуудсанд оруулсан. Тендер зарлах ажлыг ч оруулж байгаа. Дүгнэлт, байгуулсан гэрээ бүгд тавигдаж байгаа. Засгийн газрын ил тод байдлын тухай тогтоол өнгөрсөн 6-р сард гарсан. Тэр ил тод байдлын шалгуурыг би өөрийнхөө ажлын нэг багаж болгон хэрэглэж байгаа.
Тэгэхээр энэ шалгуурт нийцэж ажиллахаар л бүх ажлыг зохион байгуулж байгаа. Ер нь ил тод байна гэдэг ялангуяа даргад тийм ч их хүсэх асуудал биш нь ойлгомжтой. Гэвч ард түмэн ил тод байхыг шаарддаг. Өөрт хүнд байгаа ч гэсэн би аль болох ил тод байхыг л хичээж байгаа. Мэдээж ажиглагчдын хувьд ийм мэдээллийг тавих уу тавихгүй юу гэдэг асуудлууд гардаг. Засгийн газрын ил тод байдлын шалгуурыг гаргасан тогтоолын хүрээнд багтаж байгаа бол би заавал тавь гэдэг. Ил тод байдлын шалгуур үзүүлэлтэд ажилчдыг сонгон шалгаруулж авах нэг шаардлага байдаг. Сүүлийн үед 10-аад хүний ажлын байрыг сонгон шалгаруулалт зарлаж сонгож авсан. Мэдээж эхнээсээ шалгуулах бүх хүн ажлын байрны талаар мэдээлэл аваагүй юм шиг байна лээ. Зарим хүмүүс ийм тийм ажил хиймээр байна гэж шалгаруулалт дууссан хойно хүсэлт гаргадаг. Тэгэхээр байгууллагын бүх ажилчдад хүртээлтэй байх хэмжээнд сурталчилж чадаагүй юм байна гэдгийг ойлгож байгаа. Гэхдээ эхний гараа зөв явагдаж байгаа.
Бид сая Хөвсгөлийн нисэх буудлын даргын сонгон шалгаруулалт явуулахад олон хүн саналаа ирүүлсэн. Тэр дундаас ОХУ-д нисэхийн академи төгссөн, Чингис хаан нисэх буудалд 10-аад жил ажиллаж байгаа эрч хүчтэй чадварлаг залуу саналаа өгсөн байсан. Тэр залуу шалгарч ажилдаа томилогдсон. Булганы нисэх буудалд мөн адилхан боловсрол чадвартай залуу томилогдсон байгаа. Увс, Говь-Алтайн нисэх буудал дээр ч сонгон шалгаруулалтаар явуулсан. Мөн гадаад дотоод явдаг сургалтуудад удирдлагын нэр заасан хүмүүс явдаг байсан бол одоо бид өөрчилж байна. Ямар чиглэлээр энэ байгууллагыг хөгжүүлье гэж бодож байна, тэр хүмүүст хүргэхийн тулд сонгон шалгаруулалт явуулж байгаа. Бээжин хотод "Ядаргааны эрсдлийн менежмент" гэдэг сургалтанд нислэгийн удирдагч нарын дунд бичлэгийн уралдаан зохион байгуулаад шалгарсан 3 хүнийг явуулсан. Тэр 3 хүнийг энэ чиглэлээр судалгаа хийгээд байгууллагаа, хүмүүсээ, өөрийгөө хөгжүүлэх тийм эрмэлзэлтэй хүмүүс гэж ойлгож болно. Тайланг нь вэб хуудсанд тавьсан. Тийм хүмүүс л ажил урагшлуулж хөгжлийг авчирна. Ер нь цаашид мэргэжлийн хүмүүсийн өөрсдийнх нь сонирхол ямар чиглэлд байна түүнд үндэслэж ажлаа явуулах зорилготой байгаа.
Олон нийтийн байгууллагуудыг татан оролцуулж өөрсдийнх нь тавьсан зорилгынх нь хэмжээнд ажил хийлгэдэг байя гэсэн бодолтой байгаа. Гадаадын мэргэжлийн хүмүүсийг авч ажиллуулах зорилго бас бий. Ер нь удирдлагууд хэрхэн ажиллаж байгааг вэб хуудаснаас харж болно. Үүрэг чиглэл өгөхдөө дандаа и-мэйлийн систем хэрэглэж байгаа. Би өглөө 8-10 цаг хүртэл и-мэйл дээрээ суудаг. Вэб хуудсаар хүмүүсийн явуулж байгаа мэдээллийг харна, хянадаг. Ер нь олон улсын менежмент болсон электрон засаглалыг хөгжүүлэх тал дээр арга хэмжээ авч байгаа. Цаашид манай бүх үйл ажиллагаа электрон засаглалд шилжинэ.
- Та "Салбар маань өөрөө нийтийн анхаарлын төвд байдаг. Тиймээс ч олны нүд чих их орж хар сэр дагуулдаг" гэж ярьж байсан. Хүмүүс бол ИНЕГ мөнгө хүүдийлдэг газар, дарга нь уутны аман дээр суусан нөхөр л гэж байдаг нь таньд мэдрэгддэг байх? - ИНЕГ-ын дарга гэдэг үнэхээр өндөр хариуцлагатай, томоохон мөнгөний шийдвэр гаргадаг албан тушаал. Тэрнийхээ хэмжээгээр дандаа хардлага сэрдлэг дагуулж байдаг. Энэ албан тушаалтны хажууд нь ирчих бодолтой хүмүүс ч их байдаг юм байна. Хувь хүмүүсийг буруутгаад байгаа юм биш. Ерөөсөө ийм асуудлыг шийдэх ганцхан арга зам байна. Тэр арга бол системийн хэмжээнд шийдвэрлэх. Өөрөөр хэлбэл энэ байгууллагад бүтцийн өөрчлөлт хийх хэрэгтэй. Эхний ээлжинд агентлагын үйлдвэрлэлийн болон бизнесийн үйл ажиллагааг тусад нь биеийг нь даалгаж явуулах ёстой гэж бид ойлгож байгаа. Тэгэхээр үүнийг иргэний нисэхийн тухай хуулинд өөрчлөлт оруулсны дараа хийх бүрэн боломжтой. Бид ч саналаа явуулсан. Бүтцийн өөрчлөлт оруулахад хамгийн хүндрэлтэй асуудал нь ерөөсөө л байгууллагын санхүүжилтийн асуудал. Санхүүжилт нь олон улсын нислэгээс 80 хувь нь орж ирдэг, бусад 20 хувь нь үйл ажиллагаанаас бий болж байдаг ийм онцлогтой. Тэгэхээр тэр 80 хувийн орлого олдог байгууллагыг тусад нь гаргачих юм бол бусад нь яах вэ. Орон нутгийн нисэх буудлууд, агентлагынханы ажил төдийлөн сайжрахгүй байх магадлалтай.
Яагаад гэхээр нисэхийн аюулгүй ажиллагаа гэдэг бол ерөөсөө хүний ухамсар мэргэжлийн ур чадвар дээр тогтдог зүйл. Иймд аюулгүй ажиллагааны ажилтнууд, нэгдүгээрт, өндөр мэргэжилтэй байх ёстой. Хоёрт, урт удаан хугацаанд ажилласан туршлагатай байх ётой. Мөн боломжийн хэмжээний цалин хангамжтай байх ёстой. Тэгэхээр иргэний нисэхийн салбар Монголд ч гадаадад ч ерөнхийдөө биеэ даасан хэмжээнд үйл ажиллагаа явуулж байдаг. Иргэний нисэхийн салбарыг ерөнхийд нь үзэх юм бол гадаадын хөрөнгө оруулалттай, гадаадаас импортоор орж ирсэн шахуу салбар гэж хэлж болно. Яагаад гэхээр бид өнөөдөр онгоц, онгоцны тоног төхөөрөмж үйлдвэрлэхгүй хүн сургахгүй, дүрэм журам нь ОУ-ын стандарт. Өнөөдөр Монголчууд л ажиллаж байгаа болохоос биш бүх орчин дандаа ОУ-ын стандартынх байгаа. Иргэний нисэхийн салбарыг бусад салбаруудтай хамаагүй харьцуулж болохгүй гэж үздэг. Хэрвээ ингэж харьцуулбал аюулгүй ажиллагааны түвшин алдагдана, ОУ-ын хэмжээнээсээ буурна.
- Бүтцийн өөрчлөлтөө та жаахан тодруулж болох уу? Тийм ч амар шийдэгдэх ажил биш байх?
- Өнөөдөр аюулгүй ажиллагааны байдал бол бусад орныхоос 10-15 жилээр хоцорсон нэлээн доогуур байгаа. Тэгэхээр бид нар энэ ойлголтыг нь сайжруулах, хоцрогдлыг арилгах тал дээр дорвитой арга хэмжээ явуулна. Тоног төхөөрөмж авна гэдэг том асуудал биш. Тэр тоног төхөөрөмжийг яаж ажиллуулах вэ, аюулгүй ажиллагааг яаж хангах вэ гэдэг ерөөсөө л хүиий хандлага, ухамсар дээр тогтоно. Иргэний нисэхийн салбарыг монголчлох гээд байх хэрэггүй.
Өнөөдөр ямар ойлголт байна гэхээр ИНЕГ-ыг хоёр хуваагаад нэг нь улсын агентлаг, нөгөөх нь үйлдвэрийн газар байна гэсэн ойлголт байгаа. Би ч үүнтэй санал нэг байгаа. Гэхдээ санхүүжилтийг нь өөрөөр шийдэх ёстой. ИНЕГ-ын байцаагч нарын санхүүжилтийг төсвөөс авдаг, төрийн албан хаагчдын сүлжээнд оруулчих юм бол энд байцаагчаар ажиллах хүн олдохгүй. Өнөөдөр нисэхийн ажилчид гадаадад ажиллах зах зээлтэй байна. Дотоодод ч тэр. Тэгэхээр бид сайн нисгэгч, инженер олж ажиллуулахгүй бол ямар хүнээр бусдыг нь хянуулах вэ? ИНЕГ гэдэг агентлаг бол ИЗИНИС, Аэро Монголиа, МИАТ зэрэг энэ авиа компаниудын аюулгүй ажиллагааг хангах тэр хяналтыг төрийн өмнөөс тавьдаг юм. Тэгэхээр тэр компаниудад ажиллаж байгаа хүмүүсээс илүү туршлага чадвартай, илүү мэргэжилтэй хүнийг ажиллуулах хэрэгтэй.
Тэгэхийн тулд илүү биш юм гэхэд ядаж боломжийн хэмжээний цалин хангамж өгөх ёстой. Энэ цалин хангамжийг өгдөг байдлаар санхүүжилтийг нь шийдэхгүй бол өнөөгийн байдлаар төрийн албан хаагчдын сүлжээнд оруулчих юм бол бид засаглалын хямралд орно. Аюулгүй ажиллагааны хяналтын хямралд орно. Тэгэхээр бид алдааг хийчихээд дараа нь засах шаардлага байхгүй. Би уулзсан хүн болгондоо, дээд байгууллагууддаа энэ тухай танилцуулж байгаа. Иргэний нисэхийн салбарын бүтцийн өөрчлөлтийг тэгж хялбарханаар төсөөлж хийж болохгүй ээ. Иргэний нисэхийн салбарын өөрчлөлтийг эхлээд судлая. Судалгаан дээрээ үндэслээд санал боловсруулъя.
Саналаа засгийн газарт оруулъя. Их хуралд оруулж батлуулъя. Тэр саналынхаа дагуу хуулиндаа өөрчлөлт оруулчихъя.Засгийн газраас нь тогтоол гаргахаар бутцийг аажим аажмаар хийе ээ. Тэгэхгүйгээр өнөөдөр ерөөсөө л хуваах ёстой гээд 2 хуваачих юм бол засаглалын гүн хямралд орно.
Энэ их хэл амтай, аюулгүй ажиллагаанд маш мэдрэмтгий салбарыг тэгж хялбархнаар бүтцийн өөрчлөлтөнд оруулж болохгүй л гэж бид үзээд байгаа. Яагаад гэхээр 1993 онд МИАТ компани, Иргэний агаарын тээврийн удирдах газар хоёр салж байсан. Хоёулаа боломжийн орлоготой байгууллагыг салгахад 1997 он хүртэл энэ 2 байгууллага нийлэх ёстой, Монгол жижиг улс, заавал ОУ-ын стандарт, хэв загварыг дагах хэрэггүй, бид үүнийг нийлүүлэх ёстой гэдэг тийм үзэл бодолтой маш олон хүн байсан. Тэгээд сайдын зөвлөл дээр хүртэл асуудал олон удаа хүрч байсан. Тэгэхээр ийм асуудлыг бид нар амьдрал дээр туулж байсан учраас энэ 2 байгууллагыг зүгээр л салгачих юм бол эргээд нийлнэ. Бүтцийн өөрчлөлтөнд оруулахдаа эргээд нийлэх юм бол бүтцийн өөрчлөлтөнд орох гэж өшөө 10 жил алдана. Бүтцийн өөрчлөлтөнд оруулахдаа бодлоготойгоор, төлөвлөгөөтэйгөөр, судалгаатайгаар оруулах ёстой. Ингэж оруулахгүй бол өнөөгийн энэ хэрүүл маргаан салахгүй ээ. Яагаад гэхээр мэргэжлийн хүмүүсийн амбиц, ашиг сонирхол өөр.
- Та цалин хөлс гэж түрүүн дурьдсан. Энэ салбарын нийгмийн ахуй хангамж боломжийн гэж яригддаг? - Дарга гэдэг чамгүй их нийгмийн асуудлыг шийддэг үүрэгтэй юм байна. Хүүхдээ сургах асуудал, орон сууц авах, тэтгэврийн насны хүмүүсийн тэтгэмж байна. Тэгэхээр миний хувьд энэ их нийгмийн асуудлуудыг цэгцлэх ёстой. Цэгцлэх зорилт байгаа. Төр засгийн дэмжлэг хэрэгтэй байна. Зорилт нь бид бусад улс орны байгуулсан ардчилал, зах зээлийн системээр явж байна. Бидэнд эхлээд юу хэрэгтэй байна гэхээр зах зээлийн харилцаанд орсон байгууллагуудад ямар зах зээлийн харилцааг бий болгосон бэ гэдгийг судлах хэрэгтэй байна. Судлахад, жишээ нь, баруунд байгууллагын тэтгэврийн сан гээд тогтсон систем байдаг юм байна. Энэ нь ажилчин өөрөө ч, байгууллага нь ч мөнгө оруулж хуримтлал үүсгэдэг. 60 нас хүрээд тэтгэвэрт гарлаа улсаас ч, байгууллагаас ч тэтгэвэр авна гэсэн үг. Эргээд байгууллагынхаа тухайн үеийн удирдлагаас мөнгө гуйгаад явах шаардлага байхгүй. Систем нь тогтоогоод өгчихсөн.
Тэгэхээр бид энэ системийг тогтоох зайлшгүй шаардлагатай байна. 2-рт өнөөдөр Монголд янз бүрийн өвчлөл их байна. Үнэтэй эмчилгээ хийлгэх шаардлага гардаг. Маш олон хүмүүс ийм байдалд орж байна. Тэр хүмүүсээс гадна хамт ажйллаж байгаа хүмүүс нь ч стресс, хямралд орж байна. Тэгэхээр энэ аюулгүй ажиллагаатай холбоотой ийм салбарт стресст орсон, өвчтэй хүн ажиллах ёсгүй ээ. Ийм хүн ажиллуулахгуйн тулд яах ёстой вэ гэвэл өнөөгийн системийг өөрчлөх шаардлага байна. Яагаад гэхээр дарга даргын хажууд байдаг хүмүүсийн үзэмжээр шийдэж байна. Үүнд л хүмүүс дургүйцдэг. Үүнээс бид салах ёстой.
Эрүул мэндийн даатгалын системийг хэрэглэх хэрэгтэй. Барууны систем бол гайхалтай. Улс даатгалын системийг бий болгочихсон. Байгууллага бас бий болгох ёстой юм байна. Баруунд хүн болгон Улсын, байгууллагын гэж 2 даатгалтай байдаг. Тэгэхээр би энэ байгууллагад ажиллаж байгаа хүмүүст эрүүл мэндийн даатгалын систем бий болгоё гэж боддог. Ажилчин, байгууллага хоёр мөнгө оруулснаар сан үүсч эмчилгээ хийлгэхэд даргаас гуйхгүй шүү дээ. Өнөөдрийн систем бол удирдлага даргаас зөвшөөрөл тусламж гуйдаг систем. Даргын найз, даргад талтай хүн шийдүүлж чадна гэсэн тэгш бус систем үүсээд байна. Тэгээд түүгээрээ харддаг. Намайг ч адилхан үзэмжээрээ шийднэ гэж ойлгоод хардаад байна л даа.
Би нийгмийн халамжийн асуудлыг шийддэг систем бүрдүүлэхийг зорилго болгож байна. Нисэхээс тэтгэвэрт гарсан хүмүүстээ бид жилдээ 300-аад сая төгрөг зарцуулдаг юм байна. Тэр мөнгө нь тэгш хуваарилагддаггүй. Хэн өргөдөл бичиж гүйнэ тэр хүн тэтгэмж авч байна. Тэгэхээр бид тэгш үйлчилдэг системийг бүрдүүлье гэж бодож байгаа. Тэр систем нь жилд зарцуулж байгаа 300 сая төгрөгийг 450 ахмаддаа хуваагаад сар болгон картанд нь оруулдаг ч юм уу тийм тэгш хуваарилалтыг бий болгоё. Ингэсэн тохиолдолд ахмадууд над руу ярьж, өргөдөл бичиж тэтгэмж, гуйх шаардлагагүй. ИНЕГ-ын дарга гэж нэг их эрх мэдэлтэй хүн хүний асуудлыг хуйвалдан шийдээд байгаа юм шиг баймааргүй байна. Тэгэхээр энэ бүх хардлага сэрдлэг, дайралт арилна. Нийгмийн халамжийн асуудлаас бусад нь байгууллагын мэргэжлийн ажил байгаа. Мэргэжлийн ажлаа хийдэг дарга больё гэж зүтгэдэг хүмүүс цөөхөн байгаа гэж боддог.

- Та салбараа мэддэг төдийгүй, бас амьдрал мэддэг хун шиг ярьж байна. Дутагдал гачигдал гээд янз янзын асуудал орж ирнэ, тэрийг дагаад гомдол тэмцэл ч бишгүй байх?
- Миний явсан зам шударга. Хүнд хэлэх үгээ хэлчихдэг, юмыг бодохдоо дандаа анализ хийдэг. Уншиж судалдаг. Би агаарын тээврийн талаар номоо гаргасан. Ер нь нисэхэд онолын ганц л тийм ном байгаа байх. Одоо аюулгүй байдлын талаарх хоёр дахь номоо гаргахаар бэлтгээд байгаа. Би мэдлэг дээр суурилсан менежмэнт явуулахыг л хүсдэг. Энэ албан тушаал дээр ирчихээд өөрийнхөө хувийн ашиг сонирхлыг бий болгоод, мөнгөтэй болох өчүүхэн ч санаархал байхгүй. Мөнгө гэдэг чинь ордог, гардаг. Зохимжгүй мөнгө орж ирвэл зохимжгүй байдлаар л гарна. Эсвэл өвдөж хавдана. Тэр мөнгө нь тэгээд л гараад явчихна. Золгүй байдалд орно. Би үүнийг олон хүмүүсийн амьдралаас харж дүгнэж байдаг. "Бурхны сургааль" номыг их уншдаг. Тэнд хүний амьдралыг их гоё гаргасан байдаг. Баян хүн, ядуу хүн амьдралын төгсгөлд. очихоороо ялгаагүй адилхан л явна. Аз жаргал гэж юу юм бэ? Хүн болгонд төсөөлөл нь өөр. Гэхдээ миний хувьд аз жаргал гэдэг хүн өөрөө сэтгэл хангалуун байх ёстой.
Хүнд тусалж дэмждэг байх хэрэгтэй. 60 нас хүрчихээд эргээд 5 хүний амьдралыг сайхан тэгш аваад явчихсан бол би 180 жил амьдарсан юм шиг сэтгэл ханана. Хүний амьдрал ийм л зүйлээр хэмжигдэнэ үү гэхээс өнөөдрийн мөнгө, албан тушаалаар хэмжигдэхгүй .
- Далай ламын сургаальд "Нэр төртэй сайхан амьдар. Тэгвэл нас ахиж эргэн харахын цагт дахин амьдарсан мэт сэтгэл ханах болно" гэдэг байх аа? - Тийм. Яг л тэр сургаалиар явдаг. Бас далай багш "Би хүний нууцыг хадгалж өөртөө стресс авахыг хүсдэггүй хүн шүү" гэж хэлсэн байдаг. Үнэхээр өдөр тутмын ажилд маань нэг нь орж ирээд нууц гээд л аймаар их юм ярина. Би шаналаад л үнэхээр тийм байх гэж бодно. Амьдрал дээр шал өөр байж болно. Одоо бол энэ байгууллага дотор надад орж ирээд "Тэр хүн муу" гээд л хов ярьдаг хүн байхгүй. Тэрнээс нисэх ангижирч байна. Би сонсохгүй байгаа учраас доод хүмүүст тийм хов яригдахгүй байгаа байх. Манай хүмүүс хэлдэг л дээ. "Дарга аа та өөрөө хов сонсохгүй гэсэн болохоор хамаагүй юм ярьж чадахгүй байна л даа" гэдэг.
Хамгийн гол нь эргээд буух эзэнтэй таны нэр гарахад хамаагүй бол надад ярьж болно. Бусдаар би таны ярьсныг дотроо дүгнэсэн хэвээр байна гэж байхгүй ээ. Би тэр муулсан хүнийг чинь дуудаад "Тэр хүн чиний талаар ингэж хэллээ. Үнэн үү, худлаа юу. Тэрийгээ нотол" гэнэ гэж анхнаасаа мэдэгдсэн. Тэгэхээр энэ салбарт хов жив гайгүй болж байна. Дарга бол байгууллагын тал гэж ярьдаг. Өөрийгөө энэ байгууллагын тал гэж бодож байгаа. Тэгэхээр би аль болох нээлттэй, хүмүүстэй илэн далангүй зөвөлгөө өгч, авдаг.
- Салбар өөрөө яалт ч үгүй мэргэжпийн ур чадвар шаарддаг ажил. Та энэ салбартай хичнээн жил амь амьдралаа холбоод явж байна вэ?
- Би энэ салбарт 20 дахь жилдээ ажиллаж байна. Энэ салбартай амьдралаа холбоод 28 жил болж байна. Бидний үед сайхан байлаа. Би Говь-Алтайн Баян-Уул сумын 10 жилийг төгссөн. Сумынхаа сургуульд элсэлтийн шалгалтанд хоёрт орж байсан. Аймагтаа дөрөвт орж байсан. Тэгээд конкурст өрсөлдөөд нисэхийн холбооны хуваарийг авсан. Би заавал нисэхийн хүн болно гэж бодож зорилго болгоогүй байсан. Гэхдээ л хувь заяаны эрхээр 18 настай байхаасаа л нисэхтэй холбогдсон гэсэн үг.
- Салбар нь өөрөө хүнийг бас их төлөвшүүлдэг байх? - Тийм. Нисэхийнхэн арай л өөр гэж манай найз нар ярьдаг. Яагаад гэхээр гарахдаа хүртэл чийдэн, индүү бүх юмаа салгасан уу үгүй юу гэж аюулгүй талаасаа дахин давтан шалгадаг. Нөгөө бодлын их ядаргаатай ч юм шиг. Ер нь цалин гэдэг миний ойлгож байгаагаар хүний эрүүл мэндийг төдий хэмжээгээр худалдаж авч байгаа гэсэн ойлголт. Бид хүний төлөө ажиллаж байна. Ингэсний төлөө цалин авч байна. Бие эрүүл мэнддээ хэдий хэмжээгээр зарцуулж байна тэр хэмжээгээр цалин авч байна. Энэ нь нисэхийн мэргэжлийн хүмүүс дээр их сайн ялгарч гарч ирдэг юм. Нислэгийн удирдагч, нисгэгч гээд нарийн мэргэжлийн хүмүүс хязгаарлагдмал орчин, цаг хугацаанд шийдвэр гаргаж ажиллах ёстой. Ерөөсөө хэдхэн секундээр үнэлэгдэнэ. Тэр хүмүүс маш их стресст ажилладаг ч дундаж цалин авдаг.
Миний цалингаас даруй 2-3 дахин өндөр цалин авч байгаа. Тэгэхээр тэр хүмүүст яагаад илүү цалин өгч байна гэхээр байгууллага та нарын эрүүл мэндийг илүү их ашиглаж байгаа шүү. Чи энэ мөнгөөр өөрийнхөө биеийг нөхөн сэргээж стрессээ тайлах ёстой шүү гэдэг байдлаар өгч байгаа. Бусдаар Монголд ийм өндөр цалинтай хүн амьдарна, бага цалинтай нь амьдрахгүй гэсэн ойлголт биш. Үүнийг манайхан буруу ойлгоод өндөр цалинтай их сайхан ажил гэж ойлгоод байдаг. Үнэн хэрэгтээ тэр ажил чинь тэр хүний эрүүл мэндийг асар их авдаг. 450 ахмад дунд гэхэд нарийн мэргэжлийнх нь 10-аад л хүн байх жишээтэй.
- Таны өрөөний цонхоор Богд уул цайгаад харагддаг юм байна. Та ч түрүүн ярилаа. Хариуцсан ажил маань нэлээн нерв, стресст оруулдаг гэж. Энэ бүхнээс яаж сэтгэлийн тэнцвэрт байдлаа хадгалж гардаг вэ? - Ерөнхийдөө би аливааг дандаа цагаан талаас нь хардаг. Хүнтэй асуудлыг ярихдаа дандаа эерэгээр хардаг. Одоо миний тухай зарим нэг асуудал хэвлэлд гардаг. Яахав. Миний гэнэн цагаан сэтгэлээс болж байна. Би ерөөсөө хүн намайг муугаар хэлнэ гэж боддоггүй. Хүнтэй уулзаад инээгээд л яриад гардаг. Өөөрийнхөө амьдралын хэв маягийг стрессээс холуур авч явахыг хичээдэг.
- Та ч нэлээн эртэч хүн юм байна. Арга ч үгүй байх. Шөнө утсаа салгахгүй юу?
- Утас салгахгүй. Гэхдээ шөнө над руу хүмүүс утасдаад байдаггүй юм. Яагаад гэхээр хүн өөрөө өөрийнхөө талхыг л идэх ёстой. Талх гэдэг маань манайх 24 цагаар ажиллуулж байна. Тэр хүмүүс 24 цаг дарга байхгүй үед даргын эрх мэдэлтэйгээр ажлаа явуулж байгаа гэсэн үг. Шөнө болгон утасдаад заавар зөвөлгөө аваад байвал энэ хүн чинь амьдарч чадахгүй болно.
Тэгэхээр би ажилчиддаа нэг л шаардлага тавьж байгаа. Ерөөсөө өглөө 8 цагтаа ирж ажлаа яг цагт нь амжуул гэдэг. Орой 9,10 цаг хүргэлээ гээд маргааш нь ажлын үр бүтээл гарахгүй. Үүнээс өөр хэлбэрээр ажиллах хүсэлтэй хүмүүс бичгээр саналаа өгч болно. Захиргаанаас тэр саналыг нь дэмжье гэж хэлдэг. Уян хатан байдлаар хүмүүсийг ажиллуулах чиглэлдэр л ажиллаж байгаа.
- Таны амьдралын философи хүн өөрөө л зөв байх юм бол ёстой негөө гэсэн зарчимтай гэж ойлголоо? - Ерөөсөө л би тийм л замаар явдаг. Аль болох цагаан сэтгэлээр хандах. Хүмүүсийг зөв замд нь ороход нь туслах, тэгээд ном бичнээ гэдэг чинь өөрийнхөө мэддэг чаддагийг хүмүүст хүргэх гээд байна. Түүн дээрээ түшиглээд би мэргэжлээрээ 5 дахь жилдээ багшилж байна.
Нас залуу боловсон хүчнүүдийг сургахыг хүсдэг. Номон дээрээ түшиглээд Австралид мастерын зэрэг хамгаалсан. Барууны сургалт хүнийг ерөөсөө хүнийг хүссэн хүсээгүй хэлбэржүүлж байдаг. Жишээлэхэд баруунд мастер хамгаалсан хүнтэй ярихад ойлголцоход маш хялбархан. Угаасаа тэр барууны сургалт чинь хүнийг нэг хэвэнд цутгаад гаргасан юм шиг байдаг. Тэгэхээр би баруунд мастерын зэрэг хамгаалах, дахин суралцах, хүмүүсийг маш их дэмжиж байгаа. Одоогоор 2 хүн манай санхүүжилтээр нэг нь Австралид алсын зайгаар сурч байна. Нөгөөх нь Францад сурч байгаа. Өшөө олон хүмүүсийг бид явуулъя гэж бодож уриалга гаргасан байгаа. Харамсалтай нь барууны сургуульд тэнцээд бүртгэлийн хуудсаа авбал дэмжье гэж байгаа ч тийм хүмүүсийн тоо цөөхөн байгаа. Нарийн мэргэжлийн хүмүүстэй бид ярьж байна. Яагаад гэхээр бидний өнөөдрийн ихэнх сургууль жишээлэхэд инженер онгоц яаж засах вэ гэдгийг заагаад байгаа. Онгоц засахад 10 хүн ажилладаг юм. Тэр 10 хүнийг яаж удирдан зохион байгуулах вэ гэдгийг тэр хүмүүст заахгүй байгаа. Тэгэхээр тэр 10 хүнийг хэн нэг нь удирдаж л таарна. Тэр мэргэжпийн хүмүүсийг хүн яаж удирдах вэ гэдэг сургалт явуулах ёстой. Тэр сургалтыг ажиллаж байгаа хүмүусээсээ, дотроосоо сургах ёстой гэж боддог. Тэр сургалтыг яаж явуулах вэ гэхээр өнөөдөр алсын зайнаас явуулж болно, очоод сурч болно. Ер нь тийм сургалтанд бид цаг хугацаа, хөрөнгө Мөнгө зарцуулах ёстой.
- Таны дээр салбар хариуцсан сайд гэж байна. Ямар хэмжээнд ойлголцож байна? - Салбарынхаа сайдтай би ажил албаны энгийн харилцаатай. Сайд 7 хоног тутам шуурхай явуулж, өөрөө сууж цагаа зарцуулдаг. Бидэнтэй ойлголцож, мэдээллийг цаг алдалгүй түргэн шуурхай авахыг зорьдог сайдад хүндэтгэлтэй хандаж байгаа. Тэгэхээр сайд энэ байгууллагын талаар бүрэн мэдээлэлтэй яваа гэж ойлгодог. Сайдад өөрийн санал зорилго, аюулгүй ажиллагааг яаж сайжруулж болох вэ гэдэг чиглэлээр мэдээлэл сайн өгч байгаа. Сайд ч намайг ойлгож ажиллаж байгаа гэж бодож байна.
- Танд баярлалаа. Амжилт хүсье.

"Монголын нэг өдөр". №-41

ИНЕГ-ын даргын ярилцлагыг Залуустаа хүргэж байна

2009-11-05T05:23:00.000-08:00

- Иргэний нисэхийн ерөнхий газраас жил бүр тодорхой тооны хүүхдийг гадаадад сургуульд явуулдаг. Гэтэл үүнд ихэвчлэн тус газрын дарга нарын хүүхэд л хамрагддаг хэмээн хүмүүс бухимддаг. Энэ хэр үнэний хувьтай асуудал вэ?
- Иргэний нисэхийн байгууллагаас жил бүр 10 хүүхдийн сургалтын зардлыг бүрэн дааж, сургадаг байсан. Энэ зардалд нийтдээ 200 гаруй сая төгрөг төсөвлөгддөг, ихэвчлэн дарга нарын хүүхдүүд суралцдаг байлаа. Үүнийг би зогсоосон. Учир нь манайх нисэхийн мэргэжлээр хүүхдүүд сургаж болно, гэхдээ сонгон шалгаруулалт явуулж, шударгаар өрсөлдүүлж, арын хаалганы биш, үнэхээр энэ мэргэжлийг эзэмшихийг хүсч байгаа залуусыг сургах ёстой. Тэгэхгүй бол нисэхийн дарга нарын хэдэн хүүхэд л төрийн зардлаар сургуульд сураад байж болохгүй.
- Иргэний нисэхийн дарга нар бүгдээрээ албаны машин унадаг. Харин та дарга болоод нэлээд хязгаарласан гэж сонссон?
- Иргэний нисэхийн ерөнхий газарт 18 дарга байгууллагын машин унадаг байлаа. Үүнийг цөөлж, дөрөв болгосон. Ингэснээр дарга нар ажил дээрээ тогтдог болж, жилийн зардлаас 75 орчим сая төгрөгийн хэмнэлт хийсэн байна. Мөн бүтээн босголт, хөрөнгө оруулалтын ажил тодорхойгүй, зарлагдсан тендер бүрхэг явдаг байсан. Энэ байдлыг зогсоосноор багагүй хэмнэлтийг хийгээд байна. Тухайлбал, Дорнодын нисэх буудлын засварын тендер байна. Энэ засварын ажилд 75 сая төгрөг төсөвлөсөн байсан. Тиймээс энэ тендерийг зогсоосон.
Учир нь нисэх буудлын засварын ажилд 75 сая төгрөг төсөвлөнө гэдэг дэндсэн хэрэг. Энэ мөнгөөр 2-3 давхар хаус барих боломжтой. Нисэх буудлын өнгийг засах засварт ийм хэмжээний хөрөнгө төсөвлөнө гэдэг хэтэрсэн зүйл. Ингээд тендерийг зогсоож, аймгийн нисэхийн даргаас энэ засварын ажлыг өөрсдийн хүчээр хийх боломж бий эсэхийг тодруулсан. Аймгийн нисэхийн дарга энэ засварыг хийхэд нийт зардал 14.5 сая төгрөг болохыг төсөвлөж гаргасан. Тэр нисэхийн ажилчид хийчих болохоор ажлын хөлсөнд илүү мөнгө төсөвлөх хэрэггүй гэсэн. Бид ярилцаад, ажлын хөлс, бусад зардалд гурван сая төгрөг нэмж олгохыг санал болголоо. Харин аймгийн нисэхийн дарга дахин тооцож үзээд 1.5 сая төгрөг байхад болно гэсэн. Ингээд 75 сая төгрөгөөр төсөвлөгдсөн Дорнодын нисэхийн засвар 16 сая төгрөгт багтсан.
- Ингэхэд та 60 орчим сая төгрөг хэмнэсэн засварын ажлыг очиж үзсэн үү. Таныг өнгөрсөн долоо хоногт Дорнод явсан гэж сонссон юм байна? - Үзсэн. Дорнодын нисэх буудлын засварын ажлын гүйцэтгэлтэй танилцлаа. Боломжийн хэмжээнд хийсэн байна гэж дүгнэж байгаа. Ер нь энэ байдлаас болон сүүлийн үед ялангуяа, төрийн байгууллагууд тендер зарлахын өвчин тусаа юу гэж бодох болсон. Болсон, болоогүй тендер зарлаж, нэг хэсэг хүмүүс завшдаг. Нүд хуураад нэг их ажил хийсэн мэт харагдуулдаг муу зантай болчихож. Үүнийг бага гэлтгүй арилгах ёстой бодож байна. Төсөв хэмнэх, ялангуяа тендер зарладаг өвчинг арилгахаар ажиллаж байна.
- Тендер зарладаг өвчин газар авсан гэж та хэллээ. Тэгвэл энэ байдлыг гэнэт өөрчлөх нь зарим хүмүүст таалагдахгүй байж болох юм. Ингэж хэлэх болсон нь сүүлийн үед та хэвлэлээр байнга бичигдэх болсонтой холбоотой юм л даа? - Тендер явуулахгүй болохоор дургүйцэх хүн цөөнгүй гарч байна. Тийм хүмүүс намайг элдвээр хэлж, хэвлэлээр захиалгаар бичүүлж байгааг би мэднэ. Цөөн хүн юу гэж ярих нь хамаагүй, Иргэний нисэхийн ерөнхий газар төсөв, хөрөнгөө зохистой зарцуулах нь чухал. Хөрөнгө оруулалт, үйлдвэрийн зардал ялгаагүй манай данснаас гарах учраас зөв хэмнэлтийг хийх ёстой. Хэнтийн нисэх буудлын засварын ажилд 25 сая төгрөгийг төсөвлөсөн байсан. Харин үүнийг нь өөрсдийнх нь хүчээр хийлгэхэд найман сая төгрөг зарцуулж байгаа юм.
Мөн Өвөрхангайн нисэхийн ажилтнууд байшингийнхаа халаалтад 12 сая төгрөг төсөвлөсөн байсан. Судлаад үзэхэд, нүүрс худалдаж авахаас илүү цахилгаан халаалт тавих нь хамаагүй хямд зардалтай болохыг нь тогтоосон. Ингээд аймгийн нисэхийн өрөө болгонд цахилгаан халаалтыг суурилуулснаар зургаан сая төгрөг хэмнэлээ. Энэ бүхнийг дурдах болсон нь сүүлийн үед төрийн байгууллагаас тендер нэрээр мөнгө завших хүмүүс нэмэгдэх болсноос үүдэлтэй. Энэ байдал ч манайд байсан. Миний хувьд үүнтэй хэзээ ч эвлэрэхгүй. Тиймээс тендер нэрээр мөнгө хождог хэсэг хүмүүсийн үйл ажиллагааг энэ мэтээр таслан зогсоож байна.
- Иргэний нисэхийн ерөнхий газрын даргын албан тушаал багагүй эрх мэдэлтэй. Тиймээс энэ суудалд суухыг хүсдэг хүмүүс их байдаг гэж сонссон. Энэ үнэн үү? - 70 орчим тэрбум төгрөгийн санхүүжилттэй, 2000 гаруй ажилтантай томоохон байгууллага болохоор олон хүний анхаарлыг татдаг байх. Тиймээс таны хэлсэн үг үнэний хувьтай. Нэг хэсэг Иргэний нисэхийн ерөнхий газрын дарга үүрэг хүлээх биш эрх мэдэлтэй нэгэн байсан. Тиймээс энэ байдалд би өөрчлөлт хийхийг хүсч байна. Учир нь дарга гэж эрх мэдэл, ямба эдлэхээс илүү ажилтнуудынхаа өмнөөс үүрэг хүлээх ёстой. Нэг үгээр хэлбэл, дээрээс тушаал өгч, эрх эдлэхээс илүү, ажилтан, ажилчдынхаа өмнөөс үүрэг хүлээх учиртай. Энэ хүрээнд хамгийн эхэлж, Иргэний нисэхийн еренхий газрын ажилтнуудын нийгмийн, эрүүл мэндийн даатгалын асуудлыг анхааралдаа авч, ажиллаж байна. Хүнийг өвчин, зовлон тойрохгүй дайрдаг. Тэгээд ч сүүлийн үед монголчууд маш үнэтэй эмчилгээг гадаадын улс орнууд руу явж хийлгэдэг болсон. Төрийн албан хаагч гадаадын улс орнуудад эмчилгээ хийлгэхэд 70 хувийг нь байгууллагаас гаргах үүрэгтэй. Энэ хүрээнд дарга нарыг таньдаг, түүний эргэн тойронд байдаг хүмүүс энэ төрлийн хангамж эзэлдэг байсан. Тиймээс төрөөс олгож байгаа халамж, хангамжийг төрийн албан хаагч ижил хэмжээнд хүртэх боломжийг хамгийн түрүүнд хангахад миний ажил чиглэж байна. Энэ хүрээнд Иргэний нисэхийн еренхий газарт хувь хүний нийгмийн халамжийн тогтолцоог бий болгоход анхаарлаа хандуулан ажиллана.
- Хувь хүний нийгмийн халамж гэдгээ тодорхой тайлбарлахгүй юу? - Даргын эрх мэдлийг үүрэг болгон хувиргаж, хувь хүний нийгмийн даатгалын системийг бүрдүүлэх ёстой. Энэ системийг би нэлээд судалж байна. Манайд маш чухал. Тухайлбал, нисгэгчийн бие өвдсөн бол нислэгтээ гарах боломжгүй. Харин нислэгтээ гарахгүй бол тэр хүн цалин авахгүй. Тиймээс цалин авахын тулд өвчтэй ч гэсэн тухайн нисгэгч нислэгтээ гарч байна. Үүнийг өөрчлөх цаг болсон. Тиймээс нисгэгчдийг амь насны даатгалд хамруулах ёстой. Хамгийн түрүүнд хийхээр төлөвлөж байгаа хоёр ажил байна. Үүнд, байгууллагын тэтгэврийн системийг бий болгох. Баруунд ямар ч байгууллагад ажиллаж байсан хамаарахгүйгээр хоёр тэтгэмжид хамрагддаг юм байна. Нэг нь улсын тэтгэмж. Энэ нь улсад ажил хийж байсан эсэхийг хамаарахгүйгээр насны эцэст хамрагддаг тэтгэмж. Нөгөөх нь байгууллагын тэтгэмж. Манайд улсын тэтгэмж байдаг. Харин байгууллагын тэтгэмж байхгүй. Тиймээс энэ тэтгэмжийг үүсгэх цаг болсон.
- Ингэхэд Иргэний нисэхийн ерөнхий газраас ахмадууддаа жилд хэчнээн төгрөгийн тэтгэмж үзүүлдэг вэ? - Иргэний нисэхийн ерөнхий газраас жил бүр ахмадуудын тэтгэмжид 400 сая төгрөг зарцуулдаг. Амралт, орон байр, бусад хангамж, тэтгэмжид энэ хөрөнгө зарцуулагддаг. Эхнээсээ ийм систем үйлчлээд, сүүлдээ хэвшил болчихсон. Гэтэл тэдгээр ахмадын хувьд энэ байгууллагад хийдгээ хийгээд, авдагаа авсан хүмүүс. Тиймээс энэ хөрөнгийг одоо ажиллаж байгаа хүмүүстээ зөв зарцуулах ёстой. Ингээд өөрчлөлт хийе гэхэд эрх зүйн орчин байхгүй. Тиймээс эрх зүйн орчных нь хүрээнд бага зэрэг өөрчлөлт хийхээр төлөвлөж байна. Энэ нь хүрээнд ахмадуудынхаа нэр дээр данс нээж, сар бүр дансанд нь мөнгө шилжүүлэхээр төлөвлөж байна. Ингэснээр ямар нэгэн баяр ёслол, өвчин зовлон тоочиж, тусламж гуйдаг байдал арилах байх гэж бодож байна. Нөгөө талаар тэгш хувиарлалтын систем бий болгож байгаа юм. Учир нь өнөөдөр хэн өргөдөл бичиж, дарга даамлаар хөөцөлдөж байна тэр хүссэн авдаг, чимээгүй болох байлгүй гээд суугаад байдаг хүмүүст нь юу ч оногдохгүй өнгөрдөг. Тэгсэн атлаа ахмадууд гэсэн нэрийн доор бүх л хүмүүс хамрагдаад байгаа юм шиг ажиглагдаад байдаг. Энэ байдлыг тэгш хувиарлалтын системээр өөрчлөхөөр ажиллаж байна.
- Ингэхэд монгол нисгэгчдийн дундаж нас хэд байдаг вэ?
- 45-48. Социализмын үед сургууль төгссөн нисгэгчид өнөөдөр ажиллаж байна. Нисгэгчийн гол шалгуур туршлага байх ёстой. Гэтэл туршлагатай нисгэгчийг ажилд авахад маш цөөхен жил ажиллаад л тэтгэвэртээ гарах болдог.
- Яагаад. Нисгэгчийн сургуульд залуусыг явуулж, сургах ёстой юм биш үү. Иргэний нисэхийн ерөнхий газраас зардлыг нь дааж сургаад байдаг. Дарга нарын хүүхдүүд нисгэгчийн мэргэжилд дургүй гэж үү? - Зардал өндөр. Нэг хүүхдийг сургахад 200 гаруй мянган ам.доллар болно. Харин манайхаас зардлыг нь дааж сургаж байсан хүүхдүүдийн хувьд ихэвчлэн хямдхан зардалтай инженер, техникийн мэргэжлээр сурч байсан. Нисгэгч гэдэг машин барихаас эрс өөр. Учир нь нисгэгчийн хамгийн чухал зүйл туршлага, мэдлэг. Жижиг онгоцноос, том онгоц руу шилжиж, мэргэших ёстой.
Түүнээс сургуулийг нь төгссөн гээд л шууд том онгоц жолоодно гэж байхгүй. Ийм болохоор нисгэгчийн сургууль төгсөөд хамгийн эхлээд 10 дараа нь 35 зорчигчтой онгоц жолоодно гэх мэтээр шат дараалалтай. Харин сүүлийн үед нисгэгчийн сургууль төгсч ирсэн залуусын хувьд дөнгөж 10 зорчигч тээвэрлэх онгоц жолоодох эрхтэй хүмүүс байдаг. Өмнө манай нисгэгчид гэхэд л эхлээд АН-2, дараа нь АН-24, тэгээд ТУ, түүний дараа том онгоц жолооддог байсан. Гэтэл одоо дандаа хувийн компаниуд болчихсон. Тиймээс жижиг, дунд, том онгоцтойгоороо өөр, өөр компани болчихсон болохоор бусад компанийнхаа нисгэгчийг өөрсдийн онгоц дээр туршлагажуулахыг хүсэхгүй байна. Аргагүй шүү дээ, өнөөдөр манайд энэ бүхнийг зохицуулах систем нь бүрдээгүй.
Тэгвэл Иргэний нисэхийн ерөнхий газрын дэргэд нисгэгчийн сургууль байгуулж болдоггүй юм уу. Гаалийн ерөнхий газар гэхэд дэргэдээ Гааль, эдийн засгийн сургуультай шүү дээ? - Эдийн засгийн боломж байхгүй. Харин байгаа боломж нь гэвэл эрхзүйн орчин байна манайд. Гэхдээ эрхзүйн орчин байгаа гээд сургууль байгуулах боломж байхгүй. Наад зах нь гэхэд таван жил элсэлт аваад л агаарын компаниуд нисгэгчээр бүрэн хангагдчихна.
- Монголын нисгэгчид ямар улсад бэлтгэгддэг юм бэ? - АНУ, Канад, Англи, Тайланд Шведэд бэлтгэж байна. Шинээр бэлтгэгдсэн нисгэгчдийн дундаж нас 27-28.
- Нисгэгчдийн дундаж цалин хэд байдаг бол? - "МИАТ"-ийн нисгэгч 3-4 сая төгрөгийн цалинтай. Харин "Изинис"-ийн нисгэгч хоёр сая төгрөгийн цалинтай.
- Орон нутгийн нисэх онгоцны буудлууд нэлээд баартай байх шиг байна. Увс аймгийн нисэх буудалд газардах гэж байсан онгоц хоёр ч удаа шувуутай мөргөлдсөн хэрэг энэ онд гарлаа? - Онгоцны буудлын ойролцоо айлууд буусан, нядалгааны газар байрласан, бүр чацарганы талбайтай ч аймаг байна. Нисэх буудлын дэргэд буусан айлуудыг бүрэн нүүлгэсэн. Харин нядалгааны талбайн хувьд бага зэрэг асуудалтай байгаа учраас бүрэн шийдвэрлэж болохгүй байна. Ямартаа ч махчин шувууд нүүдлийнх учраас нэг хэсэгтээ энэ асуудал намжлаа.
- Асуудал хэсэг хугацаанд л намжаад байгаа гэлээ. Тэгэхээр ирэх жил энэ байдал давтагдахгүй гэсэн баталгаа байхгүй гэсэн үг үү? - Тэгж ойлгож болно. Увс аймгийн хувьд ирэх жил шинэ нисэх буудалтай болох юм. Аймгийн төвөөс 10 гаруй километр зайд нисэх буудал ашиглалтад орчих байх аа.
- Орон нутгийн нисэх буудлын зам ачааллаа даахгүй цөмөрсөн тохиолдол гарсан байхаа?
- Өмнөговь аймгийн нисэх буудлын талбай эвдэрсэн нь ачааллаа даахгүйгээс болсон нь үнэн. Судалгаагаар нисэх буудлыг анх байгуулахдаа алдаа гаргасан нь тогтоогдсон. 1986 онд уг талбайг ашиглалтад оруулахдаа яг онгоц буудаг талбайг 1.5 метр гүн ухах байсныг 70 сантиметр ухаж, шороо хийгээд битүүлсэн байна билээ. Гэтэл энэ талбайд жижиг онгоц буухад болно. Харин том онгоц буухад ачааллаа даахгүйгээс цөмөрсөн. Мөн энэ байдалд бороо ч их нөлөөлсөн. Энэ бүхнээс харахад аэродромыг барих стандартад ч өөрчлөлт оруулах цаг болсныг илтгэж байгаа.
Хөвсгөлийн Хатгал сумын нисэх онгоцны буудал байна. 2006 онд барьж эхэлсэн. Нийтдээ нэг тэрбум төгрөг зарцуулж барьсан атлаа гүйцээх боломжгүй болж, хаягдсан. Эхнээсээ технологи нь буруу байснаас ашиглалтад оруулах боломжгүй болж, нэг тэрбум төгрөг хаягдлаа.

Х.ГАН-ЯЛАЛТ

"Монголын мэдээ". 2009.10.30

Хөвсгөл аймаг дахь НБ-ын даргаар томилогдов

2009-11-02T00:26:00.000-08:00

Иргэний нисэхийн залуучуудын холбооны тэргүүлэгч, "Чингис хаан" ОУБ-ын үйлдвэрлэлийн ахлах зохицуулагч Д.Эрдэнэ-Очир нь Хөвсгөл аймаг дахь нисэх буудлын даргын сонгон шалгаруулалтад тэнцэж, тус нисэх буудлын даргаар томилогдлоо.
Д.Эрдэнэ-Очир нь 1974 онд Хөвсгөл аймагт төрсөн. Энэхүү албан тушаалд томилогдохын өмнө "Чингис хаан" олон улсын буудлын Ерөнхий зохицуулагчаар ажиллаж байсан. ОХУ-ын Санкт-Петербург хотын Иргэний нисэхийн академийг агаарын тээврийн удирдлага, тээвэр зохион байгуулагч инженерээр, Удирдлагын академийг удирдахуйн ухааны магистраар тус тус төгссөн. Сингапур, Япон, Солонгос улсуудад нисэхийн аюулгүй байдлын удирдлага, эрсдлийн менежмент, нисэх буудлын менежментийн чиглэлээр суралцсан.
ХМК-ийн 1-р үйлдвэрт ээлжийн ажилтан, БҮК-2 компанид ээлжийн ажилтан, ОХУ-д "Аврора" ХХК-д ерөнхий захирал, "Чингис хаан" ОУБ-д тусгай үүргийн хэсгийн камерийн оператор, аюулгүйн үзлэгийн шалгагч, хэсгийн ахлагч, үйлдвэрлэлийн ахлах зохицуулагчаар ажиллаж байсан.

Д.Эрдэнэ-Очиртоо ажил, амьдралд сайн сайхныг хүсэн ерөөе !

Иргэний нисэхийн залуучуудын холбоо

Ханиаж найтаахдаа ам хамраа тагла

2009-10-26T23:23:00.001-07:00

Томуугаас сэргийлэх зөвлөмж (видео кино)

2009-10-26T22:57:00.000-07:00

Азийн ХөгжлийнБанк-Сиднейд суралцах Японы Тэтгэлэгт хөтөлбөр

2009-10-26T19:10:00.000-07:00

-Бүртгэлийн сүүлийн хугацаа 2009/11/30
Азийн хөгжлийн банк-Японы Тэтгэлэгт хөтөлбөр нь 1988 оны 4-р сард Японы засгийн газрын хөрөнгө оруулалтаар үүсгэн байгуулагдсан. Уг хөтөлбөрийн зорилго нь Банкны хөгжингүй гишүүн орны иргэдийг өөрсдийн улс орны хөгжилд эдийн засгийн болон нийгмийн хувь нэмрийг оруулуулахаар чанартай postgraduate сургалтын боломжийг олгоход оршдог.
Хэн оролцох эрхтэй вэ?
Тус банкны гишүүн орнуудын иргэд. (Дор орнуудыг жагсаасан байгаа) байх бөгөөд тэд хамгийн багадаа мэргэжлээрээ 2 жил ажилласан, Сиднейн их сургуулийн доорхи хөтөлбөрт хамрагдах боломжтой хүмүүс байх юм.

Master of Economics / Эдийн засгийн магистр
Master of Commerce / Худалдааны магистр
Master of International Business / Олон улсын бизнесийн магистр
Master of Transport Management / Тээвэр удирдлагын магистр
Master of International Public Health / Олон улсын олон нийтийн эрүүл мэндийн магистр
Master of Engineering / Инженерийн магистр
Анхааруулга, өөрийн төрсөн улсаас өөр улс оронд амьдарч, ажиллаж буй хүмүүс энд хамрагдахгүй болно. Мөн энэ хөтөлбөрт 2-с илүү удаа хамрагдах боломжгүй учраас 2 хамрагдсан хүмүүс дахин хамрагдахгүй.

Бүртгэлийн сүүлийн хугацаа:
Бүртгэл 2009 оны 11 сарын 30-нд дуусах бөгөөд хичээл 2010 оны 7-р сард эхэлнэ.

Тэтгэлгийн талаархи дэлгэрэнгүй мэдээлэл болон элсэлтийн мэдүүлгийг доор дарж үзнэ үү:

Further Scholarship Information and Application

Дэлгэрэнгүйг энд-ээс хараарай

Үр бүтээлч байх - 6 алхам

2009-10-26T07:28:00.000-07:00

Хэрэв та уншаад амьдралдаа хэрэгжүүлж чадвал таны ажил өмнөхөөсөө улам илүү үр бүтээлтэй болно гэдэгт итгээрэй.

1. Хийх зүйлсээ цаасан дээр бичиж тэмдэглэ (Write down everything)
2. Хийх ажлаа олон жижиг хэсэгт хуваа (Divide & Conquer)
3. Ажиллах орчноо өөрт чинь хамгийн тохьтой байхаар бэлд (Comfortable Environment)
4. Хамгийн амархан бөгөөд хурдан дуусгаж чадах ажлуудаасаа эхэл (Smallest task first)
5. Богино, дунд болон урт хугацаанд хийх зуйлсээ төлөвлө (Plan short, medium and long term)
6. Ямар нэгэн хугацаанд зөвхөн нэг ажил дээр төвлөр (Only one task at a time)

Эх сурвалж -> http://www.salaryscout.com/blog/how-to-be-ultra-productive-six-tips/

Хүний дайтай амьдарч л явна даа…

2009-10-25T21:12:00.000-07:00

ИН-ийн салбарт ажиллаж байгаа авъяаслаг залуусын бүтээлээс Та бүхэнд цувралаар хүргэж байгаа билээ. Энэ удаад ТХА-ны инженер Д.Батцэнгэлийн зохиосон шүлэгнээс хүргэж байна. Тэрбээр энэ шүлгэндээ ая зохиож, Ахмадын баярын үеэр ИНЕГ-аас зохион байгуулсан арга хэмжээн дээр дуулсан юм.

**Хүний дайтай амьдарч л явна даа…**

Өглөө болгон эртлэн босоод
Өөдрөг амьдралд дандаа тэмүүлнээ
Үе үеийнхэн нөхдөө мөрлөөд
Үйлсийн сайханд яаран алхалнаа
Ерөөлөөр учирсан ажилдаа яараад
Ердөөч миний сэтгэл тогтохгүй ээ
Амьдралын бартааг хамтдаа туулсан
Нисэхийн хэдэн сайхан нөхөд минь ээ

Дахилт: Хорвоод хүртсэн энэхэн заяандаа
Хайртай нөхдөө мартхын аргагүй ээ
Хүслийн минь дээд алсын бодолтой
Хүний дайтай амьдарч л явна даа.

Зовлон жаргал ээлжлэн байхад
Зүрхний угаас зүтгэж явсан юмаа
Хотлын амьдралыг өрнүүлэх гээд
Хосхон жигүүртэй дуулж л явсан юмаа
Тэнгэрийн замын сүлжээ бүхнийг
Тэрлэж л найзууд минь зурсан юмаа
Түмний төлөө хийсэн бүхэн нь
Тэртээ тэнгэрт мөнхрөн үлдсэн юмаа

Дахилт: Хорвоод хүртсэн энэхэн заяандаа
Хайртай нөхдөө мартхын аргагүй ээ
Хүслийн минь дээд алсын бодолтой
Хүний дайтай амьдарч л явна даа.

Үдэш болоход зогсоол дээрээ
Үүрссэн морь шиг мөнгөн хүлэг минь ээ
Бидний л алдрыг тэмдэглэх шиг
Буудал дээрээ гангаран харагднаа
Ханьдаа яаран хүүгээ санасан
Хүний сэтгэл хэзээч дундрахгүй ээ
Оройны унаанд сандран гүйлдээд
Нисэхийн амьдралд дэндүү л дасч
Д:_____________
2008:05:05нд 18:18 бичив.
үг,ая : ИНЕГ __ ТХА –ны Навигацийн хэсгийн
үйлдвэрлэлийн тасгийн инженер : Д.Батцэнгэл